፩ አድምጡ፣ የቤተክርስቲያኔ ሽማግሌዎች ሆይ፣ እናም ቃሌንም ስሙ፣ እናም ስለራሳችሁ እና ስለላኳችሁ ስለዚህ አገር ያለኝን ፈቃድም ከእኔ ተማሩ።

፪ እውነት እላችኋለሁ፣ በህይወትም ይሁን በሞት ትእዛዜን የሚጠብቅ የተባረከ ነው፤ እናም በመከራው ታማኝ የሆነው፣ እርሱ በመንግስተ ሰማይ ያለው ዋጋ ታላቅ ይሆናል።

፫ ከዚህ በኋላ ስለሚመጡት ነገሮች አምላካችሁ ያቀደውን፣ እናም ብዙ መከራን ተከትሎ የሚመጣውን ክብር፣ በእዚህ ጊዜ በተፈጥሮ አይኖቻችሁ ልታዩ አትችሉም።

፬ ከብዙ መከራ በኋላ በረከቶች ይመጣሉና። ስለዚህ በብዙ ክብር አክሊልም የምትጭኑበት ቀን ይመጣል፤ ሰአቱ አልደረሰም፣ ነገር ግን እየቀረበ ነው።

፭ በልባችሁ ልታሮሩት እና ቀጥሎ የሚመጣውን ትቀበሉ ዘንድ፣ ይህን አስቀድሜ የምነግራችሁን አስታውሱ።

፮ እነሆ፣ እውነት እላችኋለሁ፣ ለዚህ ምክንያት ነው የሰደድኳችሁ—ታዛዥ እንድትሆኑ፣ እና ወደፊት ስለሚመጡት ነገሮች ለመመስከር ልባችሁ እንዲዘጋጁ፤

፯ ደግሞም የእግዚአብሔር ፅዮን ስለምትሰራበት ምድር መሰረቱን በመገንባት፣ እና ምስክርነቱንም በመስጠት ትከበሩ ዘንድ ነው፤

፰ እና ደግሞም የሶባ ግብዣ ለደሀው እንዲዘጋጅ፤ አዎን፣ የሶባ ግብዣ፣ የሰነበተ ወይን እንዲዘጋጅ፣ ይህም አለም የነቢያት አንደበት እንደማይወድቁ እንዲያውቅ ነው፤

፱ አዎን፣ ሁሉም አገሮች የሚጋበዙበት በደንብ የተዘጋጀው የጌታ ቤት እራት የሆነው ይዘጋጅ ዘንድ ነው።

፲ መጀመሪያ፣ ባለጠጋውና የተማረው፣ ጥበበኛውና መሳፍንቱ፤

፲፩ እና ከዚያም በኋላ የሀይሌ ቀን ይመጣል፤ ከዚያም ደሀው፣ አንካሳው፣ እና አይነ ስውሩም፣ እና ደንቆሮውም ወደ በጉ ጋብቻ ይመጣሉ፣ እናም ለሚመጣው ታላቅ ቀን የተዘጋጀውን የጌታን እራት ይበላሉ።

፲፪ እነሆ፣ እኔ ጌታ ይህን ተናግሬአለሁ።

፲፫ እና ምስክርም ከፅዮን፣ አዎን፣ ከእግዚአብሔር ቅርስ ከተማ አንደበት ይሄድ ዘንድ—

፲፬ አዎን፣ ለዚህ ምክንያት ነው ወደዚህ የሰደድኳችሁ፣ እና አገልጋዬ ኤድዋርድ ፓርትሪጅንም የመረጥኩት፣ እናም ተልዕኮውን በዚህ አገር ውስጥ የሰጠሁት።

፲፭ ነገር ግን ያለማመን እና ልበ ደንዳናነት ከሆኑት ኃጢአቶቹ ንስሀ ካልገባ፣ እንዳይወድቅ ይጠንቀቅ።

፲፮ እነሆ ይህ ተልዕኮው ለእርሱ ተሰጥቶታል፣ እናም ዳግመኛም አይሰጥም።

፲፯ በዚህ ተልዕኮ የሚቆመው፣ እንደቀደሙት ቀናት፣ በእስራኤል ፈራጅ እንዲሆን፣ የእግዚአብሔር ቅርስ መሬቶችን ለልጆቹ እንዲያከፋፍል ተመድቧልና፤

