Sura ya 50

Wayaredi Wanaondoka Babeli

Yaredi na kaka yake walikuwa watu wenye haki ambao waliishi katika mji wa Babeli. Waliishi mamia ya miaka kabla ya Wanefi.

Ether 1:33; Mwanzo 11:9

Wengi wa watu huko Babeli walikuwa waovu. Walijenga mnara kujaribu kufika mbinguni. Bwana alikasirika na akabadili lugha yao.

Mwanzo 11:4, 7

Yaredi alimuomba kaka yake kusali na kumuomba Bwana kutobadili lugha ya familia na rafiki zao.

Etheri 1:34

Kaka wa Yaredi alisali, na Bwana akajibu sala yake. Yaredi, kaka yake, na familia na rafiki zao bado wangeweza kuelewana.

Etheri 1:35–37

Bwana alimwambia kaka wa Yaredi kukusanya familia yake na rafiki zake na kuondoka katika nchi. Walichukua wanyama na kila aina ya mbegu pamoja nao.

Etheri 1:41–42

Bwana alisema angewaongoza Wayaredi kwenda nchi ya ahadi.

Etheri 1:42

Wayaredi walikamata ndege na samaki kwa ajili ya kwenda nao.

Etheri 2:2

Walichukua makundi ya nyuki wa asali.

Etheri 2:3

Wayaredi walisafiri nyikani. Bwana alizungumza nao kutoka katika wingu na kuwaambia njia ipi ya kupita.

Ether 2:5

Bwana alisema watu walioishi kwenye nchi ya ahadi lazima wamtumikie Mungu au sivyo wataharibiwa.

Etheri 2:7–8

Wakati Wayaredi walipofika kwenye ufuko wa bahari, walipiga hema zao. Walikaa kwenye ufuko kwa miaka minne.

Etheri 2:13