Sura ya 27
Korihori
Mtu mmoja aliyeitwa Korihori alikuja Zarahemla. Hakuwa na imani katika Yesu Kristo na alihubiri kwamba kile ambacho manabii walisema kuhusu Mwokozi kilikuwa si kweli.
Korihori aliwaambia watu walikuwa wapumbavu kuamini kwamba Yesu angekuja duniani na kuteseka kwa ajili ya dhambi zao.
Alisema watu hawawezi kuadhibiwa kwa ajili ya dhambi zao kwa sababu hakuna maisha baada ya kifo. Watu wengi walimwamini Korihori. Wakageuka kuwa waovu.
Korihori alijaribu kuwahubiria watu wa Amoni, lakini hawakumsikiliza. Walimfunga na kumpeleka kwa Amoni, ambaye alimlazimisha kuondoka mjini.
Korihori alienda katika nchi ya Gideoni, lakini watu waliokuwa huko pia walikataa kumsikiliza. Mwamuzi mkuu alimpeleka kwa Alma.
Alma alimuuliza Korihori kama aliamini katika Mungu. Korihori alisema la. Alma alishuhudia ya kwamba kuna Mungu na kwamba Kristo angekuja.
Korihori alimtaka Alma atende muujiza ili athibitishe kwamba kuna Mungu. Korihori alisema angesadikishwa kwamba kuna Mungu ikiwa angeona ishara ya uwezo wa Mungu.
Alma alimwambia Korihori kwamba alikuwa amekwisha kuziona ishara nyingi za uwezo wa Mungu kupitia maandiko na shuhuda za manabii wote.
Alma alisema kwamba dunia na vitu vyote vilivyo juu yake na mwendo wa sayari zilizo mbinguni pia ni ishara kwamba kuna Mungu.
Korihori bado alikataa kuamini. Alma alikuwa na huzuni kwa sababu ya uovu wa Korihori na akamuonya kwamba nafsi yake ingeweza kuangamizwa.
Korihori bado alitaka ishara kuthibitisha kwamba kuna Mungu. Alma alisema ishara kutoka kwa Mungu ingekuwa kwamba Korihori hangeweza kusema.
Baada ya Alma kusema haya, Korihori hakuweza kuzungumza.
Korihori aliandika kwamba alijua hii ilikuwa ishara kutoka kwa Mungu na kwamba daima alikuwa anajua kuna Mungu. Alimuomba Alma asali na kuiondoa ile laana.
Alma alijua ya kwama kama Korihori angeweza kusema tena angewadanganya watu tena. Alma alisema kwamba Bwana angeamua kama Korihori angezungumza tena.
Bwana hakumrudishia Korihori uwezo wake wa kusema. Korihori alikwenda nyumba hadi nyumba, akiomba chakula.
Mwamuzi mkuu alituma barua kote nchini ikisema kilichompata Korihori. Aliwaambia wale ambao walikuwa wamemwamini Korihori watubu. Watu walitubu.
Korihori alienda kuishi na Wazoramu. Siku moja alipokuwa akiombaomba, alikanyagwa hadi kufa.