Toko 28
Nandeha tany Missouri indray ny Mpaminany Joseph
Martsa–mey 1832
Naharay fanambarana i Joseph Smith. izay nilazan’i Jesoa fa ny Olomasina dia toy ny ankizy kely. Mbola nianatra izy ireo. Nilaza i Jesoa fa tokony ho faly sy ho feno fankasitrahana izy ireo. Izy no ho mpitarika azy ireo.
Nilaza i Jesoa fa tiany hikarakara ireo mahantra ny Olomasina. Tiany hifampizara sy hifanampy izy ireo.
Taoriana kelin’ny nandraisan’i Joseph Smith ity fanambarana ity dia nandeha tany Missouri indray izy sy ny namany sasany. Faly nahita azy ireo Olomasina tao Missouri.
Nangatahin’i Joseph hamonjy fivoriana iray ny Olomasina mba hahafahany milaza amin’izy ireo momba ilay fanambarana.
Nanome fanambarana iray hafa ny Tompo nandritra ilay fivoriana. Faly i Jesoa fa nifamela heloka ny Olomasina. Koa satria nanao izany izy ireo, dia nilaza Izy fa hamela heloka azy ireo.
Nanome didy iray vaovao ho an’ny Olomasina koa i Jesoa tao anatin’io fanambarana io. Nolazainy fa nomeny azy ireo ny tanin’i Ziona, ary tsy maintsy mifampizara ny tany izy ireo. Tokony hanana izay nilainy ny tsirairay. Nangatahin’ny Tompo ihany koa ny Olomasina mba hivoatra amin’ny talentan’izy ireo ka hampiasa izany ho tombontsoa ho an’ny Fiangonana.
Nitsidika ny Olomasina tany amin’ny tanàna maro i Joseph taorian’ilay fivoriana. Fotoana nahafaly azy izany. Nitia ireo Olomasina izy.
Tao anatin’ny fanambarana iray hafa noraisin’i Joseph raha tao Missouri izy, dia nilaza ny Tompo fa tokony hikarakara ny vadiny ny lehilahy. Tokony hikarakara ny zanany ny ray aman-dreny.
Nilaza ihany koa ny Tompo fa tokony hikarakara ireo vehivavy tsy manam-bady ny Olomasina. Tokony hikarakara ireo ankizy tsy manana ray na reny ny Olomasina.
Nilaza i Jesoa fa tokony hanome sakafo sy zavatra hafa amin’ny eveka hataony ao amin’ny trano fitehirizana iray ny Olomasina. Nolazainy fa tokony hampiasa izay ao amin’ny trano fitehirizana mba hanampiana ireo izay mahantra ny eveka.
Rehefa nahatontosa ny asany tao Missouri i Joseph Smith dia nanomboka niverina nankany Kirtland izy sy ny Eveka Whitney. Nandeha sarety izy ireo.
Nisy zavatra nampatahotra ireo soavaly indray andro ka nahatonga azy ireo hiazakazaka mafy.
Nitsambikina avy teny amin’ny sarety i Joseph, saingy tsy naratra izy. Nitsambikina avy teny amin’ny sarety ny Eveka Whiteny ka tapaka ny tongony.
Nipetraka tao amin’ny tranombahiny iray i Joseph Smith sy ny Eveka Whitney. Naka aina nandritra ny efatra herinandro ny Eveka Whitney. Nijanona niaraka taminy i Joseph nandritra ny nahasitranan’ny tongony.
Nandritra ny fotoana naha-tao amin’ilay tranombahiny azy ireo dia nisy nanisy poizina ny sakafon’i Joseph. Nanjary narary mafy izy.
Nangataka tamin’ny Eveka Whitney i Joseph hanome tsodrano azy. Nampiasa ny herin’ny fisoronana ny Eveka Whitney mba hitsofana rano an’i Joseph, dia sitrana izy.
Nisaotra an’ Andriamanitra i Joseph fa nositraniny. Rehefa salama tsara afaka nanao dia i Joseph sy ny Eveka Whitney dia nandeha nody tany amin’ny fianakaviany avy izy ireo.