O Le Tusi o Poloaiga

I nai masina muamua o le Ekalesia, na o le pau le ala na maua ai e tagata o le ekalesia faaaliga a le Alii ia Iosefa Samita na ala mai i kopi na tusilima i luga o pepa taitasi ia na tufa atu i le Au Paia o Aso e Gata-Ai. Na faalagolago taitai o le Ekalesia ma faifeautalai i nei kopi mo le taitaiga ma le uunaiga. I le latalata atu i le faaiuga o le 1831, na faia ai e Iosefa se konafesi e fuafua ai pe tatau ma pe faapefea ona lolomiina nei faaaliga. Na mananao o ia ma isi taitai o le Ekalesia ia mautinoa ua maua e tagata lautele o le Ekalesia ia kopi sao. I se faaaliga na maua e Iosefa i le konafesi, na faamaonia ai e le Alii le tuufaatasia o faaaliga ma na faaalia mai ai se faatomuaga mo le tusi o le a oo mai.¹ Na tuuina atu le galuega i se komiti na taua o le Literary Firm ina ia vaaia le lolomiga o le tusi.² Na masani ona taua e le Au Paia o Aso e Gata Ai faaaliga o “poloaiga,” ma na faaaogaina e le Literary Firm lenei upu i le autu o le tusi: “O se Tusi o Poloaiga,”

O se Tusi o Poloaiga, lolomiina i Initipene, Misuri, i le 1833.

Amata le lolomiga i le 1832 i se fale lomitusi i Initipene, Misuri, na umia e Viliamu W. Phelps. Na toeitiiti lava maea le lolomiga ia Iulai 1833 ae osofaia loa e tagata leaga le fale lomitusi. Na lamatia le saogalemu o ni isi o le Au Paia i le faasaoina o itulau i le taimi o le osofaiga. O tagata na i ai i Misuri faapea foi i Katelani, Ohaio, na fusia faatasi itulau na faasaoina i ni nai tusi e le atoatoa, ae o le faamoemoe mo le lolomiina o le afe o kopi na le faataunuuina. Na toe amata e taitai o le Ekalesia se isi taumafaiga e lolomi faaaliga.³ Na faamanuiaina i latou i le 1835, ma lolomiina i Katelani i lalo o le ulutala O le Mataupu Faaavae ma Feagaiga o le Ekalesia a Iesu Keriso o le Au Paia o Aso e Gata Ai, lea na lagolagoina e le Au Paia o “se tulafono na tuuina i le ekalesia,” ma o se “tulaga faatonuina o le faatuatua ma le faatinoga.”⁴

Punaoa o le Ekalesia

Tusi o Poloaiga, 1833, josephsmithpapers.org.

Talaaga o le Soifuaga

O lomiga nei o loo tuuina atu ai nisi faamatalaga e uiga i lenei autu. I le faasinoina po o le fesootaia o oe i nei punaoa, matou te le faamaonia pe faamautinoa atu le anomea po o manatu o tusitala.

Richard E. Turley Jr. and William W. Slaughter, How We Got the Doctrine and Covenants (Salt Lake City: Deseret Book, 2012).

Peter Crawley, ed., A Descriptive Bibliography of the Mormon Church, 3 vols. (Provo, Utah: Religious Studies Center, Brigham Young University, 1977-2012).

Autu e Fesootai: Mataupu Faavae ma Feagaiga

Faamatalaga

1. “Revelation, 1 November 1831–B [DC 1],” i le Revelation Book 1, 125–27, josephsmithpapers.org; tagai foi “Revelation, 1 November 1831–B [DC 1],” Historical Introduction, josephsmithpapers.org.

2. “Literary Firm,” josephsmithpapers.org.

3. Tusi o Poloaiga, 1833, Historical Introduction, josephsmithpapers.org. E itiiti ifo ma le tolu taseni ni kopi o le uluai Tusi o Poloaiga i le 1833 o loo iloaina o maua nei.

4. Minute Book 1, 98, josephsmithpapers.org. (Tagai “Mataupu Faavae ma Feagaiga,” Church History Topics.