Sura ya 39
Nefi Anapokea Nguvu Kuu
Nefi alitembea kuelekea nyumbani kwake, akitafakari kuhusu kile Bwana alichomwonyesha na kuhusu uovu wa Wanefi. Alihuzunika kwa sababu ya uovu wao.
Bwana alizungumza na Nefi na kumsifia kwa kuwa mtiifu na kwa kufanya kazi kwa bidii kufundisha injili.
Nefi alipewa nguvu za kufanya chochote. Bwana alijua angetumia nguvu hii kwa haki.
Bwana alimwambia Nefi kuwaonya Wanefi kwamba kama hawangetubu, wangeangamizwa. Nefi alikwenda mara moja kuwaonya watu.
Wanefi hawakumwamini Nefi. Walijaribu kumtupa gerezani, lakini nguvu za Mungu zilimlinda.
Nefi alitangaza neno la Mungu kwa Wanefi wote.
Lakini watu walizidi kuwa waovu zaidi na kuanza kupigana wao kwa wao.
Nefi alisali kwa ajili ya njaa, akiamini kwamba ukosefu wa chakula ungewanyenyekeza Wanefi na kuwasaidia kutubu.
Baa la njaa lilikuja. Hakukuwa na mvua, kwa hivyo ardhi ilikauka na mazao hayakukua. Watu waliacha kupigana.
Wanefi walikuwa na njaa, na wengi wao walikufa. Wale waliobaki walianza kumkumbuka Bwana na kile ambacho Nefi aliwafundisha.
Watu walitubu dhambi zao na kisha waliwaomba waamuzi wao kumuomba Nefi asitishe baa la njaa. Waamuzi wakienda kwa Nefi
Wakati Nefi alipowaona watu kwamba walikuwa wanyenyekevu na wametubu, alimuomba Bwana kumaliza baa la njaa.
Bwana alijibu sala ya Nefi, na mvua ilianza kunyesha. Punde mazao yalianza kukua tena. Watu walimshukuru Mungu na kujua kwamba Nefi alikuwa ni nabii.
Wengi wa Wanefi walijiunga na Kanisa. Walikuwa matajiri, na miji yao ikakua. Kulikuwa na amani katika nchi.
Kisha baadhi ya Wanefi ambao hapo awali walijiunga na Walamani waliwavamia Wanefi.
Wanefi walijaribu kuwashinda maadui wao, ambao walikuwa Wanyang’anyi wa Gadiantoni, lakini hawakuweza kwa sababu wao wenyewe walikuwa waovu tena.
Wakati wanefi walipokuwa wema, Bwana aliwabariki. Walipokuwa na kiburi na kumsahau Bwana, aliwapa matatizo ili kuwasaidia kumkumbuka.