Chitsauko 35

Mutungamiri Moronai naPahorani

Mutungamiri Moronai akafara kunzwa kuti Hiramani nemauto ake vakanga vatora zvakare nyika zhinji yemaNifai kubva kumaRamani.

Aruma 59:1

Asi Hiramani nemauto ake vaida rubatsiro. Vakanga vasina masoja akakwana ekudzivirira maguta akawanda kudaro.

Aruma 58:32

Mutungamiri Moronai akanyora tsamba kuna Pahorani, mutongi mukuru uye gavhuna. Akakumbira Pahorani kuti atumire mamwe masoja kuzobatsira mauto aHiramani

Aruma 59:3

MaRamani vakarwisa guta remaNifai iro Hiramani raakanga atora zvakare. Vakauraya maNifai akawanda uye vakadzinga vamwe vese kubva muguta.

Aruma 59:5–8

Ashatirwa nevatungamiri vehurumende nokuda kwekuti vakanga vasina kutumira rubatsiro, Moronai akanyora imwe tsamba kuna Pahorani.

Aruma 59:13, 60:1

Mutungamiri Moronai akanyora kuti vanhu vazhinji vakanga vauraiwa nokuda kwekuti Pahorani akanga asina kutumira mamwe masoja.

Aruma 60:5

Kana Pahorani akasatumira varume uye zvokudya nekukurumidza, Moronai aizotora mauto ake kuenda kuZarahemura uye wonotora zvinhu zvaidikanwa nemauto ake.

Aruma 60:34–35

Nenguva diki Moronai akatambira tsamba kubva kuna Pahorani. Akanga akasuwa zvikuru kuti Moronai nemauto ake vakanga vachitambura.

Aruma 61:1–2

Pahorani akaudza Moronai kuti boka remaNifai akaipa rainzi varume vamambo rakanga risingadi kuti ave mutongi mukuru. Vakanga vamunanikidza iye nevatsigiri vake kubuda muZarahemura

Aruma 61:3–5

Pahorani akawedzera kuti akanga achiunganidza pamwechete mauto kuti vaedze kutora zvakare Zarahemura.

Aruma 61:6–7

Varume vamambo vakanga vasarudza mambo kuti ave mutungamiri wavo uye vakanga vabatana nemaRamani.

Aruma 61:8

Pahorani aiva asina kushatirwa nezvakanga zvanyorwa naMoronai. Aida kuti maNifai vasunungukewo.

Aruma 61:9

Akakumbira Moronai kuti aunze varume vashoma kuzomubatsira uye akati kana Moronai akaunganidza varume vakawanda munzira yekuenda kwaari, mauto akabatanidzwa iwayo aizokwanisa kutora zvakare Zarahemura.

Aruma 61:15–18

Mutungamiri Moronai akafara kuti Pahorani akanga achakatendeka kunyika yake uye kuti akanga achiri kuda rusununguko rwevanhu vake.

Aruma 62:1

Nevashoma vevarume vake, Moroni akaenda kunosangana naPahorani. Akatakura mureza werusununguko, uye zviuru zvevarume zvakabatana navo nemunzira yokuendako.

Aruma 62:3–5

Mauto akanga abatanidzwa aMoronai naPahorani akafora kunorwisa Zarahemura. Vakauraya mambo wemaNifai akaipa uye vakatapa varume vake.

Aruma 62:78

Moronai zvino akatumira zvokudya uye masoja zviuru gumi nezviviri kunobatsira mauto echiNifai. Mauto aya akatandanisa maRamani kubva munyika, uye munyika makava nerunyararo zvakare.

Aruma 62:12–13, 38–42