Chitsauko 26

Vanhu vaAmoni

Vanakomana vaMosaya vakadzidzisa vhangeri kumaRamani. Zviuru zvamaRamani zvakatendeuka uye zvikabatana neChechi.

Aruma 23:4-5

MaRamani avo vakapinda muChechi vakazvidaidza kuti Vapikisi vemaNifai-Rihai, kana kuti vanhu vaAmoni. Vaive vanhu vakanaka , vachishanda nesimba.

Aruma 23:17-18; Aruma 27:26

MaRamani vakanga vasina kutendeuka akashatirirwa vanhu vaAmoni uye ndokugadzirira kuvarwisa.

Aruma 24:1-2

Vanhu vaAmoni vaiziva kuti maRamani vakaipa vaizouya kuzovauraya asi vakasarudza kusarwisana navo. Vakanga vatendeuka mune zvekuuraya.

Aruma 24:5-6

Vakacherera zvombo zvavo pasi pakadzika muvhu, uye vakavimbisa Mwari kuti havaizombofa vakauraya zvakare.

Aruma 24:17-18

Apo maRamani vakaipa pavakauya uye vakatanga kuvauraya, ivo vakapfugama pasi uye vakanamata.

Aruma 24:21

Vachiona kuti vanhu vaAmoni havaizorwisana navo vazhinji vamaRamani akaipa vakarega kuvauraya.

Aruma 24:23–24

MaRamani akava neurombo kuti vakanga vauraya. Vakakanda pasi zvombo zvavo uye ndokubatana nevanhu vaAmoni. Vakanga vasizarwa zvakare.

Aruma 24:24-27

MaRamani mazhinji vakauya kuzouraya vanhu vaAmoni. Zvisinei vanhu vaAmoni havana kurwisa maRamani, , uye vazhinji vakaurayiwa.

Aruma 27:2-3

Nekusada kuti vanhu vaaida vaparadzwe, Amoni akanamatira rubatsiro. Ishe vakamutaurira kuti atore vanhu vake vabve munyika imomo.

Aruma 27:4-5, 10-12

MaNifai muZarahemura akapa Amoni nevanhu vake nyika yeJeshoni uye vakavadzivirira. Vakava shamwari.

Aruma 27:22-23