Chitsauko 44

Jesu Kristu Anoropafadza Vana

Jesu Kristu akaudza maNifai kuti vaunze vana vavo vadiki kwaari. Vana vakagara pasi pedyo naJesu.

3 Nifai 17:11–12

Muponesi akaudza vanhu kuti vapfugame pasi. Zvino iye akapfugama uye akanamata kuna Baba Vekudenga.

3 Nifai 17:13,15

Munamato weMuponesi wakanga wakanakisisa zvokuti wakanga usingakwanisi kunyorwa. Wakazadza maNifai nemufaro.

3 Nifai 17:15–17

Mushure memunamato wake Jesu akati maNifai aizoropafadzwa nokuda kwerutendo rwavo.

3 Nifai 17:20

Akanzwa rudo nerufaro rukurusa zvokuti akachema.

3 Nifai 17:21

Zvino akatora vana uye akaropafadza mumwe nemumwe wavo. Akavanamatira kuna Baba Vekudenga uye akachema zvakare

3 Nifai 17:21–22

Jesu akaudza maNifai kuti vatarise kuvana vavo.

3 Nifai 17:23

Apo vanhu pavakatarisa, ngirozi dzakadzika pasi kubva kudenga uye dzikakomberedza vana. Vana nengirozi vakakomberedzwa nemoto.

3 Nifai 17:24