Chitsauko 48

Runyararo muAmerica

Mushure mekunge Jesu adzokera kudenga, vadzidzi vake vakamisa Chechi yake nemunyika yose.

4 Nifai 1:1

Vanhu vakatendeuka kubva kuzvivi zvavo vakabhabhatidzwa uye vakatambira Mweya Mutsvene.

4 Nifai 1:1

Nenguva pfupi maNifai nemaRamani vose vakateundeutswa. Vakanga vasingakakavadzani uye munhu wose akanga akatendeka.

4 Nifai 1:2

Hapana akanga akapfuma kana akanga ari murombo. Vanhu vaigoverana zvinhu zvose, uye vose vakanga vaine zvavaida.

4 Nifai 1:3

Vadzidzi vakaita zvishamiso zvizhinji nemuzita raJesu Kristu Vakaporesa varwere uye vakamutsa vakafa.

4 Nifai 1:5

Vanhu vakavaka maguta matsva apo pakanga paparadzwa mamwe.

4 Nifai 1:7

Vaiteerera mirairo yaMwari. Vaiatsanya nekunamata uye vaisangana pamwechete kakawanda kuti vanzwe shoko raMwari.

4 Nifai 1:12

Vanhu vaifara

4 Nifai 1:16

Kwakanga kusina mbavha, kusina vanyepi, kusina mhondi. Vanhu vakanga vasisina kuparadzana kuita maNifai nemaRamani asi vakanga vava vanhu vamwechete, vana vaKristu.

4 Nifai 1:16–17

Ishe vakaropafadza vanhu muzvinhu zvese zvavaiita.

4 Nifai 1:18

Vakagara murunyararo kwemakore mazana maviri. Vanhu vakapfuma zvikuru.

4 Nifai 1:22–23