፲፰ እናም የእርሱን ሕዝብ በእግዚአብሔር ነቢያት በኩል በተሰጡት የመንግስቱ ህግጋት አማካይነት በጻድቁ ምስክር፣ እናም በአማካሪዎቹ እርዳታም እንዲፈርድ ተመድቧል።

፲፱ እውነት እላችኋለሁና፣ በዚህ አገር ህግጋቴ ይጠበቃል።

፳ ማንም ሰው መሪ ነኝ ብሎ አያስብ፤ ነገር ግን እንደ ፈቃዱ ምክር የሚፈርደውን፣ ወይም በሌላ ቃል፣ የሚመክር ወይም በፍርድ ወንበር የሚቀመጠው እግዚአብሔር እርሱ ይምራው።

፳፩ የአገርን ህግጋት ማንም ሰው አይጣስ፣ ምክንያቱም የእግዚአብሔርን ህግጋትን የሚጠብቅ የአገርን ህግጋት መጣስ አያስፈልገውምና።

፳፪ ስለዚህ፣ ለመንገስ መብት ያለው እርሱ እስኪነግስ፣ እና ጠላቶቹን ሁሉ ከእግሩ በታች እስከሚያደርግ፣ ባሉት ባለስልጣናት ተገዙ።

፳፫ እነሆ፣ ከእጄ የተቀበላችኋቸው ህግጋት የቤተክርስቲያኗ ህግጋት ናቸው፣ እና በዚህም ብርሀን ያዙአቸው። እነሆ፣ ይህ ጥበብ ነው።

፳፬ እና አሁን ይህ አገር መኖሪያው ስለሆነው አገልጋዬ ኤድዋርድ ፓርትሪጅ እና አማካሪዎቹ አድርጎ ስለሾማቸውም፤ እናም ጎተራዬን እንዲጠብቅ ተሹሞ በዚህ አገር ስለሚኖረውም ስለእርሱ እናገራለሁ፤

፳፭ ስለዚህ፣ እርስ በራሳቸው እና ከእኔም ጋር እንደሚመክሩት፣ ቤተሰቦቻቸውን ወደዚህ አገር ያምጡ።

፳፮ እነሆ፣ በሁሉም ጉዳዮች ትእዛዝ መስጠቴ ተገቢ አይደለም፤ ምክንያቱም በሁሉም ነገር መገደድ ያለበት እርሱም ሰነፍ ነው እናም ብልህ አገልጋይ አይደለም፤ ስለዚህ ምንም ዋጋን አይቀበልም።

፳፯ እውነት እላችኋለሁ፣ ሰዎች መልካም ስራን በጉጉት ማከናወን፣ እናም ብዙ ነገሮችን በራሳቸው ነጻ ምርጫ ማድረግ፣ እናም ብዙ ጽድቅንም መስራት አለባቸው፤

፳፰ ሀይል በእነርሱ ውስጥ ነውና፣ በዚህም ራሳቸውን ይወክላሉ። እናም ሰዎች መልካም ስራን ከሰሩ ዋጋቸውን አያጡም።

፳፱ ነገር ግን እስኪታዘዝ ድረስ ምንም የማያደርግ፣ እና ትእዛዝን በሚጠራጠር ልብ የሚቀበል፣ እና በስንፍና የሚጠብቅ፣ እርሱ ይፈረድበታል።

፴ ሰውን የፈጠርኩ፣ እኔ ማን ነኝ ትእዛዛቴንስ የማያከብረውን ጥፋተኛ እንዳይሆነ የማልይዘው እኔ እኔ ማን ነኝ? አል ጌታ፤

፴፩ ቃል ገብቼ እና ያልፈጸምሁ እኔ ማን ነኝ? ይላል ጌታ፤

፴፪ አዛለሁ እናም ሰዎች አያከብሩም፣ እሸራለሁ እና በረከቶችንም አይቀበሉም።

፴፫ ከዚያም በልባቸው እንዲህ ይላሉ፥ ይህ የጌታ ስራ አይደለም፣ ቃል ኪዳኖቹ አልተሟሉምና። ነገር ግን ለእነዚህ ወዮላቸው፣ ዋጋቸው ከላይ ሳይሆን ከስር አድፍጦ ይጠብቃቸዋልና።

