Talafaasolopito o le Ekalesia
Sieni Elizabeth Manning James

“Sieni Elizabeth Manning James,” O Autu o le Talafaasolopito o le Ekalesia

“Sieni Elizabeth Manning James”

Sieni Elizabeth Manning James

O Sieni Elizabeth Manning (i le va o le 1822-1908) o se tasi o tamaiti e le itiiti ifo ma le lima na fananau mai i se ulugalii Aferika Amerika i Konetikata i se taimi na avea ai tagata uli i le Iunaite Setete ma pologa.1 A o avea ma talavou matua, na ia auai i le Ekalesia o le Faalapotopotoga a Kanana Fou i le 1841, ae i le 18 masina mulimuli ane, i le taumalulu o le 1842-43, na papatiso o ia ma ni nai tagata o le aiga i Le Ekalesia a Iesu Keriso o le Au Paia o Aso e Gata Ai. Na vave lava ona mananao Jane ma isi o lona aiga e faatasi atu i le Au Paia i Navu, o lea na latou malaga ai mai Konetikata i Niu Ioka, ma fuafua e malaga atu i vaasitima ma vaa o le kanala. E ui i lea, na teena i latou mai ala o vaa ona o lo latou lanu, o lea na latou savavali ai i le 800 maila o totoe. I Peoria, Ilinoi, na fesiligia ai e taitai o le lotoifale le au Manning faapea o ni pologa sosola ma fesiligia ni pepa faigaluega e faamaonia ai lo latou tulaga saoloto. O le faailoga lanu o se maatui o le a feagai ma Sieni mo aso o totoe o lona olaga.

atapue o le atatosi o Sieni Manning James

Atatosi o Sieni Manning James

Faaaloaloga a le Church History Library and Archives

O le taimi na taunuu ai i Navu, na vave lava ona atiina ae e Sieni se faigauo ma Iosefa ma Ema Samita. Na ia nofo faatasi ma i laua ma faigaluega i le latou fale. I se tasi taimi, na valaaulia ai e Ema Sieni ina ia vaetamaina o se tamaitiiti i le aiga o le au Samita e ala i le faamauga faaleperisitua.2 Na musu Sieni, i le le malamalama i le faatinoga fou, e le masani ai, ae na ia talitonu maumaututu i le matafaioi a Iosefa faaperofeta. “Na ou iloaina le perofeta o Iosefa Samita,” na ia molimau ai mulimuli ane. “O ia o se alii sili ona lelei na ou vaai i ai i le lalolagi. … Na ou mautinoa o ia o se perofeta aua na ou iloaina lava.3

E ala atu i talanoaga ma Iosefa ma lona tina, o Lusi Maki Samita, na aoao atili atu Sieni e uiga i le Tusi a Mamona ma lona faaliliuga ma maua ai se malamalama ma se faaaloalo mo sauniga o le malumalu.

Na faaipoipo Sieni ia Isaako James, o se tagata uli saoloto liliu mai mai Niu Tiesi. O i latou, faatasi ma le tama tama a Sieni o Silevesa, na tuua Navu i le 1846 e agai atu i sisifo ma le Au Paia. Ia Iuni o lena lava tausaga, na fanauina ai e Sieni ma Isaako se atalii. O le isi tausaga na sosoo ai na kolosi ai e le aiga fanua laugatasi, ma taunuu i le Vanu o Sate Leki i le tautoulu o, 1847. Na maua e Isaako ma Sieni nisi tamaiti se toaono, ae na o le toalua na feola pea ao soifua Sieni. E pei o isi uluai tagata na nofoia le Vanu o Sate Leki, na galulue malosi Sieni ma Isaako e tausi lo latou aiga. Na galue Isaako o se leipa ma se avetaavale solofanua i isi taimi mo Polika Iaga, ao Sieni na lalagaina ie, sui ofu, ma faia tagamea, e pei ona ia faia i Navu.

O faigata faalefaaipoipoga na iu ai ina tetea Isaako ma Sieni i le 1870. Na mulimuli ane faaipoipo mo se taimi Sieni mo le lua tausaga i se tasi sa pologa, o Farani Perkins, ae na vave lava ona faaauau le olaga o se matua toatasi ma se tinamatua. O manaoga faaletupe ma le feoti ai o tamaiti e toatolu na toe foi ai Sieni e faigaluega. Na ia faia ma faatau ni fasimoli, ao faafaigaluega lana fanau tama e toalua o ni leipa. I le 1890, i le mavae ai o le 20 tausaga o malaga ese, na toe foi mai Isaako i le Aai o Sate Leki, ma toe faafou lona auai i le Ekalesia, ma maua se sootaga mafana ma Sieni. Ina ua ia maliu i le tasi le tausaga mulimuli ane, na faia le sauniga o le maliu i lona [Sieni] fale.

