Amanda Barnes Samita

E tele lava ina iloa Amanda Barnes Samita i le talafaasolopito o le Au Paia o Aso e Gata Ai mo le mauaina o musumusuga na sa fesoasoani ia te ia e toe maua ai e lana tama tama, o Alema, le malosi i le mavae ai o le fasiotiga tagata i le 1838 i le Falegaosi Laupapa a Hawn lea na fasiotia ai lona toalua, o Warren, ma lana tama tama o Sardius e tagata leaga.¹

Atatosi o Amanda Barnes Samita

Faaaloaloga a le Church History Library and Archives

Na soifua mai Amanda i Becket, Massachusetts, o se taulaga lea na vaai i le fanau mai o isi uluai Au Paia, e aofia ai Eliza R. Sinou, Sara Cleveland, ma le tane muamua a Amanda, o Warren Samita. Na siitia atu aiga taitasi na o i latou lava i nuu tuaoi i le “Laufanua Faaleoleo,” ua igoa nei o Ohaio. I le 1826, na faaipoipo ai Amanda ia Warren, ma na la maua ai se fanau e toalima.² Na auai Amanda i se faalapotopotoga o le Au Soo o Keriso na taitaia e Sini Rikitone ma Osona Hyde. I le 1831, na auai ai Amanda ma Warren i le Ekalesia toefuataiina, lea na inosia ai i laua e ni tagata o le aiga ma tagata o le taulaga.³ Ona siitia atu ai lea o le au Samita i Katelani, faatauina se fanua, ma saofaga atu i le sosaiete o le Saogalemu o Katelani ma le fausiaina o le malumalu. Na la le toe mauaina le la fanua ma meatotino ina ua gau le Sosaiete o le Saogalemu o Katelani ma na tuua ai loa Ohaio ina ia auai faatasi ma le Au Paia i le Itumalo o Caldwell, Misuri, i le 1838. I le la malaga, na taofia ai le aiga e se aufaatupu faalavelave faaauupegaina ma poloaiina ia tuu atu a latou fana. I le aso 30 o Oketopa, na tolauapi ai le Au Paia i le Falegaosi Laupapa o Hawn. E faanoanoa lava, o le taimi lea na osofaia ai e le aufaatupu faalavelave amioleaga le nuu. Na sao mai Amanda, lana fanau teine o Alavira ma Otenisa, ma lana tama tama o Uiliata, e aunoa ma se ma’osia i le osofaiga, ae o lana tane, o Warren, ma lana tama tama o Satiu na fasiotia uma. Na fanaese le suilapalapa o lana tama tama laitiiti o Alema. I le naunau tele mo se fesoasoani, na tatalo ai Amanda ma maua le musumusuga i le ala e fatu ai ma faaaoga ai se paluga i le manua. Na faamaloloina faavavega le sooga o le vae, ma na toe manuia atoatoa Alema.

I le mavae ai o le fasiga tele, na nonofo pea Amanda ma lana fanau e toafa na sao mai i le eria, ae ua leiloloa mea uma i le aufaatupu faalavelave. Sa latou faia ma isi fafine Mamona ni fonotatalo i aso taitasi seia oo ina faasaina i latou mai le faia o lea mea e le au tetee o le lotoifale i le lotu.⁴ O taimi uma lava e faafefe ai e tagata tetee Amanda, na te puipuia lava lona aiga i upu. I nisi taimi, na ia maua ai le fesoasoani mai le aufaatupu faalavelave, e aofia ai se fasipuaa e avea o se “taulaga o aano o manu e ositaulaga ai mo le salamo i lo latou faamoemoega” ma mulimuli ane, o se 50 pauna falaoamata. Na latou faatagaina foi o ia e toe maua mai ana solofanua na gaoia ina ua saunia o ia ma lona aiga e tuua le Misuri.⁵

Na agai atu le aiga o Samita i Kuinisi, Ilinoi, lea na faiaoga ai Amanda i le aoga. I le 1839, na ia faaipoipo ai ia Warren Samita (e le aiga i lona toalua muamua), ua maliu lana ava ma se fanau e toalima. O le aiga ua faatasia na siitia atu i Navu, lea na galue ai Warren o se gaosi uamea. O le taimi lea, na maua ai e Amanda se isi fanau e toatolu. Na suia le faaipoipoga i se tulaga pagatia e sili atu ina ua saua ma le faamaoni Warren ia Amanda, ma fanauina ni fanau se toalua i se isi fafine. Na tuua e Amanda o ia ia Tesema o le 1850, i ni nai masina talu ona latou taunuu i Iuta. I ni tausaga mulimuli ane, na lagona ai e Amanda ua uunaia o ia e le Agaga ia faamauina ia Iosefa Samita. Ina ua maua e Amanda se tatalaina o le faaipoipoga aloaia mai ia Warren, na tu loa Polika Iaga e sui i le faamauga o Amanda ia Iosefa Samita.⁶

I lona soifua atoa lava, na auai Amanda i le tele o gaoioiga i le Ekalesia ma le nuu. I le avea ai ma se sui o le Aualofa a Tamaitai o Navu, na faatasi atu ai Amanda ia Ema Samita ma Eliza R. Sinou i le tuuina atu o se talosaga i le kovana o Ilinoi mo le puipuiga o Iosefa Samita.⁷ I le Aai o Sate Leki, na aafia ai Amanda i le Aualofa a Initia i le amataga o le 1854, ma fesoasoani i Initia Amerika. Na mulimuli auauna atu o ia o se fesoasoani i le Aualofa a le uarota i le Aai o Sate Leki mai le 1868 i le 1879. I le vaitaimi o le 1870 ma le 1880, o Amanda sa avea ma se leo e puipuia le Ekalesia ma se lagolago o le aia tatau a fafine e palota.⁸ Sa manatua o ia “o se tagata galue malosi … i tagata matitiva ma mamai i le auauna atu i o latou manaoga faaleagaga ma le faaletino.” ⁹

