Talafaasolopito o le Ekalesia
Aiga o Iosefa ma Ema Hale Samita

“Aiga o Iosefa ma Ema Hale Samita,” O Autu o le Talafaasolopito o le Ekalesia.

“Aiga o Iosefa ma Ema Hale Samita“

Aiga o Iosefa ma Ema Hale Samita

Na onosaia e le aiga o Iosefa ma Ema Samita ni faigata ma ni faalavelave matuia, e aofia ai le sauaina faalemalo ma le faalelotu, na faamalosia mai lo latou aiga ma na leai se mea e nonofo ai, le maliliu faafuasei o se fanau e toafitu, ma le maliu faamaturo o Iosefa lava ia.1 I taimi o faigata, na liliu atu tagata o le aiga i le tasi ma le isi mo le malosiaga. I le taimi a o i ai o ia i le falepuipui i Liperate, mo se faataitaiga, na tusi atu ai Iosefa ia Ema ma ofoina atu ia te ia le faamalosiauga e ui lava i le faavauvau i lo la valavala ai. Na ia faatonuina foi o ia e faatatau i le la fanau: “Tau atu ia i latou e alofa Tama ia i latou i se alofa atoatoa, ma o loo ia faia mea uma na te mafaia ia alu ese mai ai i le au faatupu faalavelave, ae alu atu ia i latou.“2 I o latou tausaga mulimuli ane, na tumau pea le lotogatasi o fanau a Samita na soifua pea ma na lagolagoina e le tasi le isi i la latou auaunaga i le ekalesia. Na latou puipuia le igoa lelei o lo latou tina ma tausia o ia seia oo i lona maliu i le 1879.

Ina ua mavae le faaipoipoga a Iosefa ma Ema i le 1827, na nonofo le aiga mo sina taimi i Manaseta faatasi ma le aiga o Iosefa, ona siitia atu ai lea i Haramoni, Penisilevania. E lei feola le la fanau muamua e toatolu e sili atu i se aso, ma e faatoa amata ona la tausia la laua lava fanau ina ua toe siitia atu Iosefa ma Ema i Ohaio ma la vaetamaina ai le masaga. I Ohaio, na faapaleni ai e Iosefa lona olaga faaleaiga ma le galuega autu faaletaitai ao ia taitaia se lotu na vave lava le faatupulaia faatasi ai ma ni paranesi i le Iunaite Setete atoa ma se nuu ua malosi lava o le Au Paia o Aso e Gata Ai i Misuri. O se faaletonu o le tamaoaiga i le atunuu, le le manuia o le Kamupani o le Kirtland Safety Society Banking, ma le faatupulaia o taufaamatau i le saogalemu o Iosefa na tuliesea ai le aiga mai Ohaio i Misuri i le amataga o le 1838, ae o le faateleina o le tetee agai i le Au Paia i Misuri sa na o le faateleina i le tausaga atoa na sosoo ai seia oo ina tuueseeseina le aiga e le matautia o le au faatupu faalavelave. Na maua e Ema le malutaga faatasi ma isi Au Paia i Ilinoi ao falepuipui Iosefa i Misuri. I le amataga o le 1839, na toe faatasia ai Iosefa ma le aiga ina ua mavae le faatagaina e sola ese mai nisi toe faafalepuipuiina.

I Ilinoi, na faatasi atu ai le aiga i le atiina ae o le aai o Navu, ma o Iosefa ma Ema foi na taitaia vaega faalenuu ma faalelotu mo nai isi tausaga. Ao i ai i Navu, na faatinoina e Iosefa le autaunonofo e pei ona faatonuina ai o ia e se faaaliga. Na ia faaipoipo i le tele o isi fafine, e ui e leai se faamaoniga tonu na i ai ni fanau a Iosefa i ona toalua e toatele.3 O le autaunonofo i Navu na faatinoina faalilolilo, ma e lei faalauiloaina pe na nonofo i se tulaga lautele ma nisi o ona toalua e toatele. O le mea lea, o fanau a Samita, e lei vaai lava i le faatinoina o autaunonofo. E faapitoa lava, o Iosefa lll, Alesana, ma Tavita na talitonu o le aoaoga faavae e lei amata mai i lo latou tama.4