I le tele o faigata o lona olaga, na tumau pea le tuuto o Sieni i lona faatuatua i aoaoga o le talalelei ma na faatauaina lona auai i le Ekalesia. Na ia foai atu i le fausiaina o le malumalu ma auai i le Aualofa ma le Sosaiete o le Young Ladies’ Retrenchment.4 Na maoae le aafiaga o Sieni i meaalofa o le Agaga, e aofia ai faaaliga vaaia, miti, faamalologa i le faatuatua, ma le tautala i gagana. Na ia tusia mulimuli ane i lona olaga, “O lo’u faatuatua i le talalelei a Iesu Keriso, e tutusa lava le malosi i le asō, leai, atonu, ua malosi atu nai lo le aso na ou muai papatiso ai.”5

I le va o le 1844 ma le 1904, na faafesootai ai mai i lea taimi i lea taimi e Sieni taitai o le Ekalesia—Ioane Teila, Uilifoti Uitilafi, Zina D. H. Young, ma Iosefa F. Samita— ma sailia le faatagaga e maua ai lona pepa faataga o le malumalu ma ia faamauina6 I le taimi lea, e lei faatagaina alii ma tamaitai uli o le Au Paia o Aso e Gata Ai ia auai i le tele o sauniga o le malumalu. I le 1888, na faamaonia ai e le peresitene o le siteki o Angus M. Cannon ia Sieni ia faia papatisoga mo ona aiga ua maliliu.7 Na iu lava ina faatagaina e taitai o le Ekalesia o ia ia faamauina i le avea ma sui i le aiga o Iosefa Samita o se auauna i le 1894, o se tulaga faapitoa tele. E ui lava na te lei mauaina le faaeega o le malumalu po o faamauga o le aiga i lona soifuaga, o nei sauniga na faia mo ia i le 1979.8

Na maliu o ia i le aso 16 o Aperila, 1908, i le 95 o tausaga, o se Au Paia o Aso e Gata Ai na faamaoni i taimi uma. Na lipotia mai e le Deseret News, “E toalaiti tagata na sili atu ona iloaina mo le faatuatua ma le faamaoni nai lo Sieni Manning James, ma e ui i le lalolagi faatauvaa na faitaulia ana uo ma e masani ai i le tai selau.”9

Faamatalaga

  1. Na pologa le tina o Sieni ae na faasaoloto e ala i le tulafono a Konetikata mulimuli e faasaoloto ai. Na fanau mai o ia ua saoloto, ae na faatulafonoina pologa i le setete seia mavae le tuua ai e Sieni. I le olaga lautele o Sieni, tagai Henry J. Wolfinger, “A Test of Faith: Jane Elizabeth Manning James and the Origins of the Utah Black Community,” i le Clark Knowlton, ed., Social Accommodation in Utah (Salt Lake City: University of Utah, 1975), 126–75 and Quincy D. Newell, “The Autobiography and Interview of Jane Elizabeth Manning James,” Journal of Africana Religions, vol. 1, no. 2 (2013), 251–91.

  2. Zina D. H. Young letter to Joseph F. Smith, Jan. 15, 1894, Church History Library, Salt Lake City.

  3. “‘Aunt’ Jane James,” i le “Joseph Smith, the Prophet,” Young Woman’s Journal, vol. 16, no. 12 (Tes. 1905), 551, 553.

  4. Eighth Ward Relief Society Minutes and Records, 1867–1969, Eighth Ward, Liberty Stake, Aug. 20, 1874; Oct. 20, 1874; Dec. 21, 1874; Jan. 20, 1875; Mar. 22, 1875; May 20, 1875; Nov. 20, 1875, vol. 1, Church History Library, Salt Lake City [Na faaaoga e Sieni le faaiu Perkins mo se taimi puupuu]; “Ladies Semi-monthly Meeting,” Woman’s Exponent, vol. 22, no. 9 (Tes. 1, 1893), 66. Na foai atu e Sieni tupe i le fausiaina o Malumalu o St. George, Logan, ma Manti, ma na saofaga i le Misiona a sa Lamana (Initia). Tagai Linda King Newell and Valeen Tippetts Avery, “Jane Manning James,” Ensign, Aug. 1979, 29.

  5. Jane Elizabeth Manning James autobiography, circa 1902, dictated to Elizabeth J. D. Roundy, Church History Library, Salt Lake City, 22.

  6. Jane E. James letter to John Taylor, Dec. 27, 1884; Jane E. James letter to Joseph F. Smith, Feb. 7, 1890; Jane E. James letter to Joseph F. Smith, Aug. 31, 1903.

  7. Angus M. Cannon letter to Jane E. James, June 16, 1888; tagai foi Tonya Reiter, “Black Saviors on Mount Zion: Proxy Baptisms and Latter-day Saints of African Descent,” Journal of Mormon History, vol. 43, no. 4 (Oke. 2017), 100–123.

  8. Jane Elizabeth Manning James autobiography, circa 1902. Jane dictated her autobiography in Salt Lake City sometime between 1902 and 1908; Ronald G. Coleman and Darius A. Gray, “Two Perspectives: The Religious Hopes of ‘Worthy’ African American Latter-day Saints before the 1978 Revelation,” i le Newell G. Bringhurst and Darron T. Smith, eds., Black and Mormon (Urbana: University of Illinois Press, 2004), 54. Quincy D. Newell, “The Autobiography and Interview of Jane Manning James,” Journal of Africana Religions, vol. 1, no. 2 (2013), 256, 275 (note 34).

  9. “Death of Jane Manning James,” Deseret News, Apr. 16, 1908.