Sura ya 20
Alma na Nehori
Kabla Mfalme Mosia hajafa, Wanefi walichagua waamuzi kuwaongoza. Alma mdogo alikuwa mwamuzi mkuu wa kwanza. Pia alikuwa ni kiongozi wa Kanisa.
Mtu mmoja mkubwa, mwenye nguvu aliyeitwa Nehori alianza kufundisha uongo. Alisema kila mtu angeokolewa bila kujali walikuwa wema au waovu. Watu wengi walimwamini Nehori.
Nehori alifundisha kinyume na Kanisa la Mungu, lakini mtu mwenye haki aliyeitwa Gideoni alitetea Kanisa. Nehori alibishana na Gideoni, lakini Gideoni aliongea kwa maneno ya Mungu.
Nehori alikasirika na akatoa upanga wake na kumuua Gideoni.
Nehori alipelekwa kwa Alma kuhukumiwa. Nehori kwa ujasiri alijitetea.
Lakini Alma alisema Nehori alikuwa na hatia kwa sababu alikuwa amewafundisha watu kuwa waovu na alimuua Gideoni.
Alma alisema Nehori alitakiwa kuadhibiwa kwa kumuua Gideoni. Kulingana na sheria, Nehori lazima afe.
Nehori alipelekwa kwenye mlima ulioko karibu na akauliwa. Kabla hajafa alisema kila kitu alichokifundisha kilikuwa cha uongo. Lakini watu wengi bado waliyaamini mafundisho ya uongo ya Nehori.
Watu hawa walipenda utajiri na wasingetii amri za Mungu. Waliwadhihaki waumini wa Kanisa na kubishana na kupigana nao.
Watu wema waliendelea kutii amri na hawakunung’unika hata wakati wafuasi wa Nehori walipowaumiza.
Waumini wa Kanisa walishiriki kila kitu walichokuwa nacho na masikini, na waliwajali wagonjwa. Walitii amri, na Mungu aliwabariki.