Olona tsara ho fantatra

Olona Tsara ho Fantatra

Abrahama: Mpaminany iray niaina taloha ela be i Abrahama. Ao amin’ny Testamenta Taloha sy ny Voahangy Lafo Vidy no misy ny tantaran’i Abrahama.
Bennett, John C.: Ben’ny tanàna tao Nauvoo i John C. Bennett. Nivadika tamin’i Joseph Smith izy.
Kapiteny Allen: Ny kapiteny Allen dia kapiteny iray tao amin’ny tafik’i Etazonia. Nangataka ireo lehilahy tao amin’ny Fiangonana izy mba ho ao amin’ny Andian-tafika Môrmôna.
Copley, Leman: Mpikamban’ny Fiangonana tany Kirtland, Ohio Leman Copley, izay tsy nety nizara ny taniny tamin’ireo mpikambana hafa.
Cowdery, Oliver: Nanampy an’i Joseph Smith nandika ireo takela-bolamena i Oliver Cowdery. Nanao asa maro izy hanampiana ny Fiangonana.
Elià: Namerina tamin’ny laoniny ny herin’ny fisoronana manokana tamin’i Joseph Smith sy i Oliver Cowdery tao amin’ny Tempolin’i Kirtland i Elià.
Elia: Mpaminany iray niaina taloha ela be i Elia. Namerina tamin’ny laoniny ny herin’ny fisoronana miavaka tamin’i Joseph Smith sy i Oliver Cowdery tao amin’ny Tempolin’i Kirtland izy.
Enoka: Mpaminany iray niaina taloha ela be i Enoka. Nanorina ny tanànan’i Ziona. Hita ao amin’ny Voahangy Lafo Vidy ny tantaran’i Enoka.
Governora Boggs: Ny Governora Boggs no governoran’i Missouri. Tsy nety nanampy ny Olomasina izy ary namoaka didy handroahana azy ireo hialany faritany na hamonoana azy ireo.
Harris, Martin: Nanampy an’i Joseph Smith nandika ireo takela-bolamena i Martin Harris. Nariany ny pejy sasany tao amin’ny Bokin’i Môrmôna.
Hyde, Orson: Apôstôly iray i Orson Hyde. Izy no nanokana ny Tany Masina ho an’ny zanak’i Abrahama mba ho toerana honenan’izy ireo.
Indiana: Nipetraka tamin’ireo faritra rehetra tany Etazonia ireo indiana. Antsoina hoe Lamanita ireo Indiana indraindray.
Jakoba: Anisan’ireo Apôstôly Roambinifolon’i Jesoa i Jakoba. Namerina tamin’ny laoniny ny Fisoronana Melkizedeka tamin’i Joseph Smith sy i Oliver Cowdery i Petera sy i Jakoba ary i Jaona.
Jaona: Anisan’ireo Apôstôly Roambinifolon’i Jesoa i Jaona. Namerina tamin’ny laoniny ny Fisoronana Melkizedeka tamin’i Joseph Smith sy i Oliver Cowdery i Petera sy i Jakoba ary i Jaona.
Jaona Mpanao Batisa: Niaina tamin’ny fotoana niainan’i Jesoa teto an-tany i Jaona Mpanao Batisa. Nanome ny Fisoronana Aharôna an’i Joseph Smith sy i Oliver Cowdery i Jaona Mpanao Batisa.
Kimball, Heber C.: Apôstôly iray i Heber C. Kimball. Nanao asa fitoriana tany Angletera izy.
Kimball, Sarah: Mpikambana tao amin’ny Fikambanana Ifanampiana voalohany i Sarah Kimball.
Kimball, Spencer W.: I Spencer W. Kimball no Filohan’ny Fiangonana faha-12.
Knight, Newel: Nanjary narary i Newel Knight rehefa niezaka nampijanona azy tamin’ny fivavahana i Satana. Nositranin’i Joseph Smith i Newel Knight.
Lamanita: Taranak’i Lamana sy i Lemoela zanakalahin’i Lehia ny Lamanita.
Melkizedeka: Mpaminany iray niaina taloha ela be i Melkizedeka.
Môrmôna: Matetika ireo mpikamban’ny Fiangonana ho antsoina hoe Môrmôna satria mino ny Bokin’i Môrmôna izy ireo.
Môrônia: Mpaminany Nefita iray izay niaina taloha ela be tany Amerika i Môrônia. Nandevina ireo takela-bolamena tao amin’ny Havoana Komôra izy.
