Chitsauko 47

Jesu Kristu Anoropafadza Vadzidzi Vake

Rimwe zuva apo vadzidzi pavaiva pamwechete vachitsanya nokunamata, Jesu Kristu akauya kwavari.

3 Nifai 27:1–2

Vadzidzi vakamubvunza zita ravaifanira kudaidza naro Chechi. Jesu akati inofanira kudaidzwa nezita rake nokuti yakanga iri Chechi yake.

3 Nifai 27:3, 7

Jesu akatsanangura kuvadzidzi vake kuti Baba Vokudenga vakanga vamutuma pasi kuzopira upenyu hwake kuvanhu vose.

3 Nefi 27:14

Akati munhu wese anotendeuka, obhabhatidzwa muzita rake, uye oteerera kumirairo yake anozoitwa munhu asina mhosva pamberi paBaba Vekudenga.

3 Nefi 27:16

Muponesi akataurira vadzidzi vake kuti vaite zvinhu zvavakanga vamuona achiita. Akanga amisa muenzaniso kwavari.

3 Nifai 27:21.

Akavataurirawo kuti vanyore pasi izvo zvavakanga vaona nekunzwa kuitira kuti vamwe vagokwanisa kuziva pamusoro pazvo.

3 Nifai 27:23–25

Jesu akabvunza vadzidzi vake zvavaida kubva kwaari. Vapfumbamwe vavo vaida kuva naye mushure mekunge hupenyu hwavo hwepasi hwaguma.

3 Nifai 28:1–2

Jesu akavavimbisa kuti apo pavanenge vava nemakore makumi manonwe nemaviri, vaizoenda kwaari kudenga.

3 Nefi 28:3

Vamwe vadzidzi vatatu vakatya kukumbira zvavaida, asi Jesu aiziva. Vaida kuramba vari panyika nekudzidzisa vhangeri kusvikira Jesu auya zvakare.

3 Nifai 28:5–6, 9

Muponesi akavavimbisa kuti havaizotambura nemarwadzo kana nekusuwa uye havaizofa. Vaizodzidzisa vanhu vhangeri kusvikira adzoka.

3 Nifai 28:7–9

Jesu akabata mumwe nemumwe wevadzidzi kusara kwevatatu avo vaizoramba vari panyika. Zvino akabva aenda

3 Nefi 28:12

Vadzidzi vatatu vakatorwa kuenda kudenga, uko kwavakaona nokunzwa zvinhu zvizhinji zvinoshamisa. Vakanga vava kukwanisa kunyatsonzwisisa zvinhu zvaMwari.

3 Nifai 28:13, 15

Miviri yavo yakashandurwa kuitira kuti vasazofa.

3 Nefi 28:15

Vadzidzi vatatu vakadzoka panyika uye vakatanga kuparidza nokubhabhatidza.

3 Nifai 28:16, 18

MaNifai akaipa akakanda vadzidzi vatatu ava mutirongo uye mumakomba akadzika, asi simba raMwari rakavabatsira kupukunyuka.

3 Nifai 28:19–20

Apo pavakasundirwa mumabisiro uye mumakomba aiva nemhuka dzemusango, vakadzivirirwawo nesimba raMwari.

3 Nifai 28:21–22

Vadzidzi vatatu vakaramba vachiparidza vhangeri raJesu Kristu kumaNifai. Vachiri kuparidza vhangeri rake.

3 Nifai 28:23, 27–29