Sura ya 2

Lehi Anawaonya Watu

nabii anafundisha

Wengi kati ya watu waliokuwa wakiishi Yerusalemu miaka 600 kabla ya kuzaliwa kwa Kristo walikuwa waovu. Mungu aliwatuma manabii wawaambie watubu, lakini hawakutaka kusikiliza.

1 Nefi 1:4

Lehi na nguzo ya moto

Lehi alikuwa nabii. Alisali ili watu watubu. Alipokuwa akisali, nguzo ya moto ilitokea. Mungu alimwambia na kumwonyesha Lehi vitu vingi.

1 Nefi 1:5–6

Lehi akiona ono

Lehi alirudi nyumbani na akapata ono. Alimwona Mungu akiwa amezungukwa na malaika wengi. Malaika walikuwa wakiimba na kumsifu Mungu.

1 Nefi 1:7–8

Ono la Lehi

Katika ono lake Lehi alipewa kitabu kilichozungumzia kitu ambacho kingetokea katika siku zijazo. Alisoma kwamba Yerusalemu ingeangamizwa kwa sababu watu walikuwa waovu.

1 Nefi 1:11–13

Lehi akizungumza na watu

Lehi aliwaambia watu kwamba Yerusalemu itaangamizwa. Pia alizungumza kuhusu ujio wa Yesu. Watu walikuwa na hasira na walijaribu kumuua Lehi, lakini Bwana alimkinga.

1 Nefi 1:18– 20