Chitsauko1 Mawaniro Atakaita Bhuku raMormoni.

Apo Joseph Smith paaiva nemakore gumi nemana, machechi mazhinji akanga achizviti ndiwo aiva echokwadi, uye akashaya kuziva kuti opinda ipi.

Joseph Smith—Nhoroondo 1:5–10

Rimwe zuva Joseph akaverenga Jakobo 1:5 muBhaibheri: “Zvino kana mumwe wenyu achishaiwa kuchenjera, ngaakumbire kuna Mwari.” Joseph aida kuziva kuti ndeipi chechi yaiva yechokwadi, saka akasarudza kubvunza Mwari.

Joseph Smith—Nhoroondo 1:11–13

Pamangwanani epfumvudza Joseph akaenda musango padyo nekumba kwavo kunonamata.

Joseph Smith—Nhoroondo 1:14

Apo paakapfugama pasi uye akatanga kunamata, Satani akaedza kumumisa. Joseph akanamata zvakasimbisisa, achikumbira Baba Vekudenga rubatsiro.

Joseph Smith—Nhoroondo 1:15–16

Baba Vekudenga naJesu Kristu vakauya kuna Joseph mumurazvu wechiedza. Baba Vekudenga vakanongedza kuna Jesu vakati: “Uyu Mwanakomana Wangu Wandinoda. Munzwe!”

Joseph Smith—Nhoroondo 1:16–17

Joseph akabvunza kuti ndeipi chechi yaaifanira kupinda. Jesu akamutaurira kuti asapinde ipi zvayo yadzo nokuti dzose dzakanga dzisiri dzechokwadi.

Joseph Smith—Nhoroondo 1:18–19

Apo Joseph paakataurira vamwe vanhu izvo zvaakanga aona nekunzwa, vakamuseka. Vatungamiri vemachechi mazhinji emunzvimbo mavaigara vakamutambudza.

Joseph Smith—Nhoroondo 1:21–22

Makore matatu akapfuura. Umwe usiku Joseph akanga achinamata kuti aregererwe zvivi zvake uye kuti azive izvo zvaaifanira kuita.

Joseph Smith—Nhoroondo 1:29

Ngirozi inonzi Moronai yakazviratidza uye ikataurira Joseph nezve bhuku rakanga rakanyorwa pamahwendefa egoridhe. Joseph aifanira kududzira mahwendefa aya muChirungu.

Joseph Smith—Nhoroondo 1:33–35

Mushure mekunge Moronai aenda, Joseph akafunga pamusoro pezvakanga zvataurwa naMoronai. Moronai akadzokazve kamwe kaviri usiku ihwohwo.

Joseph Smith—Nhoroondo 1:44–47

Zuva rakatevera Joseph akaenda pamusoro peChikomo Kumora, icho chaakanga aona muchiratidzo. Ipapo akawana ibwe guru. Akapikinyura ibwe nechimuti.

Joseph Smith—Nhoroondo 1:50–52

Pasi peibwe paive nebhokisi rematombo. Apo Joseph paakatarisa mukati mebhokisi, akaona mahwendefa egoridhe.

Joseph Smith—Nhoroondo 1:51–52

Moronai akazviratidza akataurira Joseph kuti asatore mahwendefa asi kuti adzoke pazuva rimwechetero gore rega rega kwemakore mana. Panguva yega yega Joseph yaaienda, Moronai aimudzidzisa.

Joseph Smith—Nhoroondo 1:53–54

Mushure memakore mana Joseph akazobvumirwa kuti atore mahwendefa egoridhe. Akashandisa Urimi neTumimi kududzira mamwe acho.

Joseph Smith—Nhoroondo 1:59, 62

Vanyori vakabatsira Joseph nekunyora mazwi apo paaiadudzira kubva pamahwendefa egoridhe.

Joseph Smith—Nhoroondo 1:67

Joseph akaenda nemazwi akadudzirwa kumudhindi uye akaita kuti aitwe bhuku.

History of the Church 1:71

Bhuku racho rinonzi Bhuku raMormoni. Rinotaura nezve vanhu vaigara muAmerica makore mazhinji akapfuura. Rinotaurawo nezva Jesu Kristu, Mwanakomana waMwari.

Chisumo kuBhuku raMormoni.