Vaega o le Kenese

O nisi o aiga Amerika Aferika o nisi ia o uluai tagata o le Ekalesia ma sa auai i le tele o mea na tutupu i le talafaasolopito o le Au Paia o Aso e Gata Ai. Ae ui i lea, mo le tele o tausaga, sa masani ona maua e tagata uli fou i latou lava ua na o latou lava tagata uli po o le aiga i a latou uarota ma siteki i le lotoifale. O le vaavaai atu e fausia se nuu e sili atu, o tagata uli i le eria o le Aai o Sate Leki i le 1971 na galulue faatasi ma taitai o le Ekalesia e faatu le Vaega o le Kenese, o se aao o le faapotopotoga ma gaoioiga faalemasina a le Siteki a Salt Lake Liberty lea na tuuina atu ai i tagata o le vaega se lagolago faaopoopo.

O taualumaga o le fonotaga faavae a le Vaega o le Kenese i le aso 19 o Oketopa, 1971.

A o le‘i faatulagaina le Vaega o le Kenese, sa potopoto faatasi ni nai tagata uli i le eria o le Aai o Sate Leki ma fuafuaina gaoioiga, e ui ina sa latou auai i uarota eseese. I le vaitau o le 1960, sa talimalo ai Eugene ma Leitha Orr i le mea na avea ma se faatasiga faaletausaga i lo la fale. I le taimi o se tasi o faapotopotoga, sa fesili atu ai Eugene ia Darius Gray ma Ruffin Bridgeforth Jr. e uiga i le auala e mafai ai ona latou tali atu i nisi o le lotovaivai na faaalia e le toatele o a latou uo ma tagata o aiga uli a o auai atu i le lotu. Sa anapopogi ma tatalo faatasi nei alii e toatolu mo le taitaiga faalelagi. Mo Gray, o le taimi muamua lenei sa ia tootuli ai i le tatalo ma isi tagata uli e toalua o le Au Paia o Aso e Gata Ai talu ona avea ma se tagata o le Ekalesia. I le 1971, sa latou o atu ai i taitai o le Ekalesia ma ni fesili e uiga i le tapulaa o le perisitua ma le malumalu i lena taimi mo tagata e tupuga mai i Aferika uli ma pe faapefea ona latou fesoasoani i le Ekalesia i le tuuina atu o le lagolago mo le nuu o tagata uli. Na tofia e Peresitene Iosefa Filitia Samita ia Elders Gordon B. Hinckley, Thomas S. Monson, ma Boyd K. Packer e galulue faatasi ma Bridgeforth, Gray, ma Orr e atiina a‘e se fofo.

I le aso 19 o Oketopa, 1971, sa faia ai e le Vaega o le Kenese—ona o la latou faalapotopotoga o se “amataga fou” mo tagata uli—sa faia ai lana fonotaga amata. Na vaetofia e Elders Hinckley, Monson, ma Packer ia Bridgeforth e avea ma peresitene o le vaega faatasi ma Gray e avea ma fesoasoani muamua ma Orr o le fesoasoani lua. O Lucille Bankhead, o se e tupuga mai i se uluai Au Paia o Aso e Gata Ai o Jane Manning James ma Green Flake, sa valaauina e avea ma Peresitene o le Aualofa a le vaega. Sa fofogaina e le au peresitene fou la latou fuafuaga mo tagata uli e faapotopoto faatasi i le masina e tuuina atu molimau, fausia se nuu o le lagolagosua, ma faasoa atu ni aafiaga faaleaganuu. O le a faaauau pea ona auai atu tagata o le Vaega o le Kenese i a latou uarota tumau.

