Chitsauko 52

Kuparadzwa kwemaJaredhi

MaJaredhi vakawedzera pahuwandu uye vakave vapfumi. Vakasarudza mambo kuti ave mutungamiriri wavo.

Eta 6:18, 22, 27-28

Makore mazhinji akapfuura, uye maJaredhi vakave vakaipa. Ishe vakatumira vaporofita kuti vavataurire kuti vatendeuke, kana kuti vakasadaro vaizoparadzwa.

Eta 11:1

Vanhu havana kuteerera vaporofita. Vakaedza kuvauraya

Eta 11:2

Kwakave nehondo nenzara munyika MaJaredhi vazhinji vakafa

Eta 11:7

Ishe vakatuma mumwe muporofita, ainzi Eta. Akaparidza kubva mangwanani kusvika manheru, achiudza maJaredhi kuti vatende muna Mwari uye vatendeuke.

Eta 12:2-3

Eta akaudza maJaredhi kuti kana vakatenda muna Mwari, nerimwe rezuva vaizokwanisa kugara naBaba Vekudenga munyika iri nani.

Eta 12:4

Eta akataurira maJaredhi zvinhu zvakawanda zvakakosha, asi havana kumubvuma. Vakaita kuti abve muguta.

Eta 12:5; Eta 13:13

Eta aihwanda mubako masikati, kuti asauraiwe. Usiku aibuda achindoona zvainge zvichiitika kune maJaredhi.

Eta 13:13-14

Akapedza kunyora nhoroondo yemaJaredhi paainge akahwanda.

Eta 13:14.

Ishe vakatuma Eta kuna Korianduma, uyo aive mambo wemaJaredhi akaipa. Eta akamutaurira kuti atendeuke, kana kuti akasaita kudaro aizorarama kuona vanhu vake vose vachiuraiwa

Eta 13;16-17, 20-21

Korianduma nevanhu vake havana kutendeuka. Akaedza kuti Eta auraiwe, asi Eta akamhanya akanohwanda mubako.

Eta 13:22.

Vanhu vaive vakaipa zvekuti Ishe vakatuka nyika. Havaikwanisa kuisa zvombo neminondo yavo pasi nekuti nepazuva raitevera vaiwana zvisisipo.

Eta 14:1

MaJaredhi vose vakarwa muhondo, kusanganisira vakadzi nevana. Korianduma akatungamirira rimwe uto uye murume ainzi Shizi akatungamiririra rimwe.

Eta 14:19-20;Eta 15:15

Korianduma naShizi vaive varume vakaipa. Mweya Mutsvene wakanga wasiya maJaredhi nekuda kwehuipi hwavo. Satani akanga ave nesimba rizere kwavari.

Eta 15:19.

MaJaredhi vakarwisana kusvikira Korianduma naShizi varivo chete vakanga vasara. Apo Shizi paakarukutika nekuda kwekurasikirwa neropa rakawandisa, Korianduma akamugura musoro.

Eta 15;29-30.

Huporofita hwaEta hwakanga hwazadzikiswa: Korianduma ndiye aiva muJaredhi mupenyu wekupedzisira. Akawanikwa nevanhu veZarahemura.

Omini 1:21

Eta akapedza kunyora nhoroondo yemaJaredhi. Vakanga vaparadzwa nokuda kwehuipi hwavo. Zvinyorwa zvemaJaredhi pashure zvakazowanikwa nemaNifai.

Eta 15:33