Chitsauko 54
Vimbiso yeBhuku raMormoni
Moronai asati aviga mahwendefa kekugumisira, akanyora vimbiso kumaRamani uye kuna ani nani zvake aizoverenga zvinyorwa izvozvo.
Akaudza vanhu kuti vaverenge magwaro, nekufungisisa pamusoro pawo, uye vagobvunza Baba Vekudenga kana ari echokwadi.
Moronai akavimbisa kuti kana vanhu vakakumbira nemoyo wose, nerutendo muna Kristu, Mweya Mutsvene waizovabatsira kuziva kuti zvinyorwa izvozvo ndezve chokwadi.
Moronai akanyora kuti kana vanhu vakatendeuka, votevera Jesu Kristu, uye voda Baba Vekudenga,vanokwanisa kuva vakarurama.
Apo Moroni paakapedza kunyora pamahwendefa egoridhe, akamaviga mubhokisi rematombo muChikomo cheKumora, uye akaviga bhokisi racho pasi peibwe guru. Basa rake pasipano rakange rapera.