Chitsauko 42

Zviratidzo zveKuroverwa paMuchinjikwa kwaKristu

Makore makumi matatu nematatu akanga apfuura kubvira kuona kwakanga kwaita vanhu zviratidzo zvekuzvarwa kwaJesu Kristu.

3 Nifai 8:2

Zvino vakanga votarisira zviratidzo zvekufa kwake; mazuva matatu erima.

3 Nifai 8:3

Vamwe havana kutenda kuti chiratidzo chaizouya. Vakakakavadzana neavo vaitenda.

3 Nifai 8:4

Rimwe zuva dutu guru rakasimba rakauya. Kwaiva nemhepo huru yaityisa.

3 Nifai 8:5–6

Mheni yakapenya, uye mabhanan’ana akadengenyedza pasi pose.

3 Nifai 8:6–7

Guta reZarahemura rakabvira nemoto. Guta reMoronai rakanyura mugungwa. Guta raMoronaiha rakafushirwa pasi.

3 Nifai 8:8–10

Kudengenyeka kwenyika kwakazunguza pasi pose. Nzira huru dzakaparadzwa; uye zvivako zvizhinji zvakaputsikira pasi. Maguta mazhinji akaparadzwa, uye vanhu vazhinji vakaurawa.

3 Nifai 8: 12–15

Dutu guru nekudengenyeka kwenyika zvakatora nguva ingangoita maawa matatu.

3 Nifai 8:19

Apo dutu guru nekudengenyeka kwenyika pazvakamira, rima guru rakafukidza nyika. Kwakanga kusina chiedza kana kupi zvako. Vanhu vaitokwanisa kana kubata rima racho.

3 Nifai 8:19–20.

Rima iri rakavapo kwemazuva matatu. Makanduru akanga asingakwanisi kupfuta, uye vanhu vakanga vasingakwanisi kuona zuva, mwedzi, kana nyeredzi.

3 Nifai 8:21–23

Vanhu vakachema nekuda kwerima, kuparadzwa, uye nerufu. Vakava neurombo kuti vakanga vasina kutendeuka pazvivi zvavo.

3 Nifai 8:23–25

Zvino vanhu vakanzwa inzwi raJesu Kristu

3 Nifai 9:1, 15

Jesu akavataurira pamusoro pekuparadzwa kukuru kwaityisa kwaiva munyika. Akati vanhu vakanga vakanyanya kuipa vakanga vaurawa.

3 Nifai 9:12–13

Akati avo vakanga vasina kuuraiwa vaifanira kutendeuka. Kana vakadaro uye vakauya kwaari, aizovaropafadza.

3 Nifai 9:13–14

Vanhu vakashamiswa zvikuru mushure mekunzwa inzwi zvokuti vakarega kuchema. Zvinhu zvose zvakanyarara kwemaawa mazhinji.

3 Nifai 10:1–2

Zvino Jesu akataura zvakare, achiti akanga aedza kakawanda kubatsira vanhu. Kana vaizotendeuka iyezvino, vaizokwanisa kudzokera kwaari.

3 Nifai 10:3–6

Mushure memazuva matatu rima rakabva. Vanhu vakapembera uye nemufaro vakatenda Ishe.

3 Nifai 10:9–10