Մաս 31. Օր 3

Հայտնություն 6-7

Նախաբան

Հովհաննես Առաքյալը տեսավ Աստծո Գառին` կնքված գրքի յոթը կնիքները բացելիս: Վեցերորդ կնիքում, որը խորհրդանշում է վերջին օրերի այս տնտեսությունը, Հովհաննեսը տեսավ Աստծո ծառաներին, ովքեր «իրանց հանդերձները լուացին և սպիտակացրին Գառի արյունովը» (Հայտնություն 7.14):

Հայտնություն 6

Հովհաննեսը տեսավ Աստծո Գառին՝ կնքված գրքի առջև, վեց կնիքները բացելիս:

Ի՞նչ որոշակի մտահոգություններ կամ վախեր կարող եք դուք կամ ձեր ծանոթներն ունենալ վերջին օրերում ապրելու համար:

Մարգարե Ջոզեֆ Սմիթն ուսուցանել է, թե ինչ են հնադարյան մարգարեները զգացել մեր օրվա վերաբերյալ. «Սիոնի կառուցումը մի գործ է, որը հետաքրքրել է Աստծո ժողովրդին ամեն դարում, դա մի թեմա է, որին մարգարեները, քահանաները և թագավորները վերաբերվել են ակնածալից հրճվանքով, նրանք ուրախ ակնկալիքով անհամբեր սպասել են այն օրվան, որում մենք ենք ապրում և ոգևորված երկնային և ուրախության ակնկալիքներով, նրանք երգել են, գրել և մարգարեացել մեր այս օրվա համար» (Եկեղեցու Նախագահների ուսմունքները․ Ջոզեֆ Սմիթ [2007], 197):

Ձեր կարծիքով, հնադարյան մարգարեներն ինչո՞ւ էին այսպես վերաբերվում մեր օրերին:

Հովհաննես Առաքյալը, ով կոչվել է նաև Հովհաննես Հայտնող, մարգարեներից մեկն էր, ով գիտեր վերջին օրերի իրադարձությունների մասին և մարգարեացել է մեր օրերի մասին ուրախ ակնկալիքով: Ուսումնասիրեք Հայտնություն 6-7-ը և փնտրեք այն ճշմարտությունները, որոնք կարող են սփոփել ձեզ և ձեր ծանոթներին վերջին օրերի իրադարձությունների վերաբերյալ:

Հիշեք, որ Հայտնություն 5.1–5-ը գրում է, որ Հովհաննեսը տեսավ յոթ կնիքներով մի գիրք, որը բացելու համար միայն Գառն էր արժանի: Իր տեսիլքում Հովհաննեսը տեսավ այն մի քանի գլխավոր իրադարձությունների փոխաբերական ներկայացումները, որոնք վերաբերում են յուրաքանչյուր 1000 տարվա ժամանակահատվածներին, որոնք ներկայացված են յոթ կնիքների միջոցով:

1. Ձեր սուրբ գրությունների ուսումնասիրության օրագրում նկարեք մի պարզ պատկեր՝ ցույց տալով առաջին հինգ կնիքների իրադարձությունները, որոնք գտնվում են ստորև գտնվող հղումներում: Երբ կարդաք յուրաքանչյուր կնիքի մասին, մտածեք թե որոշ փոխաբերություններ ինչ կարող են նշանակել:

   1. Առաջին կնիք (Հայտնություն 6.1–2)

   2. Երկրորդ կնիք (Հայտնություն 6.3–4)

   3. Երրորդ կնիք (Հայտնություն 6.5–6)

   4. Չորրորդ կնիք (Հայտնություն 6.7–8)

   5. Հինգերորդ կնիք (Հայտնություն 6.9–11)

