Ida Hunt Udall

Na soifua mai Ida Hunt i le aso 8 o Mati, 1858, i totonu o se taavale solofanua e fai le fale i le ogatotonu o se afa aisa malosi, i talaane o le Aai o Cedar, Iuta.¹ O ona matua, o Ioane ma Lois Hunt, na tausia Ida i Beaver, Iuta, e latalata i lona tinamatua o Luisa Barnes Pratt. I ona tausaga talavou na siitia atu ai Ida ma lona aiga i Niu Mekisiko ma mulimuli ane i Arisona i sasae. Sa avea o ia o se tamaitai pese talenia ma sa masani ona faigaluega o se tausitusi po o se faiaoga. Na auauna o ia o le peresitene muamua o le Sosaiete o le Faaleleia Faatasi o Tamaitai Talavou i le Siteki o Snowflake ma i le 1882 na ia aoaoina ai tamaitai talavou ia saili i faaaliga faalelagi. “O le a manaomia ona tatou galulue mo lo tatou lava faaolataga,” na ia saunoa ai, “ae aua le faalagolago i se isi lava ae na o le Alii.”²

I le aso 26 o Me, 1882—i le nao le lua masina talu ona uma le folafolaina o le faaupuga o le Tulafono a Etimani [Edmunds Law], e faapea o autaunonofo o se solitulafono—sa faamau ai Ida ia Tavita K. Udall e avea ma ana avā lona lua.³ Sa tiga o ia i le faaiuga, i le iloaina o le faaipoipoga o le a latou nonofo faatasi ai ma Tavita faapea ma lana avā muamua o Ela, o lē sa latou o atu faatasi i le malaga e o atu i le malumalu i St. George, Iuta. O taumafaiga a le malo o le Iunaite Setete e faasaga i autaunonofo na faamalosia ai Ida e faaalu se taimi tele o lona olaga faaipoipo, mai le 1883 i le 1892, e nofo ese ai mai lana tane. Sa tele ina siitia soo Ida e aloese ai mai tagata, ma sa tigaina o ia i le leaga o lona soifua maloloina. Sa ia lagona le tuua toatasi, fefe i sauaga, ma popole i lo la va ma Ela, ona o nisi o taimi e ita ai le tasi i le isi. Ae peitai, i le aluga o aso na laua atinaeina ai se mafutaga mafana.⁴ Sa tusia e Ida e uiga i lona aafiaga e uiga i faaipoipooga autaunonofo, “I le taumafai ai e usitai i poloaiga a le Atua, faatasi ai ma se faamoemoega mamā, sa ia te au mea uma e ala ai ona [ou] ola.” “Po o lea lava le tugā o le tofotofoga, o se fiafiaga le ui atu ai, i se faamoemoega mamana.”⁵

Sa feagai le au Udall ma le mativa tele i Arisona, ma o Tavita, o lē sa auauna atu o se peresitene o le Siteki a St. John, sa tele ina alu ese atu i pisinisi faaleEkalesia ma le faalenuu. E toaono le fanau a Ida, lea sa fesoasoani o ia e tausi e ala i le faifaatoaga, vaaia o se faleoloa faasosaiete, tausiga o se aiga i mea e gaosi i le fale, ma le ola faasoasoa tatau.⁶ I le 1908, ina ua 50 ona tausga, sa pagatia ai Ida i le pe o le tino (o lana faatolu lea) lea na pe ai le itu tauagavale o lona tino. O lana tama teine, o Pauline Udall Samita, ma lona atalii faaletulafono o Asaeli Samita, sa tausia o ia mo le isi fitu tausaga na sosoo ai seia oo ina maliu o ia i le aso 26 o Aperila, 1915.⁷

Punaoa o le Ekalesia

Leonard J. Arrington, “Latter-day Saint Women on the Arizona Frontier,” New Era, Apr. 1974, 42–50.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina atu po o le faafesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

“Ida Hunt Udall,” i le Roberta Flake Clayton, Catherine H. Ellis, and David F. Boone, eds., Pioneer Women of Arizona, 2nd ed. (Provo, Utah: BYU Religious Studies Center, 2017), 741–47.

Autu Fesootai: Antipolygamy Legislation, Louisa Barnes Pratt

Faamatalaga

1. Louisa Barnes Pratt, memoirs, 1858–1859, i le S. George Ellsworth, ed., The History of Louisa Barnes Pratt: Being the Autobiography of a Mormon Missionary Widow and Pioneer (Logan: Utah State University Press, 1998), 268.

2. Snowflake Arizona Stake Young Women’s Mutual Improvement Association minutes and records, volume 1, December 30, 1882, 7, Church History Library, Salt Lake City. Tagai foi Autu: Faalapotopotoga a Tamaitai Talavou.

3. Maria S. Ellsworth, ed., Mormon Odyssey: The Story of Ida Hunt Udall, Plural Wife (Urbana: University of Illinois Press, 1992), 3–18; Eastern Arizona Stake, Manuscript History and Historical Reports, Church History Library, Salt Lake City; Snowflake Arizona Stake Young Women’s Mutual Improvement Association minutes and records, vol. 1, 22.

4. Pearl Udall Nelson, Arizona Pioneer Mormon: David King Udall; His Story and His Family (Tucson: Arizona Silhouettes, 1959), 97–105.

5. Ida Hunt Udall, journal, May 21, 1882, 26, Church History Library, Salt Lake City.

6. Roberta Flake Clayton, Catherine H. Ellis, and David F. Boone, eds., Pioneer Women of Arizona, 2nd ed. (Provo, Utah: BYU Religious Studies Center, 2017), 744–45.

7. Clayton, Ellis, and Boone, Pioneer Women of Arizona, 745–46.