Manifeso

Mo le tele o le seneturi lona 19, sa faatino ai e se aofaiga toatele o tagata o Le Ekalesia a Iesu Keriso o le Au Paia o Aso e Gata Ai le faaipoipoga faaautaunonofo—o le faaipoipoga o se alii e toatasi i le sili atu ma le toatasi le tamaitai. O le amataina ma le faamutaina o lea faiga sa faatonuina e ala mai i faaaliga i perofeta a le Atua. O le uluai poloaiga e faatino le faaipoipoga faaautaunonofo na oo mai e ala mai ia Iosefa Samita, o le Perofeta na faavaeina ma le Peresitene o le Ekalesia.¹ I le 1890 na tuuina mai ai e Peresitene Uilifoti Uitilafi le Manifeso, lea na taitai atu ai i le faamutaina o le faaipoipoga faaautaunonofo i le Ekalesia.

O le faamutaina o le faaipoipoga faaautaunonofo na manaomia ai le faatuatua tele ma i nisi taimi sa faigata, tiga—ma maoae le faapatinoina—o faaiuga i vaega o tagata taitoatasi ma taitai o le Ekalesia. E faapei o le amataga o faaipoipoga faaautaunonofo i le Ekalesia, o le faamutaina o lea faiga sa o se faagasologa nai lo se mea na tupu i le taimi e tasi.

Ua faamatala e Au Paia ni nai tala taua e faatatau i le faamutaina o le faiga o le faaipoipoga faaautaunonofo e Au Paia o Aso e Gata Ai, e aofia ai le Manifeso. Mo nisi faamatalaga, tagai i le “The Manifesto and the End of Plural Marriage.”²

Punaoa o le Ekalesia

Folafolaga Aloaia 1.

“The Manifesto and the End of Plural Marriage,” Gospel Topics, lds.org/topics.

Jed Woodworth, “The Messenger and the Manifesto: Official Declaration 1,” in Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 323–31.

Autu e Fesootai i ai: Anti-Polygamy Legislation, Joseph Smith and Plural Marriage, Plural Marriage in Utah

1. Tagai i le Mataupu Faavae ma Feagaiga 132.

2. Mo talaaga faaopoopo, tagai i le Thomas G. Alexander, “The Odyssey of a Latter-day Prophet: Wilford Woodruff and the Manifesto of 1890,” Journal of Mormon History, vol. 17 (1991), 169–206; Sarah Barringer Gordon, The Mormon Question: Polygamy and Constitutional Conflict in Nineteenth-Century America (Chapel Hill: University of North Carolina Press, 2002).