I le maliu o Iosefa i le 1844, na vaaia e Ema meatotino a Iosefa, lea na aofia ai ni nai mea taua e pele. O uluai tusitusiga na maua mai le faaliliuga a Iosefa Samita o le Tusi Paia (e aofia ai le tusi a Mose i le Penina Tautele) ma tusi taai faaAikupito e fesootai i le tusi a Aperaamo na i ai uma lava i le vaaiga a Ema. Na nofo pea Ema i Navu faatasi ma le fanau ina ua malaga atu tagata o le Ekalesia i le Vanu Tele. O lona toalua lona lua, o Lewis Bidamon, na faasaoina le uluai tusitusiga o le Tusi a Mamona mai i le mea na tanu ai i se maatulimanu o le Maota o Navu. A o faaauau e le aiga o Samita le taitaiga i le Ekalesia Toefaatulagaina a Iesu Keriso o le Au Paia o Aso e Gata Ai, le Ekalesia Toefaatulagaina (na mulimuli ane taua o le Nuu o Keriso) na faasaoina le tele o nei mea taua e oo mai i le taimi nei. Na lagolagoina e le aiga o Samita le galuega ma le faaaliga a Iosefa ma na tuua e le gata o se talatuu tumau mo lo latou tupuaga ae faapea foi o se molimau taua tele o le uluai aafiaga o le Au Paia o Aso e Gata Ai.

Iosefa Samita le Itiiti .(1805–44)

(Tagai “Joseph Smith and His Papers: An Introduction,” josephsmithpapers.org.)

Emma Hale Smith Bidamon (1804–1879)

(Tagai “Emma Hale Smith,” Church History Topics.)

Atalii e Lei Faaigoaina (1828)

Na fanauina e Ema se atalii ia Iuni 15, 1828. ae na maliu le tamaitiiti i le aso lava lena. O se tuugamau i le fanua o le aiga o Hale i Haramoni, Penisilevania, e faitauina “E Manatua ai Se Atalii Pepe o Iosefa ma Ema Samita ia Iuni 15 1828.“ I se Tusi Paia a le aiga, na tusia ai e se tausoga le igoa o “Alavine“ e faailoa ai lenei tamaitiiti, ae na faamaonia mulimuli ane e Ema e lei faaigoaina lava le tamaitiiti.5

Masaga e Lei Faaigoaina (1831)

I le 1831, na fanauina ai e Ema se masaga, o se teine ma se tama, ae na maliliu uma tamaiti i le taimi na fananau ai. O le aso na sosoo ai, na fanauina ai foi e se uo o Iulia Clapp Murdock se masaga, ae na maliu o ia i le ono itula talu ona fanau. O le toalua o Iulia, o John Murdock, i le tuua ai o se tasi ua maliu le ava ma se fanau e toalima e tausia, na tuuina atu le masaga ia Ema ma Iosefa mo le vaetamaina. E foliga mai e lei faaigoaina lava e Ema lana masaga na maliliu. Ina ua fesiligia e lona tina-faaletulafono, o Lusi Maka Samita, faamatalaga mo se talafaasolopito o le aiga, e lei taua e Ema lana tama muamua ma le masaga. I se faatalanoaga ma lana tama matua o Iosefa Samita lll, na faamatalaina e Ema faapea o nei tamaiti e toatolu e lei lava le taimi na feola ai e faaigoaina ai. E ui na faailoaina e se Tusi Paia a le aiga le masaga o “Luisa” and “Thadeus,” o nei igoa na faamaumauina e se tausoga mulimuli ane e aunoa ma se fesootaiga i la latou punaoa.6

Iosefa Murdock Samita (1831-1832)

