Chitsauko 13

Zenifi

Zenifi nechikwata chemaNifai vakasiya misha yavo muZarahemura vakafamba kuenda kunyika yeNifai, uko kwakambogarwa paneimwe nguva nemamwe maNifai.

Omuni 1:27; Mosaya 9:1

Vakawana maRamani achigaramo. Zenifi nevana vevarume vake vakaenda muguta kunotaura naMambo. Vakakumbira Mambo Ramani kana vaikwanisa kugara munyika make.

Mosaya 9:1, 5

Mambo Ramani akati vaikwanisa kuva nemaviri emaguta ake. Mambo aida kuti vagare munyika make kuitira kuti agokwanisa kuvaita nhapwa dzake.

Mosaya 9:6; 10, 12

Vanhu vaZenifi vakavaka misha uye vakagadzira masvingo akakomberedza maguta avo. Vakadyara marudzi akawanda emhodzi nemichero. Uyewo vaive nematanga ezvipfuyo.

Mosaya 9:8–9, 12

Mambo Ramani akataurira vanhu vake kuti maNifai akanga avakuve nesimba rakawandisa. Nenguva pfupi maRamani mazhinji akaenda kunorwisa maNifai nekuba zvipfuyo nezvirimwa zvavo.

Mosaya 9:11, 13–14

MaNifai akatizira kuguta reNifai. Ikoko Zenifi akapa vanhu uta nemiseve, minondo, nduni, nezvimviimvii. Vakaenda kunorwisa maRamani.

Mosaya 9:15–16

Vasati varwa, maNifai akanamata, achikumbira Mwari rubatsiro. Mwari vakaropafadza maNifai nesimba rakawedzerwa, uye vakakurira maRamani.

Mosaya 9:17–18

Mushure mehondo Zenifi akaisa varindi vakakomberedza maguta emaNifai. Aida kudzivirira vanhu vake nezvipfuyo zvavo kubva kumaRamani.

Mosaya 10:2

MaNifai akagara murunyararo kwemakore mazhinji. Varume vaishanda muminda, uye vakadzi vaikosa shinda vachigadzira mbatya.

Mosaya 10:4–5

Mambo Ramani akafa uye mwanakomana wake akava mambo. Mambo mutsva akatumira mauto ake kunorwisa maNifai.

Mosaya 10:6, 8–9

MaNifai zvakare akatambira simba kubva kuna Ishe. Vakauraya maRamani akawanda, uye mamwe ose akatiza.

Mosaya 10:10, 19–20