፴፬ እናም አሁን ስለዚህ አገር ሌሎች ተጨማሪ መመሪያዎችን እሰጣችኋለሁ።

፴፭ ገንዘቡን ለቤተክርስቲያኗ ኤጲስ ቆጶስ በመስጠት አገልጋዬ ማርቲን ሀርስ ለቤተክርስቲያኗ ምሳሌ መሆኑ ይህ በእኔ ዘንድ ጥበብ ነው።

፴፮ ደግሞም፣ ውርስን ለመቀበል ወደ እዚህ አገር ለሚመጣ ሰው ሁሉ ይህ ህግ ነው፤ እና በገንዘቡም ህጉ እንደሚመራው ያደርግበታል።

፴፯ ለጎተራ፣ እናም ለማተሚያ ቤት፣ የሚሆን ቦታ በኢንዲፔንደንስም መሬቶች እንዲገዙ ይህም ደግሞ በእኔ ዘንድ ጥበብ ነው።

፴፰ መልካም እንደመሰለው ውርሱን እንዲቀበልም፣ ሌሎች መመሪያዎችም ለአገልጋዬ ማርቲን ሀርስ በመንፈስ ይሰጡታል፤

፴፱ ለኃጢአቱም ንስሀ ይግባ፣ የአለምን ምስጋናን ይፈልጋልና።

፵ እናም አገልጋዬ ውልያም ደብሊው ፈልፕስም በተሾመበት ስልጣን ሀላፊነቱን ያከናውን፣ እናም ውርሱንም በዚህ አገር ይቀበል።

፵፩ እናም እርሱም ንስሀ ይገባ ዘንድ ያስፈልገዋል፣ ምክንያቱም ከሌሎች በላይ ስልጣን ለማግኘት ስለሚፈልግ፣ እናም በፊቴም በበቂ የዋህ ስላልሆነ፣ እኔ ጌታ አልተደሰትኩበትም።

፵፪ እነሆ፣ ለኃጢያቶቹ ንስሀ የሚገባም፣ ይቅርታን ይቀበላል፣ እናም እኔ ጌታ ደግሜ አላስታውሳቸውም።

፵፫ በዚህም ሰው ለኃጢአቶቹ ንስሀ እንደገባ ታውቃላችሁ—እነሆ፣ ይናዘዛቸዋል እናም ይተዋቸዋልም።

፵፬ እናም አሁን ስለተቀየሩት የቤተክርስቲያኔ ሽማግሌዎች ይህን እላለሁ፣ በእምነት በሆነ ጸሎት ካልፈለጉ በቀር፣ እና ጌታ ካልመደበላቸው በስተቀር፣ ውርሳቸውን የሚቀበሉበት ጊዜ፣ ገና ብዙ አመታት፣ ይቀራሉ።

፵፭ እነሆ፣ ህዝብን ከአለም ዳርቻዎች ድረስ በአንድነት ይሰበስቧቸዋልና።

፵፮ ስለዚህ፣ ራሳችሁን በአንድነት አሰባስቡ፣ እና በዚህ አገር እንዲቀሩ ያልተጠሩትም በአካባቢው ባሉት ክፍለ ሀገሮች ወንጌሉን ይስበኩ፣ እና ከዚያም በኋላ ወደየቤቶቻቸው ይመለሱ።

፵፯ በመንገዳቸውም ላይ ይስበኩ፣ እናም ስለእውነትም በሁሉም ቦታዎች ምስክርነት ይስጡ፣ እናም ባለጠጎችን፣ እናም ከፍ ያሉትንም ሆነ ዝቅ ያሉትን፣ እናም ደሆችንም ንስሀ እንዲገቡ ይጥሯቸው።

፵፰ የምድር ኗሪዎች ንስሀ በሚገቡበት መጠን፣ ቤተክርስቲያኖችን ይመስርቱ።

፵፱ በቤተክርስቲያኗ ድምፅም፣ በኦሀዮ ቤተክርስቲያን፣ በፅዮን ምድር ለመግዛት ገንዘብ የሚቀበል ወኪል ይመረጥ።

፶ እናም ለአገልጋዬ ስድኒ ሪግደን የፅዮን አገርን አገላለፅ፣ እና በመንፈስ እንደሚገለፅለትም የእግዚአብሔርን ፈቃድ መግለጫ ይፅፍ ዘንድ ትእዛዝን እሰጠዋለሁ፤

