Sura ya 52
Kuangamizwa kwa Wayaredi
Wayaredi waliongezeka kwa idadi na kuwa matajiri. Walimchagua mfalme kuwa kiongozi wao.
Miaka mingi ilipita, na Wayaredi wakawa waovu. Mungu aliwatuma manabii wawaambie watubu au la wangeangamizwa.
Watu hawakuwasikiliza manabii. Walijaribu kuwaangamiza.
Kulikuwa na vita na njaa katika nchi. Wayaredi wengi walifariki.
Mungu alimtuma nabii mwingine, aliyeitwa Etheri. Alihubiri kutoka asubuhi hadi jioni, akiwaambia Wayaredi wamwamini Mungu na kutubu.
Etheri aliwaambia Wayaredi kwamba kama wangemwamini Mungu, siku moja wangeishi na Baba wa Mbinguni katika ulimwengu bora.
Etheri aliwaambia Wayaredi vitu vingi muhimu, lakini hawakumuamini. Walimlazimisha aondoke mjini.
Etheri alijificha pangoni mchana ili asije akauawa. Usiku alitoka na akajionea yaliyokuwa yakitendeka kwa Wayaredi.
Alimaliza kuandika historia ya Wayaredi akiwa mafichoni.
Bwana alimtuma Etheri kwa Koriantumuri, ambaye alikuwa mfalme muovu wa Wayaredi. Etheri alimwambia atubu au la angeishi kuona watu wake wote wakiangamizwa.
Koriantumuri na watu wake hawakutubu. Alijaribu kusababisha kuuawa kwa Etheri, lakini Etheri alikimbia na kujificha pangoni.
Watu walikuwa waovu hadi Bwana akailaani nchi. Hawangeweza kuviweka vifaa au panga zao chini kwa sababu siku iliyofuata vitu hivyo vingekuwa havipo tena.
Wayaredi wote walipigana katika vita, ikijumuisha wanawake na watoto. Koriantumuri aliongoza jeshi moja na mwanaume aliyeitwa Shizi akaliongoza lingine.
Koriantumuri na Shizi wote wawili walikuwa watu waovu. Roho Mtakatifu aliwaacha Wayaredi kwa sababu ya uovu wao. Shetani alikuwa na nguvu juu yao.
Wayaredi walipigana hadi Koriantumuri na Shizi wakawa ndio pekee waliobaki. Wakati Shizi alipozirai kwa kupoteza damu nyingi, Koriantumuri alikata kichwa chake.
Utabiri wa Etheri ulikuwa umetimizwa: Koriantumuri alikuwa Myaredi wa pekee aliyekuwa hai. Alivumbuliwa na watu wa Zarahemla.
Etheri alimaliza kuandika historia ya Wayaredi. Walikuwa wameangamizwa kwa sababu ya uovu wao. Kumbukumbu za Wayaredi baadaye zilipatikana kupitia Wanefi.