Toko 30
Fanambarana iray momba ny ady
25 desambra 1832
Maro ireo olona natao batisa tao amin’ny Fiangonana. Nahatonga azy ireo ho faly ny filazantsara, kanefa natahotra izy ireo momba ireo zavatra izay nitranga teo amin’izao tontolo izao.
Nisy horohoron-tany sy ady nitranga tamin’ny toerana maro.
Nisy zavatra nampalahelo ihany koa nitranga tao Etazonia. Naniry ny tsy ho ao amin’ny firenena ny olona sasany. Naniry ny hanana ny mpitarika azy ireo manokana izy ireo.
Tamin’ny Andro Noely 1832 dia nanome fanambarana iray momba ny ady an’i Joseph Smith i Jesoa.
Nilaza i Jesoa fa hifamono ao anatin’ny ady iray ny olona ao Etazonia. Tanteraka io faminaniana io rehefa nanomboka ny Ady an-trano amerikana tokony ho 30 taona taty aoriana.
Nanambara ihany koa i Jesoa fa hisy ady any amin’ny faritra hafa eo amin’izao tontolo izao. Maro ny olona hamoy ny ainy, ary hisy alahelo mahatsiravina. Nilaza i Jesoa fa tokony ho mahatoky ireo Olomasina mandritra ireo fotoan-tsarotra ireo.
Nalahelo i Joseph Smith raha nahalala fa hisy ady marobe toy izany. Fantany fa raha mankatò ireo didin’ Andriamanitra ny olona dia tsy hiady izy ireo na koa hanana ady.