Chitsauko 37

Nifai naRihai vari Mutirongo

Nifai naRihai vakanga vari vanakomana vaHiramani. Hiramani aida kuti vave vakarurama saRihai naNifai vakanga vabva muJerusarema.

Hiramani 5:4–7

Hiramani akadzidzisa vanakomana vake kutenda muna Jesu Kristu. Vakadzidza kuti ruregerero runouya kuburikidza nerutendo nerutendeuko.

Aruma 5:9–12

Nifai naRihai vakaenda kunodzidzisa shoko raMwari kumaNifai nemaRamani. Zviuru zvevanhu zvakabhabhatidzwa.

Heramani 5:14–19

Apo Nifai naRihai pavakaenda kunyika yaNifai, mauto echiRamani akavakanda mutirongo uye havana kuvapa zvokudya kwemazuva mazhinji.

Heramani 5:10–22

MaRamani vakaenda kutirongo kunouraya Nifai naRihai asi havana kukwanisa kuvauraya nokuti vakanga vakadzivirirwa nedenderedzwa remoto uyo waizokwanisa kupisa ani zvake aiedza kuvabata.

Hiramani 5:22–23

Nifai naRihai havana kupiswa nemoto. Vakataurira maRamani kuti simba raMwari rakanga riri kuvadzivirira.

Hiramani 5:10–26

Pasi nemadziro etirongo zvakatanga kuzungunuka. Gore dema rakakomberedza vanhu mutirongo uye vakatya.

Heramani 5:27–28

Izwi raibva pamusoro perima rakataura. Rakanga riri izwi rakanyarara rakaita sezevezeve, asi munhu wese aikwanisa kurinzwa.

Heramani 5:29–30

Izwi rakataurira vanhu kuti vatendeuke uye varegere kuedza kuuraya Nifai naRihai.

Heramani 5:29–30

Izwi rakataura katatu, uye pasi nemadziro etirongo zvikaramba zvichizungunuka. MaRamani haana kukwanisa kutiza nokuti kwakanga kwakasviba zvakanyanya uye vaitya zvikuru.

Hiramani 5:33–34

Mumwe muNifai akambenge ari nhengo yeChechi akaona kuti zviso zvaNifai naRihai zvaipenya nemurima.

Hiramani 5:35–36

Nifai naRihai vakanga vakatarisa nechokudenga uye vachitaura. Murume uyu akataurira maRamani kuti vatarise. Vakashama kuti Nifai naRihai vakanga vachitaura kunaani.

Hiramani 5:36–38

Murume uyu, ainzi Aminadabi, akataurira maRamani kuti Nifai naRihai vaitaura kungirozi.

Hiramani 5:39

MaRamani akabvunza Aminadabi kuti vangabvisa sei gore dema. Akavataurira kuti vatendeuke uye vanamate kusvikira vava nerutendo muna Jesu Kristu.

Heramani 5:40–41

MaRamani akanamata kusvikira gore dema rabva.

Hiramani 5:42

Apo rima parakabva, vanhu vakaona murazvu wemoto wakavakomberedza. Moto hauna kuvapisa kana kupisa madziro etirongo.

Hiramani 5:43–44

MaRamani vakanzwa mufaro mukuru, uye Mweya waMwari wakazadza mwoyo yavo.

Hiramani 5:44–45

Izwi rakazevezera, richiti vaizonyaradzwa nokuda kwerutendo rwavo muna Jesu Kristu.

Hiramani 5:46–47

MaRamani vakatarisa kumusoro kuti vaone kwakanga kwabva izwi. Vakaona ngirozi dzichidzika pasi kubva kudenga.

Hiramani 5:48

Vanhu vangangoita mazana matatu vakaona nokunzwa zvakanga zvaitika mutirongo. Vakaenda vakanotaurira vamwe.

Hiramani 5:49-50

Vazhinji vemaRamani vakabvuma zvavakanga vanzwa uye vakaisa zvombo zvavo pasi.

Heramani 5:50–51

MaRamani vakarega kuvenga maNifai uye vakadzorera nyika yavakanga vatora. MaRamani vakava vanhu vakanyanya kururama kupinda maNifai

Heramani 5:50, 52

MaRamani mazhinji vakaenda naNifai naRihai uye vakadzidzisa zvese maNifai nemaRamani.

Hiramani 6:1, 6–7.