Sura ya 19
Wana wa Mosia Wanakuwa Wamisionari
Mosia alikuwa na wana wanne: Amoni, Haruni, Omneri, na Himni. Walikuwa pamoja na Alma Mdogo wakati malaika alipomtokea.
Wana wa Mosia walikuwa wametubu dhambi zao na walihuzunika kwa ajili ya taabu waliyokuwa wamesababisha. Walijua injili ilikuwa ya kweli, na walitaka kuwafundisha wengine.
Kila mmoja wa wana wa Mosia alikataa kuwa mfalme. Badala yake, walitaka kuhudumu kama wamisionari kwa Walamani na kushiriki nao baraka za injili.
Mfalme Mosia alisali aweze kujua ikiwa alipaswa kuwaruhusu wana wake waende. Mungu alimwambia awaruhusu waende, na wangelindwa. Walamani wengi wangeamini ujumbe wao.
Wana wa Mosia walienda kuwafundisha Walamani. Walifunga na kusali ili wawe wamisionari wazuri.