Mosesy: Mpaminany iray niaina taloha ela be i Mosesy. Nitarika ny Isiraelita niala avy tany Egypta izy. Namerina tamin’ny laoniny ny herin’ny fisoronana miavaka tamin’i Joseph Smith sy i Oliver Cowdery tao amin’ny Tempolin’i Kirtland izy.
Atoa Chandler: Nivarotra horonan-taratasy vitsivitsy tamin’ireo Olomasina tao Kirtland Atoa Chandler. Teo amin’ireo horonan-taratasy ny rakitsoratr’i Abrahama.
Atoa Hale: Atoa Hale dia rain’i Emma Smith.
Noà: Mpaminany iray niaina taloha ela be i Noà.
Page, Hiram: Nilaza i Hiram Page fa nanana vato iray izay nanome fanambarana ho an’ny Fiangonana izy.
Partridge, Edward: I Edward Partridge no eveka voalohany tato amin’ny Fiangonana.
Petera: Anisan’ireo Apôstôly Roambinifolon’i Jesoa i Petera. Namerina tamin’ny laoniny ny Fisoronana Melkizedeka tamin’i Joseph Smith sy i Oliver Cowdery i Petera sy i Jakoba ary i Jaona.
Phelps, William W.: Nanampy nanorina sekoly tao amin’ny Fivondronan’i Jackson Missouri i William W. Phelps.
Mpamaky lay: Ny mpamaky lay dia ireo Olomasina izay namakivaky ireo lemaka nankany amin’ny Tendrombohitra Haram-bato.
Pratt, Parley P.: Nandeha nanao asa fitoriana nampianatra ny Lamanita i Parley P. Pratt.
Richards, Willard: Naman’i Joseph Smith i Willard Richards. Niaraka tamin’i Joseph tao amin’ny fonjan’i Carthage izy.
Rigdon, Sidney: Iray tamin’ireo mpanolotsaina an’i Joseph i Sidney Rigdon.
Smith, Alvin: Iray tamin’ireo zokilahin’i Joseph Smith i Alvin Smith. Maty izy. Nahita fahitana iray nisy an’i Alvin tany amin’ny fanjakana selestialin’ny lanitra i Joseph.
Smith, Emma: I Emma Smith no vadin’i Joseph Smith. Izy no mpitarika ny Fikambanana Ifanampiana voalohany. Nanao ny fihirana ho an’ny Fiangonana izy.
Smith, Hyrum: Iray tamin’ireo zokilahin’i Joseph Smith i Hyrum Smith. Maty nisy namono tao amin’ny Fonjan’i Carthage niaraka tamin’i Joseph izy.
Smith, Joseph: I Joseph Smith no mpaminany sy Filohan’Ny Fiangonan’i Jesoa Kristy ho an’ny Olomasin’ny Andro Farany voalohany. Nomen’i Jesoa ireo fanambarana izay ao amin’ny Fotopampianarana sy Fanekempihavanana i Joseph Smith. Maty nisy namono tao amin’ny Fonjan’i Carthage i Joseph.
Smith, Joseph rainy: I Joseph Smith rainy no rain’i Joseph Smith.
Smith, Lucy: I Lucy Smith no renin’i Joseph Smith.
Smith, Samuel: Zandrin’i Joseph Smith i Samuel Smith. Izy no misiôneran’ny Fiangonana voalohany.
Snow, Eliza R.: Mpikambana tao amin’ny Fikambanana Ifanampiana voalohany i Eliza R. Snow.
Taylor, John: Naman’i Joseph Smith i John Taylor. Niaraka tamin’i Joseph tao amin’ny fonjan’i Carthage izy. Taty aoriana dia lasa Filohan’ny Fiangonana izy.
Whitmer, David: Vavolombelona iray nahita ireo takela-bolamena i David Whitmer. Nanampy nanomboka ny Fiangonana tamin’ny 6 aprily 1830 izy.
Whitmer, Peter: Nanampy nanomboka ny Fiangonana i Peter Whitmer tamin’ny 6 aprily 1830.
Whitney, Newel K.: I Newel K. Whitney no eveka faharoa tao amin’ny Fiangonana.
Williams, Frederick G.: Iray tamin’ireo mpanolotsaina an’i Joseph Smith i Frederick G. Williams.
Young, Brigham: Anisan’ireo Apôstôly Roambinifolo i Brigham Young. Izy no nitarika ireo mpamaky lay. Izy no Filohan’ny Fiangonana taorian’i Joseph Smith.
Young, Phineas: Rahalahin’i Brigham Young i Phineas Young.