Chitsauko 8

Kuyambuka Gungwa

Ishe vakataurira Rihai kuti akwidze mhuri yake mungarava yavakanga vavaka. Vakaizadza nemuchero, nyama, nehuchi uye nembeu dzekuzodyara munyika yechipikirwa.

1 Nifai 18:5–6

Mhepo dzakasimba dzakafambisa ngarava yakananga kunyika yechipikirwa.

1 Nifai 18:8

Ramani, Remueri, nevamwe vakatanga kuva vakaipa. Apo Nifai paakavataurira kuti vazviregedze, vakashatirwa uye vakamusunga netambo.

1 Nifai 18:9–11

Nokuda kwehuipi hwavo, Riahona yakamira kushanda. Havana kuziva nzira yekufambisa ngarava nayo. Dutu rakaipisisa rakafambisa ngarava ichidzoserwa kumashure kwemazuva matatu.

1 Nifai 18:12–13

Rihai akataurira Ramani naRemueri kuti vasunungure Nifai, asi havana kumboteerera. Rihai naSaria vakagumbuka zvekuti vakarwara.

1 Nifai 18:17

Mudzimai waNifai nevana vakachema Vakateterera Ramani naRemueri kuti vasunungure Nifai asi vakaramba.

1 Nifai 18:19

Pazuva rechina dutu rakanyanyisa kukura. ngarava yakanga yavakuda kunyura.

1 Nifai 18:14–15

Ramani naRemueri vaiziva kuti Mwari vakanga vatumira dutu. Vakatya kuti vaizonyura.

1 Nifai 18:15

Pekupedzisira Ramani naRemueri vakatendeuka uye vakasunungura Nifai. Kunyange zvazvo zviningoningo zvake nezviziso zvemakumbo zvake zvakanga zvazvimba uye zvichirwadza nokuda kwetambo, Nifai haana kumbotsutsumwa.

1 Nifai 18:15–16

Nifai zvino akasimudza Riahona, uye ikashanda zvakare. Nifai akanamata, uye mhepo ikamira. Gungwa rakadzikama.

1 Nifai 18:21

Nifai akachaira ngarava, uye ikafamba zvakare yakananga kunyika yechipikirwa.

1 Nifai 18:22