Chitsauko 31

Mutungamiri Moronai Anokurira Zerahemuna

Zerahemuna, mutungamiri wemaRamani, aida kuti vanhu vake varambe vachivenga maNifai uye agovaita nhapwa dzavo.

Aruma 43:5, 8

MaNifai vaida kuchengeta nyika yavo nemhuri dzavo zvakasununguka. Vaidawo kuti vasununguke pakunamata Mwari.

Aruma 43:9

Mutungamiri Moroni aive mutungamiri wemauto echiNifai. Apo maRamani paakauya kuzorwa, Moronai nemauto ake vakasangana navo munyika yeJeshoni.

Aruma 43:15-16

Mutungamiri Moronai akanga agadzirira mauto ake nezvombo zvehondo, nhowo, uye nenhumbi hobvu.

Aruma 43:18-19

MaRamani vakanga vaine mauto akawanda kupfuura echiNifai asi vakatya apo pavakaona nguvo dzehondo dzemaNifai—maRamani akanga akapfeka nguvo shomanana chaizvo.

Aruma 43:20-21

Mauto echiRamani havana kumbofa vakaedza kurwa nemauto eMutungamiri Moronai. MaRamani vakamhanyira murenje uye akasarudza kurwisa rimwewo guta ramaNifai.

Aruma 43:22

Moronai akatumira vasori kunoongorora maRamani. Uye akakumbirawo Aruma kuti anamatire rubatsiro kuna Ishe. Ishe vakataurira Aruma uko maRamani kwavaizorwisa.

Aruma 43:23-24

Apo Moronai paakagamuchira shoko raAruma, akasiya mamwe masoja kuti varinde Jeshoni uye akaforesa mamwe ose kuti anosangana nemaRamani.

Aruma 43:25

Masoja aMutungamiri Moronai akavanda kumativi ese erwizi rweSidhoni, vachimiririra kukachikira mauto echiRamani.

Aruma 43:27, 31-35

Hondo yakatanga, uye maRamani akaedza kupukunyuka nokuyambuka rwizi, asi maNifai akawanda akanga akavamirira kumhiri kwerwizi.

Aruma 43:36, 39-41

Vachirwa nesimba kupfuura zvavaiva vasati vamboita, Zerahemuna nemauto ake vakauraya maNifai mazhinji. MaNifai vakachema kuna Ishe kuitira rubatsiro.

Aruma 43:43-44,49

Ishe vakasimbisa mauto echiNifai. Mauto akakomberedza maRamani, uye Moronai akaraira kuti kurwisana kumire.

Aruma 43:50, 52-54

Moronai akataurira Zerahemuna kuti maNifai vakange vasingade kuuraya maRamani kana kuvaita nhapwa.

Aruma 44:1-3

Moronai akataura kuti maRamani akanga asingazokwanisi kuparadza rutendo rwemaNifai muna Jesu Kristu. Akati Mwari vaizoramba vachibatsira maNifai kurwa kana chete vakaramba vane rutendo.

Aruma 44:4

Moronai akaraira Zerahemuna kuti amupe zvombo zvake zvose. MaRamani havaizourawa kana vakavimbisa kuti havaizomborwa nemaNifai zvekare.

Aruma 44:5-6

Zerahemuna akapa Moronai zvombo zvake asi haana kuvimbisa kusazorwa . Moronai akadzosera zvombo kuitira kuti maRamani akwanise kuzvidzivirira.

Aruma 44:8, 10

Zerahemuna akamhanyira kuna Moronai kuti amuuraye, asi musoja wechiNifai akarova akatyora munondo waZerahemuna.

Aruma 44:12

Zvino musoja akacheka kubvisa ganda redehenya raZerahemuna, akariisa kumuromo kwemunondo, uye akarisimudzira mumhepo.

Aruma 44:12-13

MaRamani aizowasekuwa kwakanga kwaita ganda redehenya, akavataurira, kunze kwekunge vasiya zvombo zvavo uye vakavimbisa kusazomborwa zvekare.

Aruma 44:14

MaRamani mazhinji vakaisa zvombo zvavo pamakumbo aMoronai uye akavimbisa kusazorwazve. Vakabvumirwa kuti vaende vakasununguka.

Aruma 44:15

Nekushatirwa kukuru, Zerahemuna akatunhidza masoja ake ose akanga asara kuti arwe. Masoja aMoronai akauraya vazhinji vawo.

Aruma 44:16-18

Apo Zerahemuna paakaona kuti iye nevarume vake vose vaizouraiwa, akateterera Moronai kuti asavauraye. Akavimbisa kusambofa akarwisa maNifai zvakare.

Aruma 44:19

Moronai akamisa kurwisana uye akatora zvombo zvemaRamani. Mushure mekuvimbisa kuti havaizorwa, maRamani akaenda.

Aruma 44:20, 23