Chitsauko 28

MaZoramu neRameumbutomu

MaZoramu vaimbenge vari nhengo dzeChechi yaMwari asi vakanga vave vakaipa uye vachinamata zvifananidzo.

Aruma 31:1, 89

MaNifai vaida kudzivirira maZoramu kuti vasabatane nemaRamani, naizvozvo Aruma akaenda navamwe vashumiri kuti vanoparidza shoko raMwari kuma Zoramu.

Aruma 31:4, 11

Vashumiri ava vakashamiswa uye vakagumbuka nemanamatiro aiitwa nemaZoramu mumachechi avo, ainzi masinagoge.

Aruma 31:12

Pakati pechechi, maZoramu akanga akavaka chinzvimbo chokumirira chakakwirira chainzi Rameumbutomu. Paive paine nzvimbo yaikwana munhu mumwechete kuti amire pamusoro pacho.

Aruma 31:13, 21

MaZoramu aipanana mukana wekumira ipapo, vachinanavira kudenga uye nezwi riri pamusoro vachidzokorora munamato mumwechetewo.

Aruma 31:14, 20

Mumunato uyu, maZoramu vaiti Mwari havana muviri wenyama; vaive mweya chete. Vakataurawo kuti hakwaizova naKristu.

Aruma 31:15-16

MaZoramu vaifunga kuti Mwari vakanga vavasarudza ivo chete kuti vaponeswe muumambo hwekudenga. Uye vakapa kutenda kuti vaive vanhu vavo vaidisiswa.

Aruma 31:17-18

Mushure mekunge mumwe nemumwe wemaZoramu anamata, vaienda kumba uye havaizonamate kana kutaura pamusoro paMwari zvakare kwesvondo rose.

Aruma 31:12, 23

MaZoramu vapfumi vaida goridhe nesirivha uye vachizvitutumadza pamusoro pehupfumi hwavo hwepanyika. Aruma akasuwa nekuona kuipa kwavakanga vakaita.

Aruma 31:24-25

Aruma akazvinamatira iye nevashumiri vake kuti vave nesimba, nyaradzo, uye nebudiriro mubasa ravo.

Aruma 31:26, 32-33

Mushure mekukumbira rubatsiro rwekuti vadzose maZoramu kuchokwadi, Aruma nevamwe vashumiri vakazadzwa neMweya Mutsvene.

Aruma 31:34-36

Vashumiri zvino vakaenda nemunzira dzakasiyana kundoparidza. Mwari vakavaropafadza nezvekudya uye nezvekupfeka uye vakavasimbisa mubasa ravo.

Aruma 31:37-38

MaZoramu vaive vari varombo vakanga vasingabvumirwi mukati memachechi. Vanhu ava vakatanga kuteerera kuvashumiri.

Aruma 32:2-3

Vazhinji vakabvunza Aruma kuti vaifanira kuita sei. Aruma akavataurira kuti vakanga vasingafanire kuva vari mukati mechechi kuti vanamate kana kushumira Mwari.

Aruma 32:5, 10-11

Akavataurira kuti vave nerutendo muna Mwari. Zvino Amureki akavadzidzisa pamusoro paJesu Kristu uye pamusoro pechirongwa chaMwari chevana vavo.

Aruma 32:17-21; Aruma 34:8-9

Vashumiri vakaenda, uye maZoramu akanga atenda mavari akaburitswa muguta. Vatendi vakaenda kunogara munyika yeJeshoni nevanhu vaAmoni.

Aruma 35:1-2, 6

Kunyange maZoramu akaipa akatyisidzira vanhu vaAmoni, vanhu vaAmoni vakabatsira maZoramu akarurama vakavapa zvekudya, zvekupfeka uye nyika.

Aruma 35:8-9