Toko 33
Fanambarana iray momba an’i Jesoa Kristy
Mey 1833
Nilaza momba ny tenany i Jesoa tao anatin’ny iray tamin’ireo fanambarana ho an’ny Mpaminany Joseph Smith. Nilaza Izy fa afaka mahita ny endriny sy mahafantatra Azy ny olona raha toa ka mankatò ireo didiny sy mivavaka.
Nilaza i Jesoa Kristy fa Izy no fahazavan’izao tontolo izao. Mampiseho antsika ny lalana tsara iainana Izy.
Niaina niaraka tamin’ny Ray any An-danitra i Jesoa talohan’ny nahariana ny tany. Nahary ny tany sy ny zavatra rehetra eo amin’izany i Jesoa.
Tsy tahaka ny Rainy any An-danitra Izy tamin’ny voalohany. Tsy nahalala ny zavatra rehetra izay fantatry ny Rainy Izy, ary tsy nanana ny fahefana sy voninahitra rehetra nananan’ny Rainy. Niezaka mafy ny ho tonga tahaka ny Rainy i Jesoa. Nahazo ny hery sy ny voninahitry ny Rainy tsikelikely Izy.
Nilaza i Jesoa fa tokony hitandrina ireo didin’ Andriamanitra isika. Rehefa mankatò isika dia afaka mahafantatra ny zavatra rehetra. Afaka ny ho tonga tahaka an’ Andriamanitra koa isika ka mandray ny fahafenoan’ireo fitahiany.
Nilaza i Jesoa fa tsy tian’i Satana hahalala ny fahamarinana sy ho tonga tahaka an’ Andriamanitra ny olona. Nilaza tamin’i Joseph i Jesoa mba hampianarany ny fahamarinana amin’ny fianakaviany.
Nilaza tamin’i Frederick G. Williams sy i Sidney Rigdon ihany koa i Jesoa mba hampianaran’izy ireo ny fahamarinana amin’ny fianakavian’izy ireo sy hankatoavan’izy ireo ireo didy. Dia tsy hanana hery amin’izy ireo i Satana.