Chitsauko 25

Aroni Anodzidzisa Baba vaMambo Ramonai

Mweya Mutsvene wakatungamirira Aroni nevafambidzani vake kunyika yaNifai kuti vanodzidzisa baba vaRamonai, mambo wemaRamani ose.

Aruma 22:1

Aroni akataurira mambo kuti aive mukoma waAmoni. Mambo ainge achifunga pamusoro petsitsi dzaAmoni uye pamusoro pezvakanga zvataurwa na Amoni kwaari.

Aruma 22:2-3

Aroni akabvunza mambo kana vaitenda muna Mwari. Mambo akati akanga asina chokwadi , asi akati aizotenda kana Aroni akati Mwari variko. Aroni akavimbisa mambo kuti Mwari vaiva vapenyu.

Aruma 22:7-8

Aroni akaverengera mambo magwaro matsvene. Akamudzidzisa pamusoro poKusikwa kwepasi, kupunzika kwaAdama, uye nebasa raJesu Kristu.

Aruma 22:12–14

Mambo akabvunza izvo zvaaifanira kuita kuti ave neMweya Mutsvene uye agova akagadzirira kuzogara naMwari. Mambo aida kuita chipi zvacho, kunyange kusiya umambo hwake.

Aruma 22:15

Aroni akataurira mambo kuti aifanira kutendeuka zvakazara pazvivi zvake . Aifanira kuti anamate uye nekuva nerutendo muna Mwari.

Aruma 22:16

Mambo akanamata kuti agoziva kana Mwari vaivako zvechokwadi. Akati aizoregera zvivi zvake zvose.

Aruma 22:17-18

Mambo akawira pasi uye akaratidzika seafa. Apo mambokadzi paakamuona, akafunga kuti Aroni nevafambidzani vake vakanga vamuuraya.

Aruma 22:19

Mambokadzi akaraira varanda vake kuti vauraye Aroni nevafambidzani vake, asi varanda vakatya kuzviita. Akavatuma kunotsvaga vamwe vanhu vaizogona kuzviita.

Aruma 22:20–21

Pasati paungana mhomho yevanhu uye ikazokonzera dambudziko, Aroni akatora ruoko rwamambo uye akamutaurira kuti asimuke. Mambo akasimuika

Aruma 22:22

Mambo akanyaradza mudzimai nevaranda vake avo vakanga vari kutya uye akazovadzidzisa vhangeri. Vose vakatenda muna Jesu Kristu.

Aruma 22:23