Na soifua Amanda i aso mulimuli o lona soifuaga i le Aai o Sate Leki, lea na viia ai o ia i le avea ai ma se “tagata tuai talenia o Siona.”¹⁰ Na olioli tele o ia i le faamaoni o lana fanau. Ona ua pe lona tino, na ia siitia atu ai i le fale o lana tama teine i Richmond, Iuta, lea na ia maliu ai mulimuli ane i le 1886.¹¹ Na faamatalaina e Amanda lona soifuaga o se “olaga e faatumuina i le olioli ma le tele o faalavelave. Na ou inu i paelo o le tele o le faanoanoa ma faalavelave, ma sa olioli foi i faamanuiaga o se Atua atamai silisiliese ma le alofa mutimutivale.”¹²

Punaoa o le Ekalesia

“Minutes of ‘Great Indignation Meeting,’ January 13, 1870,” i le Jill Mulvay Derr, Carol Cornwall Madsen, Kate Holbrook, and Matthew J. Grow, eds., The First Fifty Years of Relief Society: Key Documents in Latter-day Saint Women’s History (Salt Lake City: Church Historian’s Press, 2016), 319–20; churchhistorianspress.org.

“Amanda Melissa Barnes Smith Smith,” i le Derr, Cornwall, Holbrook, and Grow, First Fifty Years, 673; churchhistorianspress.org.

“Blessings amidst Tragedy,” Museum Treasures series, Mar. 11, 2015, history.lds.org.

“Amanda Barnes Smith,” Mormon Pioneer Overland Travel, history.lds.org/overlandtravel.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Amanda Barnes Smith autobiography, 1858, Church History Library, Salt Lake City.

Emmeline B. Wells, “Amanda Smith,” Woman’s Exponent, vol. 9, nos. 21–24 (Apr. 1–May 15, 1881), 165, 173, 181–82, 189–90.

Alexander L. Baugh, “‘I’ll Never Forsake’: Amanda Barnes Smith (1809–1886),” i le Richard E. Turley Jr. and Brittany A. Chapman, eds., Women of Faith in the Latter Days: Volume One, 1775–1820 (Salt Lake City: Deseret Book, 2011), 327–42.

Faamatalaga

1. Tagai i autu fesootai “Hawn’s Mill Massacre”; tagai foi James E. Faust, “The Shield of Faith,” Ensign, May 2000, 17–19.

2. “Amanda Melissa Barnes Smith Smith,” i le Jill Mulvay Derr, Carol Cornwall Madsen, Kate Holbrook, and Matthew J. Grow, eds., The First Fifty Years of Relief Society: Key Documents in Latter-day Saint Women’s History (Salt Lake City: Church Historian’s Press, 2016), 673; churchhistorianspress.org.

3. I le ala i Misuri, na malolo ai le au Samita i Amherst, Ohaio, e faatofa atu i o latou aiga. Na tau atu e le tina o Amanda ia Amanda na te le toe fia vaai ia te ia pe faalogo foi ia te ia. Alexander L. Baugh, “‘I’ll Never Forsake’: Amanda Barnes Smith (1809–1886),” i le Richard E. Turley Jr. and Brittany A. Chapman, eds., Women of Faith in the Latter Days: Volume One, 1775–1820 (Salt Lake City: Deseret Book, 2011), 330–31.

4. Na afe Amanda i se togasana ina ia tatalo leotele ai. Na faaleo atu e se leo ia te ia le fuaiupu lona fitu o se viiga Polotesano, “Le Faavae Malosi,” lea na maua mai ai le mafanafana ma faamalosia ai lona faatuatua. Edward W. Tullidge, The Women of Mormondom (New York: Tullidge and Crandall, 1877), 129–30.

5. Amanda Barnes Smith autobiography, 1858, Church History Library, Salt Lake City; Tullidge, Women of Mormondom, 131–32.

6. Hulda Cordelia Thurston Smith, “O My Children and Grandchildren,” Nauvoo Journal, vol. 4, no. 2 (Tautoulu 1992).

7. Na taua e Emeline B.Wells e faapea o le “misiona muamua lava lea o lea ituiga na faia e fafine o lenei Ekalesia.“ “Amanda Smith,” Woman’s Exponent, vol. 10, no. 2 (Iuni 15, 1881), 13.

8. “Minutes of ‘Great Indignation Meeting,’ January 13, 1870” and Eliza R. Snow and others, Letter to Stephen A. Mann, Feb. 19, 1879, i le Derr, Cornwall, Holbrook, and Grow, First Fifty Years, 319–20, 350–51.

9. Emmeline B. Wells, “Amanda Smith,” Woman’s Exponent, vol. 10, no. 5 (Aok. 1, 1881), 37.

10. Wells, “Amanda Smith,” Woman’s Exponent, vol. 10, no. 5 (Aok. 1, 1881), 37.

11. “Death of a Veteran Lady,” Deseret News, July 14, 1886, 403.

12. Amanda Barnes Smith autobiography, 1858, Church History Library, Salt Lake City.