፶፩ እናም በኤጲስ ቆጶስ ወይም በወኪሉ እጅ የሚገቡት ገንዘቦች የሚሰበሰቡበት ማዘዣ፣ እርሱም መልካም እንደሚመስለው ወይም እንደሚመራበት ለእግዚአብሔር ልጆች ውርስ መሬት ይገዛ ዘንድ ለሁሉም ቤተክርስቲያኖች ደብዳቤ እና ማዘዣ ያቅርብ።

፶፪ እነሆ እውነት እላችኋለሁ፣ ደቀ መዛሙርቶቹ እና የሰው ልጆች ልባቸውን እንዲከፍቱ፣ እንዲሁም ጊዜ እንደፈቀደ ክፍለ ሀገሩን ሁሉ ይገዛ ዘንድ የጌታ ፍላጎት ነው።

፶፫ እነሆ፣ ይህም ጥበብ ነው። ይህን ያድርጉ ያለበለዚያ ደም ካልፈሰሰ በቀር ምንም ወርስ አይቀበሉምና።

፶፬ ደግሞም፣ የሚገኝ መሬት እስካለ ድረስ፣ የተለያዩ ችሎታ ያላቸው ሰራተኞች ለእግዚአብሔር ቅዱሳን እንዲሰሩ ወደዚህ አገር ይላኩ።

፶፭ እነዚህ ነገሮች ሁሉ በዕቅድ ይደረጉ፤ ጊዜ በጊዜም ኤጲስ ቆጶሱ ወይም የቤተክርስቲያኗ ወኪል በምድር ላይ የመስራትን መብት እንዲታወቅ ያድርጉ።

፶፮ የመሰብሰቢያው ስራም በጥድፊያ ወይም በመሯሯጥ አይሁን፤ ነገር ግን ይህም በቤተክርስቲያኗ ጉባኤ ላይ ሽማግሌዎች ከጊዜ ወደጊዜ እንደሚቀበሉት እውቀት መጠን የሚመክሩት ይሁን።

፶፯ አገልጋዬ ስድኒ ርግደን ይህን አገር እና ቤተመቅደስ የሚሰራበትን ስፍራ ለጌታ ይቀድስ እናም ይመርቅ።

፶፰ የጉባኤ ስብሰባም ይጠራ፤ እናም ከዚያም በኋላ አገልጋዮቼ ስድኒ ርግደን እና ጆሴፍ ስሚዝ ዳግማዊ በመሬታቸው ላይ እንዲያከናውኑ የሰጠኋቸውን እናም ጉባኤዎቹ የመሯቸውን ለማከናወን ይመለሱ፣ እናም ኦሊቨር ካውድሪም ከእነርሱ ጋር ይሂድ።

፶፱ የሚያውቀውን እና በእርግጥ የሚያምነውን በሚጓዝበት መንገድ ሳይሰብክ ማንም ሰው ከዚህ አገር አይመለስ።

፷ ለዛይባ ፒተርሰን የተሰጠው ይወሰድበት፤ እናም የቤተክርስቲያን አባልነቱንም መሆንም ይቀጥል፣ እናም ለኃጢአቶቹ በሚገባ እስከሚገሰጽ ድረስ በራሱ እጅ ከወንድሞች ጋር ይስራ፤ ኃጢአቶቹን ሁሉ አልተናዘዛቸውም፣ እናም ሊደብቃቸው ያስባልና።

፷፩ አንዳንዶቹ መመዘን ከሚቻለው በላይ የተባረኩት ወደዚህ አገር የሚመጡት የቀሩት የቤተክርስቲያኗ ሽማግሌዎችም በጉባኤ በዚህ አገር ውስጥ ይሰብሰቡ።

፷፪ አገልጋዬም ኤድዋርድ ፓርትሪጅም የእነርሱን ጉባኤ ይምራ።

፷፫ እናም በመንገዳቸውም ወንጌልን በመስበክ፣ ስለተገለጡላቸው ነገሮች ምስክር በመስጠት፣ ይመለሱ።

፷፬ በእውነት፣ ድምፅ ከዚህ ስፍራ ወደ አለም ሁሉ፣ እናም ወደ ምድር ዳርቻ ድረስ፣ ሊሄድ ይገባል—የሚያምኑትን በሚከተለው ምልክት፣ ወንጌሉ ለእያንዳንዱ ፍጥረት መሰበክ አለበት።

፷፭ እናም እነሆ የሰው ልጅ ይመጣል። አሜን።