Na vaetamaina e Iosefa ma Ema ia Iosefa Murdock Samita ma lona tuafafine masaga, o Iulia, mai le la uo o John Murdock i le taimi lava na maliu ai le tina o pepe. Na maua le pepe o Iosefa i le misela i le amataga o le 1832, ma ao tausia o ia i se tamai moega, na sau se osofaiga e tagata leaga, na tosoina lona tama vaetamaina o Iosefa mai le potumoe i le po malulu ma fasia o ia seia matapogia. E itiiti ifo ma se tausaga le matua, na maliu Iosefa Murdock Samita i ni nai aso mulimuli ane. Na tuuaia e Iosefa Samita le maliu o lona atalii vaetamaina i le taiaina e le malulu o le po, lea na fetauia ma le malamalama faafomai o lena taimi.7

Iulia Murdock Samita Dixon Middleton (1831-1880)

Ina ua tuuina atu e le tama moni o Iulia, o John Murdock, o ia ma lona tuagane masaga mo le vaetamaina, na talosagaina e Ema Samita Murdock e aua le tauina i tamaiti lo la vaetamaina ina ia la maua se lagona atoatoa o i laua moni lava o le aiga o Samita. E ui i lea, na iloa e Iulia le mea moni i le lima o tausaga, mai se tuaoi “leaga”. Na ia faaipoipo atu ia Elisha Dixon i se taimi ae lei oo i le 1850, ma ina ua maliu o ia i le 1853 sa siitia atu loa Iulia i Navu. Na liliu atu Iulia i le Katoliko i le tolu tausaga mulimuli ane ina ua faaipoipo i se Katoliko, o John Middleton. E lei maua lava sana fanau ma na nofo latalata i Navu ina ua maliu i le 1880.8

ata pue o le atatosi o Iulia Murdock Samita

Ata pue o Iulia Murdock Samita Dixon Middleton.

Faaaloaloga o le Community of Christ Archives

Iosefa Samita lll (1832-1914)

Na fanau Iosefa Samita lll ia Novema 6, 1832, i le faatoa taunuu atu o lona tama, o Iosefa Samita le Itiiti, i Katelani mai se asiasiaga i le Aai o Niu Ioka ma Boston. I le ono tausaga mulimuli ane, na molimau ai e “Iosefa Laitiiti” le avea faafalepuipui o lona tama i Misuri, i le taimi lea na faamalosia ai o ia mai lona tama e se leoleo, ma faafefe o ia e “tui o [ia]” i se pelu.9 Ao tamaitiiti, na ia asiasi atu ai ma lona tina i le Falepuipui o Liperate ma nonofo ai iina mo se po faatasi ma lona tama ma isi pagota. Na nofo i lona olaga tama i Navu ma na papatisoina e lona tama ia Novema 1843.

ata pue o Iosefa Samita lll

Uluai ata o Iosefa Samita lll.

I le sefulu tausaga ina ua mavae le maliu o lona tama i le 1844, na tumau pea le le auai o Iosefa lll i nai isi lotu na finauina le tuuina atu o le pule mai le Perofeta o Iosefa Samita. I le taimi a o soifua Iosefa Samita le Itiiti. na ia, tuuina atu ia Iosefa lll ni nai faamanuiaga, o se tasi o na faamanuiaga na mulimuli ane finauina faapea e aofia ai le folafolaga o le pulefaamalumalu i le Ekalesia.10 I le 1856, na oo atu ai ni alii se toalua e suitulaga i se taumafaiga e Toefaatulaga le lotu ia te ia ma se faaaliga tusia. Na taua mai e le pepa e faapea o Iosefa Samita lll e suitulaga i lona tama e ala i le gafa, ae sa teena e Iosefa le valaaulia e taitai se lotu toefaatulagaina. O faamanuiaga a lona tama ma se aafiaga faaleagaga na iu ina faamalosia o ia e auai i le taumafaiga e Toefaatulaga le lotu ma pulefaamalumalu i le Ekalesia Toefaatulagaina a Iesu Keriso o le Au Paia o Aso e Gata Ai (lea ua taua nei o le Nuu o Keriso).11

