Chitsauko 21

MaAmurisai

Amurisai akanga ari murume akachenjera, akaipa uyo aida kuva Mambo wemaNifai. Aive nevateveri vazhinji.

Aruma 2:1-2

MaNifai vakarurama vakanga vasingadi kuti Amurisai ave mambo wavo. Vaiziva kuti aida kuparadza Chechi yaMwari.

Aruma 2:3-4

MaNifai vakaungana muzvikwata zvakasiyana siyana kuti vagosarudza kana Amurisai aifanira kuva mambo. Vanhu vazhinji havana kusarudza Amurisai, uye haana kuva mambo.

Aruma 2:5-7

Amurisai nevateveri vake vakashatirwa. Vakasiya maNifai, vakaita Amurisai mambo wavo, uye vakazvidaidza kuti maAmurisai. Amurisai akaraira kuti varwise maNifai.

Aruma 2:8-11

MaNifai akarurama vakagadzirira kuzvidzivirira neuta nemiseve, minondo, nezvimwe zvombo.

Aruma 2:12

MaAmarisai vakanorwisa, uye maNifai, ayo aitungamirirwa naAruma uye akanga asimbiswa naIshe, akauraya vazhinji vawo. MaAmurisai ose asina kuuraiwa akatiza.

Aruma 2:15-19

Aruma akatumira vasori kuti vanowongorora maAmurisai. Vasori vakavaona vachibatana neboka guru remauto echiRamani vachirwisa maNifai vaigara pedyo neZarahemura.

Aruma 2:21, 24-25

MaNifai vakanamata, uye Mwari vakavabatsira zvakare. Vakauraya masoja mazhinji echiRamani-Amurisai.

Aruma 2:28

Aruma naAmurisai vakarwisana neminondo. Aruma akanamata kuti upenyu hwake huchengetedzwe, uye Mwari vakamupa simba rekuti auraye Amurisai.

Aruma 2:29-31

MaNifai vakadzinganisa maRamani nemaAmurisai kuenda murenje. Vazhinji vevakanga vakuvara vakafa ipapo uye vakadyiwa nemhuka dzemusango.

Aruma 2:36-38

SemaRamani, maAmurisai vakazviisa mucherechedzoweruvara rwutsvuku, izvo zvakazadzikisa huporofita. MaAmurisai vakanga vazvipatsanura kubva kumakomborero evhangeri.

Aruma 3:4, 14, 18-19