Chitsauko 24

Amoni Anosangana naBaba vaMambo Ramonai

Mambo Ramonai aida kuenda naAmoni kuti asangane nababa vake. Ishe vakayambira Amoni kuti asaende nokuti baba vaRamonai vaizoedza kumuuraya.

Aruma 20:1-2

Ishe vakataurira Amoni kuti kunze kwekuendako aende kunyika yeMidhoni uko mukoma wake Aroni kwaaive mutirongo. Mambo Ramonai vakaenda naAmoni.

Aruma 20:2-4

Apo pavaiva parwendo vakasangana nababa vaMambo Ramonai, avo vaive mambo pamusoro penyika yose. Akabvunza Ramonai kuti aienda kupi nemuNifai ainyepa.

Aruma 20:8, 10

Mambo Ramonai akataurira baba vake pamusoro paAmoni nemukoma wake aive mutirongo. Nokushatirirwa, baba vaRamonai vakaraira Ramonai kuti auraye Amoni uye asaenda kuMidhoni.

Aruma 20:12–14

Ramonai akaramba kuuraya Amoni uye akati iye naAmoni vaizonosunungura Aroni. Baba vaRamonai vakashatirwa zvakanyanya uye vakaburitsa munondo wavo kuti vauraye Ramonai.

Aruma 20:15-16

Amoni akanomira mberi kuti adzivirire Ramoni. Baba vaRamonai zvino vakaedza kuuraya Amoni, asi akazvidzivirira uye akakuvadza ruoko rwababa vaRamonai.

Aruma 20:17, 20

Zvino baba vaRamonai zvavakaona kuti Amoni angangovauraya, vakati vaizokamura umambo hwavo nepakati uye vopa Amoni chimwe chikamu chacho kana akasamuuraya.

Aruma 20:21, 23

Amoni akati aida kuti Aroni nevafambidzani vake vasunungurwe kubva mutirongo uye aida kuti Ramonai akwanise kuchengeta umambo hwake.

Aruma 20:22, 24

Baba vaRamonai vakaona kuti Amoni akange asingadi kuvakuvadza. Vakashamiswa nemadiro aiita Amoni mwanakomana wake. Vakakoka Amoni kuti avadzidzise vhangeri.

Aruma 20:26-27

Amoni naMambo Ramonai vakaenda kuMidhoni. Ramonai akataura namambo ikoko, uye Aroni nevafambidzani vake vakasunungurwa kubva mutirongo.

Aruma 20:28

Amoni akasuwa kuona mabatirwo asina kunaka avakanga vaitwa. Vakanga vatambudzwa zvikuru asi vaive vakatirira.

Aruma 20:29