Chitsauko 51

MaJaredhi anoenda kuNyika yeChipikirwa.

Apo maJaredhi paaiva achigara mumisasa pamahombekombe egungwa, mukoma waJaredhi akakanganwa kunamata. Ishe vakauya vari mugore kuzomuudza kuti atendeuke.

Eta 2:14 .

Mukoma waJaredhi akatendeuka uye akanamata. Ishe vakaregerera mukoma waJaredhi, asi vakati haafanire kutadza zvakare.

Eta 2:15

Ishe vakataurira mukoma waJaredhi kuti avake zvikepe kuti atore vanhu vake aende navo kunyika yechipikirwa.

Eta 2:16.

Ishe vakataurira mukoma waJaredhi mavakirwo ezvikepe.

Eta 2:16–17

Zvikepe zvacho zvakagadzirwa nekunamwa zvakasimba zvokuti hapana mvura yaizokwanisa kupinda mukati.

Eta 2:16–17 .

Mukoma waJaredhi akashushikana nekuti vanhu vaizowana sei mweya wekufema muzvikepe zvavo. Akavhunza Ishe kuti aifanira kuita sei

Eta 2:19.

Ishe vakamutaurira kuti agadzire buri pamusoro nepasi pechikepe choga choga. Buri iroro raikwanisa kuvhurwa kuti mhepo ipinde uye kuvharwa kuti mvura isapinde.

Eta 2:20 .

Mukoma waJaredhi akataurira Ishe kuti zvikepe zvacho zv aive nerima mukati. Ishe vakamuudza kuti afunge nzira yekuva nechiedza mukati mezvikepe .

Eta 2:22–23

Chiedza chemuzvikepe zvacho chaisakwanisa kubva kumoto kana mafasitera nokuti aizopwanyika.

Eta 2:23 .

Mukoma waJaredhi akaenda mugomo uye akagadzira mabwe madiki gumi nematanhatu kubva mudombo. Mabwe acho aitaridzika segirazi rakajeka. Akagadzira mabwe maviri erimwe nerimwe rezvikepe zvinomwe izvi.

Eta 3:1

Mukoma waJaredhi akatakura mabwe kuenda pamusoro pegomo. Ipapo akanamata kuna Ishe.

Eta 3:1

Mukoma waJaredhi akakumbira Ishe kuti vabate mabwe kuitira kuti azopa chiedza mukati mezvikepe.

Eta 3:4

Ishe vakabata ibwe rimwe nerimwe nemunwe wavo

Eta 3:6

Nokuti mukoma waJaredhi aive nerutendo rukuru, akaona munwe waIshe. Wairatidzika semunwe wemunhu.

Eta 3:6 ,9

Zvino Ishe vakazviratidza kumukoma waJaredhi.

Eta 3:13.

Jesu akati avo vanhu vose vanotenda maari vanozova nehupenyu husingaperi.

Eta 3:14.

Jesu akadzidzisa nekuratidza mukoma waJaredhi zvinhu zvakawanda. Jesu akamutaurira kuti anyore zvaakanga aona nekunzwa.

Eta 3:25-27

Mukoma waJaredhi akatakura mabwe ndokudzika nawo mugomo. Akaisa ibwe rimwechete kumagumo kwechikepe chimwe nechimwe. Mabwe akapa chiedza mukati zvikepe .

Eta 6:2-3

MaJaredhi akapinda muzvikepe nezvipfuyo nezvokudya zvavo. Ishe vakaita kuti mhepo inesimba guru ifambise zvikepe zvakananga kunyika yechipikirwa.

Eta 6:4-5

Ishe vakavadzivirira mugungwa raive nemasaisai ane ukasha. Vakatenda Ishe uye vakaimba rumbidzo kwavari.

Eta 6:6-10

Mushure memazuva mazana matatu nemakumi mana nemana vari mumvura, zvikepe zvakasvika kumahombekombe enyika yechipikirwa.

Eta 6:11-12

Apo MaJaredhi paakabuda muzvikepe vakapfugama vakachema misodzi yemufaro.

Eta 6:12

MaJaredhi vakavaka dzimba nekudyara zvirimwa munyika yechipikirwa. Vakadzidzisa vana vavo kuteerera kuna Ishe uye kuteerera kumanzwi ake.

Eta 6:13,16-18