Mo le isi 54 tausaga, na taitaia ai e Iosefa lll le Ekalesia Toefaatulagaina o se peresitene-perofeta ma fausia ni aulotu o uluai Au Paia e lei malaga atu i Sisifo. I le iloaina mo lona amiosao ma le malamalama i mea tau polokiki, na ia saili ai e faataunuu le faaaliga faalelotu a lona tama ma atiina ae se faalapotopotoga o se lotu e tumau, le lona lua le tele o i latou o e faapea o Iosefa Samita le faavae autu. A o ia faatumauina se sootaga lelei ma ona tausoga ma le Peresitene o le Ekalesia i Iuta, o Iosefa F. Samita, na teena e Iosefa lll faapea na faatinoina e lona tama le autaunonofo ma na le ioeina gaoioiga a faifeautalai ma le finauina o tulaga faatalafaasolopito.12 Na ia aumaia ona uso o Alesana ma Tavita i ni tulaga sinia faataitai ma faamautinoa le ala o lona atalii e sosoo ma ia o se peresitene o le ekalesia.13 Na ia faaipoipo faatolu ma na faalua ona maliliu ona faletua, muamua ia Emeline Griswold i le 1856, ona sosoo lea ma Peta Madison i le 1869, ae mulimuli ia Ata Rachel Clark i le 1898. O Iosefa lll o se tama o se fanau e 17 . Na ia maliu i se mai oso o le fatu i le 1914.14

Feterika Granger Williams Samita (1836-1862)

E itiiti se faamatalaga o maua i le tama lona lima a Ema lava ia, o Feterika Granger Williams Samita, na fanau ia Iuni 20, 1836, i Katelani ma na faaigoaina ia Feterika G. Williams, se tasi o fesoasoani o Iosefa Samita. Sa nofo Feterika i Navu i le tele o lona olaga o se faifaatoaga ma se faipisinisi, na faaipoipo atu ia Ana Marie Jones i le 1857, ma na maliu (atonu i le fatafatavaivai) i le 1862.15

ata pue o le ata tosi o Feterika Granger Williams Samita

Ata pue o Feterika Granger Williams Samita.

Faaaloaloga o le Community of Christ Archives

Alesana Hale Samita (1838-1909)

Na faaigoaina i le uo ma o se loia e talitonuina e le Au Paia o Alesana Doniphan, na fanau Alesana Hale Samita i le taimi o le faateteleina o sauaga i Misuri. Na siiina e Ema Alesana e valu-masina-le matua e kolosi le Vaitafe aisa o le Misisipi i le 1839 e sosola mai le “poloaiga [amioleaga] e faaumatia Mamona” a le kovana Misuri o Lilburn W. Bogg Na ola ae le tama i le naunau i le talitonuga i le Tusi a Mamona ma i le galuega faaperofeta a lona tama. A o tagata matua, na mulimuli Alesana i lona uso matua o Iosefa lll i le taumafaiga e Toefaatulaga le lotu ma na auauna atu i ni tofiga maualuluga i le Ekalesia Toefaatulagaina.16

ata pue o le ata tosi o Alesana Hale Samita

Ata pue o Alesana Hale Samita.

Na faaipoipo atu Alesana ia Elisapeta Akenese Kendall i le 1861, lea na ia maua ai se fanau e toaiva. E lei pine talu ona fanau mai le la tama muamua, o Feterika Alesana, ae maliu Feterika Granger Williams Samita le uso matua o Alesana, lea na faapopoleina ai Alesana i le taunuuga e faavavau o lona uso. Na lipotia mai, lona aafiaga muamua na mulimuli mai, o se musumusuga a le Agaga Paia lena na faafilemuina ai lona agaga. Na ia lagonaina le mautinoa faapea “o le tulaga o Feterika o loo lelei.”17

Na auauna atu Alesana i ni misiona se tele mo le Ekalesia Toefaatulagaina, ma na asiasi atu i Iuta i nisi taimi ma feiloai ma tausoga i le Ekalesia a Iesu Keriso o le Au Paia o Aso e Gata Ai. E ui i nisi o finauga malolosi i ni eseesega faalelotu i nisi taimi, na ia faatumauina se va lelei agai i ona tausoga i fafo o le taumafaiga Toefaatulagaina. Na ia auauna atu o se fesoasoani i lona uso, o Iosefa lll, i le AAGT i le Au Peresitene Sili ma na faauuina o se peresitene o le AAGT i le Korama a leToasefululua i le 1890. Na maliu o ia i le 1909 i Navu ao auauna atu o se peteriaka.18

