Sura ya 26

Watu wa Amoni

Wana wa Mosia walifundisha injili kwa Walamani. Maelfu ya Walamani walitubu na kujiunga na Kanisa.

Alma 23:4–5

Walamani waliojiunga na Kanisa walijiita Wa Anti-Nefi-Lehi, au watu wa Amoni. Walikuwa wema, wenye juhudi katika kazi.

Alma 23:17–18; 27:26

Walamani ambao hawakutubu waliwakasirikia watu wa Amoni na wakajiandaa kupigana nao.

Alma 24:1–2

Watu wa Amoni walijua kwamba Walamani waovu wangekuja kuwauwa lakini walichagua kutopigana nao. Walikuwa wametubu kuua.

Alma 24:5–6

Walizika silaha zao chini ardhini na kumuahidi Mungu kamwe hawangeua tena.

Alma 24:17–18

Wakati Walamani waovu walipokuja na kuanza kuwauwa, waliinama ardhini na kusali.

Alma 24:21

Kwa kuona kwamba watu wa Amoni hawangepigana na wao, wengi wa Walamani waovu waliacha kuwauwa.

Alma 24:23–24

Walamani walijisikia vibaya kwamba walikuwa wameua. Walitupa chini silaha zao na kujiunga na watu wa Amoni. Hawangepigana tena.

Alma 24:24–27

Walamani zaidi walikuja kuwauwa watu wa Amoni. Lakini bado hawakupigana nao, na wengi waliuwawa.

Alma 27:2–3

Kwa kutaka watu aliowapenda wasiuwawe, Amoni alisali kwa ajili ya msaada. Bwana alimwambia kuwachukua watu wake kutoka kwenye nchi.

Alma 27:4–5, 10–12

Wanefi huko Zarahemla walimpa Amoni na watu wake nchi ya Jershoni na kuwalinda. Walikuwa marafiki.

Alma 27:22–23