Չնայած Տերը չի հայտնել որոշ խորհրդանիշերի իմաստը սուրբ գրություններում, Նա հայտնի է դարձրել դրանցից շատերի իմաստը Իր մարգարեների միջոցով: Երբ դուք ուսումնասիրեք սուրբ գրությունները և ունենաք հարցեր, դուք կարող եք նայել մարգարեական մեկնաբանությունը՝ տեսնելու, թե ինչ են ասել Եկեղեցու իշխանավորները որոշակի հատվածների վերաբերյալ: Տեղեկությունը կից աղյուսակում կարող է օգնել ձեզ հասկանալ մի քանի խորհրդանիշեր առաջին հինգ կնիքների բացման վերաբերյալ, որոնք գտնվում են Հայտնություն 6.1–11-ում :

Առաջին կնիք (Մոտ 4000-3000թ.թ. Ք.ծ.ա.)	Սպիտակ ձի = Հաղթանակ Աղեղ = Պատերազմ Թագ= Նվաճող Երեց Բրյուս Ռ. ՄակՔոնկին Տասներկու Առաքյալների Քվորումից ենթադրում էր, որ Հայտնություն 6.1–2-ում նկարագրվում է Ենովքի օրերը, և որ ձիավորը Ենովքն է (տես Doctrinal New Testament Commentary, 3 vols. [1966–73], 3:476–78):
Երկրորդ կնիքը (Մոտավորապես 3000-2000թ.թ. Ք.ծ.ա.)	Կարմիր ձի = Արյունահեղություն Սուր= Պատերազմ և կործանում Երեց ՄակՔոնկին ենթադրում էր, որ Հայտնություն 6.3–4-ը նկարագրում է Նոյի օրերը, երբ ամբարշտությունը ծածկել էր երկիրը: Կարմիր ձին վարողը երևի դևն ինքն էր կամ գուցե «անձնավորություն, որը ներկայացնում էր սպանող մարտիկներ» (տես Doctrinal New Testament Commentary, 3:478–79):
Երրորդ կնիքը (Մոտ 2000-1000թ. Ք.ծ.ա.)	Սև ձին = Սով Կշեռք = Բարձր գներ ուտելիքի համար Երեց ՄակՔոնկին ենթադրում էր, որ Հայտնություն 6.5–6-ը նկարագրում էր Աբրահամի օրերը, երբ շատերը մահացան սովից (տես Doctrinal New Testament Commentary, 3:479–80): Մարդը ամբողջ օրվա աշխատավարձով կարողանում էր ընդամենը բավականաչափ ուտելիք գնել ապրելու համար , ինչը ցույց է տալիս սովի ժամանակվա ծայրահեղ գները:
Չորրորդ կնիք (Մոտ 1000թ. Ք.ծ.ա. մինչև Քրիստոսի ծնունդը)	Դեղնականաչ ձի = Մահ Մահն ու դժոխքը = Ամբարիշտների կործանումը և նրանց ընդունումը հոգևոր բանտ (տես Եսայիա 5.14) Երեց ՄակՔոնկին ենթադրում էր, որ Հայտնություն 6.7–8-ը վերաբերում էր այն ժամանակին, երբ «այն մեծ թագավորություններն ու ազգերը, որոնց պատերազմներն ու ուխտադրժությունները կրկին ու կրկին տանջեցին և ասպատակեցին [Իսրայելը]» (տես Doctrinal New Testament Commentary, 3:481): Այդ ազգերը ներառում էին Բաբելոնը, Պարսկաստանը, Եգիպտոսը, Ասորեստանը, Հունաստանը և Հռոմը:
Հինգերորդ կնիք (Մոտավորապես Քրիստոսի ծննդից մինչև Ք.ծ.հ. 1000թ.)	Խորան = Զոհաբերություն Հոգիներ = Նահատակներ, իրենց համոզմունքների համար սպանված քրիստոնյաներ Երեց ՄակՔոնկին ենթադրում էր, որ Հայտնություն 6.9–11-ը վերաբերում է այն բազմաթիվ վաղ քրիստոնյաներին, ներառյալ իսկական Առաքյալների մեծ մասը, ովքեր մահացան որպես նահատակներ Doctrinal New Testament Commentary, 3:482–83): Քանի որ այս Սրբերը տվեցին իրենց կյանքը «Աստծո խոսքի համար և այն վկայության համար, որ նրանք ունեին» (Հայտնություն 6.9), նրանց տրվեց «սպիտակ հանդերձներ» (Հայտնություն 6.11), որը խորհրդանշում է մաքրությունը (տես Հայտնություն 7.13–14, 3 Նեփի 27.19):