Sa auauna Ruffin Bridgeforth o se peresitene o le Vaega o le Kenese mai le taimi na faavae ai le Kenese i le 1971 seia oo i lona maliu i le 1997. I lana saunoaga i le falelauasiga o Bridgeforth, sa saunoa ai Peresitene Gordon B. Hinckley o ia “o se tagata faatuatua, o se alii sa latalata atu i lona nuu ma alofa ia i latou ma fautuaina i latou ma faamanuia i latou ma fesoasoani ia i latou i o latou tauiviga, o o latou faafitauli, o a latou fesili, o a latou fesili i fafo atu a o latou auauna atu i le Ekalesia. O loo tu o ia o se paionia maoae i lenei vaitaimi pe a tatou faamamaluina paionia.” O peresitene na sosoo mai ai na aofia ai Darius Gray, Donald Harwell, ma Davis Stovall.

O faatasiga a le Vaega o le Kenese ua faamamafaina ai musika, aemaise lava musika o le talalelei, faatasi ai ma ona sootaga malolosi i le talatuu o tagata o le vaega i le tapuai ma viia le Atua e ala i pesepesega i aulotu Porotesano Amerika Aferika ae latou te le‘i auai i le Ekalesia. Na faavaeina e le vaega le Aufaipese a le Kenese i le 1979 ma mulimuli ane toe faaigoaina o le Aufaipese a le Debra Bonner Unity Gospel, o ana faatinoga na avea ma se vaega masani o sauniga anapogi a le vaega i Aso Sa. I le 50-tausaga o lona talafaasolopito, sa faamanatuina ai e le Vaega o le Kenese mea na tutupu e pei o le aso 8 Iuni, 1978, faaaliga e faamutaina ai le tapulaa o le perisitua ma le malumalu faapea foi ma aso faamanatu lona 25 ma le 50 o le vaega i le 1996 ma le 2021 Talu mai lona faatulagaga, ua faatumauina e le Vaega o Le Kenese se faatagaga aloaia mai le Ekalesia o se vaega o gaoioiga a siteki e tele ma tumau ai le tuuto atu i lona faamoemoega o le faaaumeaina o le Au Paia o Aso e Gata Ai Uli.

O Punaoa o le Ekalesia

Faigalotu mo le 50 Tausaga o Kenese, broadcasts.ChurchofJesusChrist.org.

Faasinomaga o Tusi

O lomiga nei o loo tuuina atu ai nisi faamatalaga faaopoopo e uiga i lenei autu. I le faasinoina atu po o le faafesoota’a o oe i nei punaoa, matou te le faamaonia pe faamautinoa atu le anotusi po o manatu o tusitala.

Century of Black Mormons, J. Willard Marriott Library, University of Utah, exhibits.lib.utah.edu/s/century-of-black-mormons.

O Autu Fesootai: Civil Rights Movement (Faagaoioiga o Aia Tatau) , Priesthood and Temple Restriction (Faatapulaaga o le Perisitua ma le Malumalu), Racial Segregation (Faailoga Tagata)

1. Darius Gray, “Remarks” (Genesis 50th anniversary devotional, Oct. 23, 2021), broadcasts.ChurchofJesusChrist.org; Eugene Orr, faatalanoaina e Clinton D. Christensen, June 3, 2013, 10–11, Faletusi o Talafaasolopito o le Ekaleslia, Sate Leki.

2. Orr, faatalanoaga, 11–12.

3. R. Scott Lloyd, “Ruffin Bridgeforth, First Black High Priest, Eulogized as a Pioneer,” Church News, Apr. 5, 1997, 7.

4. Darius A. Gray, faatalanoaina e Jed Woodworth ma Angela Hallstrom, Nov. 28, 2017, 141–142, 155, Faletusi o Talafaasolopito o le Ekalesia, Sate Leki.

5. Lloyd, “Ruffin Bridgeforth,” 7.

6. Tad Walch, “LDS Church Reorganizes Genesis Group Leadership,” Deseret News, Jan. 8, 2018, deseret.com.

7. R. Scott Lloyd, “Genesis Group Notes Silver Anniversary,” Church News, Oct. 26, 1996, 6; Tad Walch, “Genesis Group for Black Latter-day Saints Celebrates 50th Anniversary with Declarations of Hope,” Deseret News, Oct. 23, 2021, deseret.com.