Toko 12

Ny asa fitoriana nataon’i Samuel Smith

Jona 1830

batisa

I Samuel Smith

Zandrilahin’i Joseph Smith i Samuel Smith. Nirin’i Jesoa ny hanaovan’i Samuel asa fitoriana. I Samuel Smith no misiôneran’ny Fiangonana voalohany.

I Samuel Smith

Nandeha nampianatra ny filazantsara i Samuel ary nilaza tamin’ny olona momba ny Bokin’i Môrmôna. Nanao dia 40 kilaometatra izy tamin’ny andro voalohany, kanefa ratsy fanahy taminy ny olona ary tsy nihaino azy.

I Samuel miresaka amin’ny mpitantana tranom-bahiny

Rehefa tonga ny alina dia nijanona tao amin’ny tranom-bahiny iray i Samuel. Nanontany ny tompon-trano izy raha toa ka te hividy Bokin’i Môrmôna iray. Nanontanian’ilay tompon-trano izay nahazoan’i Samuel ilay boky. Nilaza i Samuel fa nandika izany avy tamin’ny takela-bolamena ny rahalahiny.

Tompona tranom-bahiny tezitra amin’i Samuel

Tezitra ilay tompon-trano. Nolazainy fa nandainga i Samuel ary nasainy nivoaka ilay tranom-bahiny.

I Samuel matory eo ambany hazo

Kivy i Samuel Smith. Natory teo ambany hazom-paoma izy io alina io.

I Samuel miresaka amin’ny pasitera

Ny ampitso maraina dia nandeha niresaka tamin’i John Greene, izay mpitarika ny fiangonana iray hafa, i Samuel. Tsy liana tamin’ny Bokin’i Môrmôna Atoa Greene, kanefa nanaiky izy ny hanontany ireo olona ao amin’ny fiangonany raha toa ka te hividy tahadikan’ilay boky izy ireo. Rehefa niverina i Samuel telo herinandro taty aoriana dia tsy nahavarotra mihitsy izy. Nilaza anefa ny vadin’ Atoa Greene fa namaky ilay boky izy.

I Samuel niverina nody

Sarotra ny asa fitoriana nataon’i Samuel Smith. Rehefa nody izy dia tsy nihevitra ho nahomby.

I Samuel mandeha

Tsy fantatr’i Samuel tamin’io fotoana io fa ny asa nataony dia hiteraka olona marobe hiditra ho mpikamban’ny Fiangonana taty aoriana, anisan’izany Atoa sy Rtoa Greene.

I Samuel sy i Phineas Young

Nivarotra Bokin’i Môrmôna iray tamin’ny lehilahy iray nantsoina hoe Phineas Young ihany koa i Samuel. Namaky ilay boky i Phineas ary avy eo izany dia nomeny ny rahalahiny, izay Brigham Young no anarany.

I Brigham Young

Namaky ny Bokin’i Môrmôna i Brigham Young ka nino fa marina izany. Nilaza momba ny Bokin’i Môrmôna tamin’ny namana sasantsasany i Phineas sy i Brigham Young, namaky izany koa izy ireo ary nino fa marina izany. Niditra ho mpikamban’ny Fiangonana i Phineas sy i Brigham Young ary ireo naman’izy ireo taty aoriana.

I Brigham Young mandahateny

Tao anatin’ny taona vitsivitsy dia nantsoina ho Apôstôly i Brigham Young. Lasa Filohan’ny Fiangonana izy taona maro taty aoriana. Lasa mpitarika lehibe tato amin’ny Fiangonana izy sy ireo hafa izay niova fo noho ny ezaka nataon’i Samuel Smith.