Chitsauko 34: Hiramani neVarwi Vechijaya Zviuru Zviviri

Vanhu vaAmoni vakanga vavimbisa Mwari kuti havaizombofa vakarwa zvakare. Vaigara pedyo nemaNifai, uye maNifai aivadzivirira.

Aruma 53:10–12

Apo vavengi vevanhu vaAmoni pavakarwisa maNifai, vanhu vaAmoni vakada kutyora vimbiso yavo uye vobatsira maNifai kurwa.

Aruma 53:13

Hiramani nevamwe vatungamiri vechiNifai vakanga vasingadi kuti vanhu vaAmoni vatyore vimbiso yavo kuna Mwari.

Aruma 53:14–15

Vanakomana vechidiki vevanhu vaAmoni vakanga vasina kuita vimbiso iyi. Vaida kubatsira mauto echiNifai kurwira rusununguko.

Aruma 53:16–17

Zviuru zviviri zvemajaya echidiki aya zvakasarudza kudzivirira nyika yavo. Vakakumbira Hiramani kuti ave mutungamiri wavo.

Aruma 53:18–19

Majaya echidiki aya akanga akashinga, vasingatye, uye vakasimba. Vaivawo vari pachokwadi uye vakavimbika, uye vaichengeta mirairo yaMwari.

Aruma 53:20–21

Hiramani akatungamirira varwi vake vechijaya zviuru zviviri kuenda kuhondo. Aivadaidza kuti vanakomana vake, uye ivo vaimudaidza kuti baba vavo.

Aruma 53:22; Aruma 56:46

Kunyangwe zvavo vanakomana vaHiramani vakanga vasina kumborwa, vakanga vasingatye. Vana amai vavo vakanga vavadzidzisa kuva nerutendo muna Mwari uye kuziva kuti vaizovabatsira.

Aruma 56:47

Hiramani nemauto ake vakarwisa maRamani muhondo dzakati wandei. Majaya echidiki aya akateerera rairo dzaHiramani dzose.

Aruma 57:19–21

Vakarwa neushingi uye vakabatsira kudzingira muvengi kure. Mushure mehondo Hiramani akaona kuti vanakomana vake vose vakanga vakuvadzwa asi hapana kana mumwechete akanga auraiwa.

Aruma 57:22, 25.

Chaiva chishamiso Hiramani akafara zvikuru. Aiziva kuti majaya echidiki aya akanga adzivirirwa nokuda kwerutendo rwavo rukuru muna Mwari.

Aruma 57:26–27