Chitsauko 16

Mambo Rimuhai neVanhu Vake Vanopukunyuka

MaRamani akabata vazhinji vemaNifai vakanga vasina kutiza naMambo Noa. MaRamani akavatora kuenda navo ndokuvapa nyika asi vakavaita kuti vatere mitero inorema.

Mosaya 19:15

MaNifai vakaita kuti Rimuhai ave mambo wavo mutsva. Rimuhai aive mwanakomana waMambo Noa, asi akanga asina kuipa sababa vake. Akanga ari murume akanaka.

Mosaya 19:17, 26

Mambo Rimuhai akaedza kuitarunyararo nemaRamani, asi vakaramba vachirinda maNifai uye vachivaitira hutsinye.

Mosaya 19:27–28; Mosaya 21:3

Rimwe zuva Mambo Rimuhai akona vamwe vabvakure kunze kweguta. Akaita kuti vaiswe mutirongo. Vabvakure ava vaive maNifai vaibva kuZarahemura.

Mosaya 21:23-24

Mutungamiri wavo ainzi Amoni. Mambo Rimuhai akafara nekumuona. Akaziva kuti Amoni aikwanisa kubatsira vanhu vake kutiza kubva kumaRamani.

Mosaya 7:13–15

Mambo Rimuhai akadaidza vanhu vavo pamwechete. Akavayeuchidza kuti huipi hwavo ndihwo hwaiva chikonzero chekuva kwavo mukubatwa nemaRamani.

Mosaya 7:17, 20

Akataurira vanhu vake kuti vatendeuke, vavimbe naMwari, uye vateerere mirairo. Zvino Mwari vaizovabatsira kuti vapukunyuke.

Mosaya 7:19, 33

MaNifai vakaziva kuti maRamani vairinda guta vaidhakwa usiku.

Mosaya 22:6

Usiku ihwoyo mambo Rimuhai akatumira imwe waini yakawanda kuvarindi sechipo.

Mosaya 22:10.

Mambo Rimuhai nevanhu vake vakakwanisa kufamba vachipfuura nepaiva nevarindi vemaRamani vainge vakadhakwa uye ndokutiza.

Mosaya 22:11

Amoni akatungamirira Mambo Rimuhai nevanhu vake nemurenje kuenda kuZarahemura, uko kwavakagashirwa.

Mosaya 22:13-14