Chitsauko 3

Rihai Anobva muJerusarema

Ishe vakafadzwa naRihai uye umwe usiku vakataura naye muchiroto. Vakataurira Rihai kuti atore mhuri yake uye abve muJerusarema. Rihai akateerera Ishe.

1 Nifai 2:1–3

Mhuri yaRihai yakarongedza zvekudya nematende. Vakasiya imba yavo uye negoridhe ravo nesirivha yavo vakafamba kuenda murenje.

1 Nifai 2:4

Rihai nemudzimai wake, Saria, vaive nevanakomana vana. Mazita avo ainzi Ramani, Remueri, Semu, naNifai.

1 Nifai 2:5

Mushure mekufamba kwemazuva matatu, mhuri yaRihai yakaita musasa munhika padyo nerwizi.

1 Nifai 2:6

Rihai akavaka atari nematombo uye akaita mupiro kuna Mwari. Akatenda Mwari nekuchengetedza mhuri yake kubva mukuparadzwa.

1 Nifai 2:7

Rihai akatumidza rwizi kuti Ramani uye nhika kuti Remueri. Rihai aida kuti vanakomana vake vave serwizi nenhika, kuti varambe vachierera kuenda kuna Mwari uye vakashinga pakuchengeta mirairo.

1 Nifai 2:8–10, 14

Ramani naRemueri vakafunga kuti baba vavo vakanga varibenzi kusiya Jerusarema nehupfumi hwavo. Vakanga vasingatende kuti Jerusarema raizoparadzwa.

1 Nifai 2:11, 13

Nifai aida kunzwisisa zvinhu zvakanga zvaonekwa naRihai. Akanamata kuti azive kana baba vake vakanga vaita chinhu chakanaka nekubva muJerusarema.

1 Nifai 2:16

Jesu Kristu akashanyira Nifai uye akamuudza kuti mazwi aRihai akanga ari echokwadi. Nifai akatenda uye haana kupanduka sezvakaitwa naRamani naRemueri.

1 Nifai 2:16

Nifai akataurira madzikoma ake izvo zvaakanga ataurirwa naJesu. Semu akatenda zvakataurwa naNifai, asi Ramani naRemueri havana kuzvitenda.

1 Nifai 2:17–18

Ishe vakavimbisa Nifai kuti aizoropafadzwa nokuda kwerutendo rwake. Aizova mutungamiri pamusoro pemadzikoma ake.

1 Nifai 2:19–22