Tona Kalo Samita (1840-1841)

Na fanau Tona Kalo Samita ia Iuni 13, 1840, i Navu ma na ola mo na o le 14 masina, na maliu i le malaria i le mavae ai o ni aso o le uso o lona tama lea na igoa ai, o Tona Kalo Samita, le uso laitiiti o Iosefa Samita. O Alesana Samita, o se isi atalii o Iosefa ma Ema Samita, na lipotia mai e faapea ae toeitiiti lava maliu lo latou tina o Ema i le 1879, na vaai ai Ema i se faaaliga lea na taitaiina atu ai o ia e Iosefa Samita i se maota i le lagi i se fale pepe lea na ia opoina mai ai Tona Kalo laitiiti. Ina ua ia fesili ia Iosefa e uiga i isi o le la fanau ua maliliu, na folafola atu e Iosefa o le a ia, pe a mavae le olaga faaletino, tausia uma lana fanau o e e lei feola ia matutua.19

Atalii e Lei Faaigoaina (1842)

Na lipotia mai na fanauina e Ema se atalii ia Fepuari 6, 1842, i Navu, ma na tanumia le tamaitiiti i le aso lava lena.20

Tavita Ailama Samita (1844-1904)

Na maitaga Ema ia Tavita Ailama Samita ina ua maliu Iosefa i le 1844. E iloaina o ia mo ana tauloto, pese, ma le tusiata, na mulimuli ane auauna atu Tavita i le tele o misiona mo le Ekalesia Toefaatulagaina, o nisi o na misiona na auina atu ai o ia i Iuta, lea na ia asiasi atu ai i aiga ma isi Au Paia o Aso e Gata Ai. I le popole ai e uiga i tala i autaunonofo a lona tama, na finau ai Tavita ma lona tausoga o Iosefa F. Samita ma na faatalanoaina ni fafine o e na tau maia na faamauina ia Iosefa Samita. O nei misiona na amata ai le aoina mai o ni punaoa taua i le faia o toalua e toatele i Navu.21

ata pue o e ata tosi o Tavita Ailama Samita

Ata pue o Tavita Ailama Samita.

Faaaloaloga o le Community of Christ Archives

E lei umi ona foi mai se misiona i Iuta, ae faaletonu le mafaufau o Tavita, ma na tuuina atu ai loa o ia e lona uso o Iosefa lll i se fale mo gasegase o le mafaufau i Elgin, Ilinoi, i le 1877. Na tusi atu Iosefa lll i se uo lelei a Tavita, “I le mavae ai o ni mafaufauga i se taimi umi, tatalo ma i le faavauvau, na ou aveina atu ai loa Tavita i le Falemai i Elgin mo togafitiga.” . . Ua ou matuai faanoanoa ai lava, ae ua faia lava le mea sili e pei ona ou manatu ai nei.”22 O tagata faigaluega i le falemai o mafaufau i Elgin na matauina le faavauvau o Tavita, le manao e tuua na o ia, le fiafia i le pisa, le manatuaina ni mea faavaitaimi, ma le talitonuga o isi ua umia se pule e le mailoa i ona luga. Atonu na aafia o ia mai tulaga i aso nei e fesootai i le leaga o le mafaufau ma le galogalo o mea. Na faamoemoe uo ma aiga o le a faasolo ina lelei le soifua maloloina o Tavita, ae na lipotia mai e tagata faigaluega o le falemai o mafaufau le leai o se suiga taua i ona uiga i le 27 tausaga na ia nofo ai iina. Na aafia Tavita mai le mai suka i masina mulimuli o lona olaga, ma ae toe tolu masina oo i lona aso fanau lona 60 , ae maliu o ia i le faaletonu o fatugao.

