Chitsauko 9

Musha Mutsva Munyika yeChipikirwa

Ngarava yakanga yakatakura mhuri yaRihai yakayambuka nyanza uye ikasvika panyika yechipikirwa. Vanhu vakamisa tende dzavo.

1 Nifai 18:23

Vakarima ivhu vakadyara mbeu dzavakanga vauya nadzo.

1 Nifai 18:24

Apo pavaifamba nemunyika yavo itsva, vakawana marudzi mazhinji emhuka. Vakawanawo goridhe, sirivha nemhangura.

1 Nifai 18:25

Mwari Vakataurira Nifai kuti agadzire mahwendefa esimbi ekunyorera paari. Nifai akanyora pamusoro pemhuri yake nenzendo dzavo. Akanyorawo mazwi aMwari.

1 Nifai 19:1, 3

Rihai akachembera Asati afa akataura kuvanakomana vake uye akavaudza kuti vateerere mirairo yaMwari. Akaropafadzawo vazukuru vake.

2 Nifai 1:14, 16; 2 Nifai 4:3–11

Mushure mekunge Rihai afa Ramani naRemueri vakashatirirwa Nifai uye vaida kumuuraya. Vakanga vasingade kuti Nifai, munin’ina wavo, ave mutungamiri wavo.

2 Nifai 4:13; 2 Nifai 5:2-3

Ishe vakataurira Nifai kuti atungamirire vanhu vakarurama kuenda murenje. Vakafamba kwemazuva akawanda uye pekupedzisira vakamira panyika yavakatumidza kuti Nifai.

2 Nifai 5:5–8

Vanhu vakatevera Nifai vaiteerera Mwari. Vaishanda nesimba uye vakaropafadzwa. Nifai akadzidzisa vanhu vake kuvaka nemapango nesimbi. Vakavaka temberi yakanaka.

2 Nifai 5:10–11, 15–16

Vateveri vaRamani naRemueri vaidaidzwa kuti maRamani.

2 Nifai 5:14

MaRamani havana kuteerera Mwari uye vakabviswa pamberi Pavo. Mweya Mutsvene waIshe wakanga usingakwanisi kuva navo kusvikira vatendeuka.

2 Nifai 5:20; Eta 2:15

MaRamani vakanga vazere nemisakanzwa uye vaigara vachirwisa maNifai.

2 Nifai 5:24, 34