Chitsauko 50

MaJaredhi Anobva muBhabheri

Jaredhi nemukoma wake vaive varume vakarurama vaigara muguta rainzi Bhabheri. Vakagara mazana emakore maNifai asati aveko.

Eta 1:33; Genesi 11:9

Vazhinji vevanhu muBhabheri vaive vakaipa. Vakavaka shongwe yekuedza kuenda kudenga. Mwari vakatsamwa ndokushandura mutauro wavo.

Genesi 11:4, 7

Jaredhi akaudza mukoma wake kuti anamate uye akumbire Ishe kuti vasashandure mutauro wemhuri neshamwari dzavo.

Eta 1:34

Mukoma waJaredhi akanamata, uye Ishe akapindura munato wake. Jaredhi, mukoma wake, uye nemhuri neshamwari dzavo vainzwisisana.

Eta 1:35-37

Ishe vakaturira mukoma waJaredhi kuti aunganidze mhuri neshamwari dzake uye vabve munyika. Vakatora zvipfuyo zvavo nembeu dzemhando dzose.

Eta 1:41-42

Ishe vakati vaizotungamirira maJaredhi kunyika yechipikirwa.

Eta 1:42 .

MaJaredhi akabata shiri nehove dzekuenda nadzo.

Eta 2:2

Vakatora mikuze yenyuchi dzeuchi

Eta 2:3

MaJaredhi vakaenda murenje. Ishe vakataura navo vari mugore uye vakavaudza gwara rekutevedza.

Eta 2:5

Ishe vakati vanhu vaigara munyika yechipikirwa vaifanira kushandira Mwari kana kuti vaizoparadzwa.

Eta 2:7-8

Apo MaJaredhi pavakasvika kumahombekombe egungwa,vakavaka misasa yavo nematende. Vakagara pamahombekombe egungwa kwemakore mana.

Eta 2:13