Autu e Fesootai: Joseph Smith Jr., Emma Hale Smith

Faamatalaga

  1. E ui ina faaaluina e Tavita tausaga mulimuli e 27 o lona olaga i se falemai o mafaufau i lalo o le vaavaaiga i le taimi atoa, e lei logoina e tagata faigaluega se isi o lona aiga e uiga i lona soifua maloloina ua faiifo i masina ae lei maliu o ia, o lea na avea ai le tala i lona maliu o se mea e lei mafaufauina ma faafuasei.

  2. Joseph Smith, “Letter to Emma Smith, 4 April 1839,” 2, josephsmithpapers.org, spelling standardized; Joseph Smith, “Letter to Emma Smith, 21 March 1839,” josephsmithpapers.org.

  3. O suesuega i tulaga na fanau mai ma ia na aveesea ai manatu faapea e fesootai lona mai i autaunonofo a Iosefa. Tagai Ugo A. Perego, Natalie M. Myres, and Scott R. Woodward, “Reconstructing the Y-Chromosome of Joseph Smith: Genealogical Applications,” Journal of Mormon History, vol. 31, no. 3 (2005), 42–60; Ugo A. Perego, “Was Joseph Smith the Biological Father of Josephine Lyon? The Genetic Evidence,” presentation, Mormon History Association, Snowbird, Utah, 2016; Brian C. Hales and Laura Harris Hales, “Allegations of Joseph’s Paternity,” josephsmithspolygamy.org.

  4. “Plural Marriages in Kirtland and Nauvoo,” Gospel Topics, topics.lds.org; Roger D. Launius, Joseph Smith III: Pragmatic Prophet (Urbana: University of Illinois Press, 1988), 250.

  5. George Anderson, “Gravestone of Joseph and Emma Smith’s Son,” photograph, 1907, history.lds.org; Joseph Smith, “History, 1834–1836,” 9, josephsmithpapers.org; Lucy Mack Smith, “Lucy Mack Smith, History, 1844–1845,” book 7, page 1, josephsmithpapers.org; Joseph Smith III, “Last Testimony of Sister Emma,” Saints’ Herald, vol. 26, no. 19 (Oke. 1, 1879), 289.

  6. “Joseph Murdock Smith,” josephsmithpapers.org; “Julia M. Smith Middleton,” josephsmithpapers.org; Joseph Smith III, “Last Testimony of Sister Emma,” 289.

  7. O se ituaiga malosi lava o le misela e foliga mai na saofaga i le maliu ai o le tamitiiti. “Joseph Murdock Smith,” josephsmithpapers.org; tagai foi Mark Lyman Staker, Hearken, O Ye People: The Historical Setting for Joseph Smith’s Ohio Revelations (Salt Lake City: Greg Kofford Books, 2009), 354.

  8. I le 1859, i le latalata ai i lona maliu, na faamatala ai e John Murdock ia Iulia i se tusi pe aisea na te lei taua ai ia te ia e faapea o ia o lona tama ao laitiiti o ia: “Na talosaga mai Tuafafine Samita ia te au e aua ou te faailoa atu au lava i tamaiti o au o lo la tama. O se talosaga faigata ma na itiiti lava se mea na ou tautala ai i le mataupu. Na manao o ia ia tausia tamaiti o lana lava fanau ma ia aua nei iloa e i laua se isi lava mea e faafeagai“ (S. Reed Murdock, Joseph and Emma’s Julia: The “Other” Twin [Salt Lake City: Eborn Books, 2004], 120). Tagai foi Sunny Jane McClellan, “‘Gone But Not Forgotten’: The Life of Julia Murdock Smith” (master’s thesis, Brigham Young University, 1995).

  9. Dec. 30, 1842, i le Joseph Smith, Journal, December 1842–June 1844; Book 1, 21 December 1842–10 March 1843, 15, josephsmithpapers.org.

  10. Alexander L. Baugh, “Was Joseph F. Smith Blessed by His Father Hyrum Smith in Liberty Jail?” Mormon Historical Studies, vol. 4, no. 1 (Spring 2003), 104, 105 (footnote 7); In the Circuit Court of the United States, Western District of Missouri, Western Division, at Kansas City: Complainant’s Abstract of Pleading and Evidence (Lamoni, Iowa: Herald Publishing House, 1893), 40–41, 79. O nei faamanuiaga e le tatau ona fenumiai ma le faamanuiaga na saini pepelo ia Ianuari 7, 1844, e Iosefa Samita ia Iosefa Samita lll, o se pepa na fatuina e Mark Hofmann i le 1981 ma na faamaonia e pepelo. Ae lei iloaina le saini pepelo, na taua e Peresitene Gordon B. Hinckley lona tulaga o se faamanuiaga a se tama, e le o se faamaumauga o se faauuga.

