Sura ya 44
Yesu Kristo Anawabariki Watoto
Yesu Kristo aliwaambia Wanefi wawalete watoto wao kwake. Watoto waliketi chini karibu na Yesu.
Mwokozi aliwaambia watu wapige magoti. Kisha akapiga magoti na kumwomba Baba wa Mbinguni.
Sala ya Mwokozi ilikuwa ya ajabu kiasi kwamba haikuweza kuandikwa. Iliwajaza Wanefi na shangwe.
Baada ya sala yake Yesu alisema kwamba Wanefi wangebarikiwa kwa sababu ya imani yao.
Alihisi upendo na furaha nyingi hadi akalia.
Kisha akawachukua watoto na kuwabariki kila mmoja. Aliomba kwa Baba wa Mbinguni kwa ajili yao na akalia tena.
Yesu aliwaambia Wanefi wawatazame watoto wao.
Watu wakiwa wanatazama, malaika walishuka kutoka mbinguni na kuwazingira watoto. Watoto na malaika walikuwa wamezingirwa na moto.