Sura ya 8

Kuvuka Bahari

Bwana alimwambia Lehi kuibeba familia yake kwenye merikebu ambayo waliitengeneza. Waliijaza kwa matunda, nyama, na asali na mbegu za kupanda katika nchi ya ahadi.

1 Nefi 18:5–6

Upepo mkali uliisukuma merikebu kuelekea nchi ya ahadi.

1 Nefi 18:8

Lamani, Lemueli, na baadhi ya wengine walianza kuwa waovu. Wakati Nefi alipowaambia kuacha uovu, walimkasirikia na wakamfunga kwa kamba.

1 Nefi 18:9–11

Kwa sababu ya uovu wao, Liahona iliacha kufanya kazi. Hawakujua ni upande upi wangeiongoza merikebu. Dhoruba kali ilisukuma merikebu kurudi nyuma kwa siku tatu.

1 Nefi 18:12–13

Lehi aliwaambia Lamani na Lemueli wamfungue Nefi, lakini hawakumsikiliza. Lehi na Saria walihuzunika sana mpaka kwamba wakaugua.

1 Nefi 18:17

Mke na watoto wa Nefi walilia. Waliwaomba Lamani na Lemueli wamfungue Nefi, lakini walikataa.

1 Nefi 6:19

Katika siku ya nne dhoruba ilikuwa kali zaidi. Merikebu ilikuwa karibu kuzama.

1 Nefi 18:14–15

Lamani na Lemueli walijua kwamba Mungu ameruhusu dhoruba. Waliogopa kwamba wangezama.

1 Nefi 18:15

Hatimaye Lamani na Lemueli walitubu na kumfungua Nefi. Japokuwa viwiko vyake na vifundo vilikuwa vimevimba na vyenye maumivu kutokana na kamba, Nefi hakunung’unika.

1 Nefi 18:15–16

Kisha Nefi akaichukua Liahona, na ikafanya kazi tena. Nefi akasali, na upepo ukakoma. Bahari ikawa shwari.

1 Nefi 18:21

Nefi akaiongoza merikebu, na ikaelekea tena uelekeo wa nchi ya ahadi.

1 Nefi 18:22