    I le faamatalaina o faamanuiaga a lona tama, na tuueseese ai e Iosefa lll le va o le vaetofia o ia e lona tama ma le faauuina o ia. E lei talitonu lava Iosefa lll faapea na faauuina o ia e lona tama o se Peresitene o le Ekalesia. E ui i lea, na ia talitonu o faamanuiaga na valaaulia o ia i le taitaiga ma o se konafesi mulimuli ane na faataunuu ai lona faauuga i le tofi o le perisitua (tagai Circuit Court of the United States, 40–41, 79; Gordon B. Hinckley, “The Joseph Smith III Document and the Keys of the Kingdom,” Ensign, May 1981, 20–22; Richard E. Turley Jr., Victims: The LDS Church and the Mark Hofmann Case (Urbana: University of Illinois Press, 1992), 40–57; Dallin H. Oaks, “Recent Events Involving Church History and Forged Documents,” Ensign, October 1987, 63–69.

  11. Launius, Joseph Smith III, 101–12.

  12. Launius, Joseph Smith III, 218–72.

  13. Launius, Joseph Smith III, 346–50.

  14. “Joseph Smith III,” josephsmithpapers.org.

  15. “Frederick Granger Williams Smith,” josephsmithpapers.org.

  16. Ronald E. Romig, “Alexander H. Smith: Remembering a Son of Joseph and Emma Smith,” Journal of Mormon History, vol. 37, no. 2 (Spring 2011), 3–14.

  17. Romig, “Alexander H. Smith,” 11.

  18. Romig, “Alexander H. Smith,” 16–57; “Alexander Hale Smith,” josephsmithpapers.org.

  19. Alexander H. Smith, “Second Coming of Christ: The Home of the Redeemed” (sermon, Bottineau, North Dakota, July 1, 1903), Zion’s Ensign, vol. 14 (Dec. 31, 1903), quoted in Romig, “Alexander H. Smith,” 31.

  20. E toalua ni tagata o aiga na tusia i totonu o ni vaiaso talu le fanau mai na taua le atalii pepe o Ema ma lona tanumia, o le leoleo fanua tanu o Navu lea e tausia faamaumauga o le fanua tanu na tusia le tanumia o le tamaitiiti, ma o se Tusi Paia a le aiga o loo lisiina ai le tamaitiiti ma lona aso maliu. Na manatua foi e se uo a le aiga ni tausaga mulimuli ane ma le ala na tausia ai e Ema se tamaitiiti a se tuaoi i le 1842 atoa lava o se vaega o le faamamaina o lona faavauvau i le maliu ai o lenei tamaitiiti (tagai Almira Mack Covey letter to Harriet Mack Whittemore, Feb. 24, 1842, Harriet Mack Whittemore Correspondence, Church History Library, Salt Lake City; Jacob Scott letter to Mary Scott Warnock, Mar. 24, 1832, Jacob Scott Letters to Mary Warnock, Church History Library, Salt Lake City; Fred E. Woods, “The Cemetery Record of William D. Huntington, Nauvoo Sexton,” Mormon Historical Studies, vol. 3, no. 1 (Spring 2002), 131–63; Margarette McIntire Burgess, quoted in “Recollections of the Prophet Joseph Smith,” Juvenile Instructor, vol. 27, no. 2 (Jan. 15, 1892), 67.

  21. “Tavita Ailama Samita,” josephsmithpapers.org.

  22. Iosefa Samita III letter to Charles J. Jensen, Jan. 22, 1877, quoted in Valeen Tippetts Avery, From Mission to Madness: Last Son of the Mormon Prophet (Urbana: University of Illinois Press, 1998), 245.