Վեցերորդ կնիքը ներկայացնում է մեր իսկ ժամանակը և իրադարձությունները, հատկապես արհավիրքները, որոնք տանում են դեպի Հազարամյակ, երբ Հիսուս Քրիստոսը կթագավորի անձնապես երկրագնդի վրա (տես Bruce R. McConkie, Doctrinal New Testament Commentary, 3:485–86):

Կարդացեք Հայտնություն 6.12–17-ը, որոնելով իրադարձությունները, որոնք կանխագուշակեց Հովհաննեսը մեր օրերում, որոնք կտանեն մինչև Տիրոջ Երկրորդ Գալուստը: Կարդացեք նաև Ջոզեֆ Սմիթ Թարգմանություն, Հայտնություն 6.14 ( Հայտնություն 6.14, ծանոթություն ա):

Ուշադրություն դարձրեք, որ Հայտնություն 6.16-ը նկարագրում է, թե ինչպես են որոշ մարդիկ հուսահատորեն ձգտում խուսափել Աստծո ցասումից: Այնուհետև Հովհաննեսը ուղղել է հետևյալ հարցը. «Ո՞վ կարող է կանգնել»: (Հայտնություն 6.17): Հայտնություն 7-ն օգնում է մեզ հասկանալ, թե ով կկարողանա կանգնել կամ գոյատևել վեցերորդ կնիքի աղետներից հետո:

Հայտնություն 7

Հովհաննեսը տեսավ Աստծո ծառաներին, ովքեր լվացին իրենց հանդերձները Գառի արյամբ:

Կարդացեք Հայտնություն 7.1–4, որոնելով, թե էլ ինչ տեսավ Հովհաննեսը վեցերորդ կնիքի ժամանակ: Կարդացեք նաև Վարդապետություն և Ուխտեր 77.8–11-ը, որում Տերը բացատրեց այս հատվածների իմաստը:

Երեց ՄակՔոնկին բացատրում էր, որ Եղիաս բառը, որը գտնվում է Վարդապետություն և Ուխտեր 77.9-ում, մի «անուն և կոչում է նրանց համար, ում առաքելությունն էր բանալիներ և զորություններ հանձնել մարդկանց այս վերջին տնտեսությունում» (Mormon Doctrine, 2nd ed. [1966] 221):

Տղամարդկանցից մի քանիսը, ովքեր եկան հանձնելու բանալիներ և զորություններ՝ Ադամը, Մորոնին, Հովհաննես Մկրտիչը, Պետրոսը, Հակոբոսը և Հովհաննեսը, Մովսեսն ու Եղիան էին:

Կնքումը կամ նշան դնելը «մեր Աստուծոյ ծառաների վերայ կնիք դնելը նորանց ճակատներումը» (Հայտնություն 7.3) փոխաբերություն է նրանց նվիրվածության, ծառայության և Աստծուն պատկանելու վերաբերյալ:

Մարգարե Ջոզեֆ Սմիթն ուսուցանեց, որ հավատարիմների կնքումը իրենց ճակատներին «նշանակում է օրհնությունների կնքումը նրանց գլուխների վրա, որը նշանակում է հավիտենական ուխտ, այդպիսով հաստատուն դարձնելով նրանց կոչումը և ընտրությունը» (in History of the Church, 5.530):

144000 թիվը, որը նշվում է Հայտնություն 7.4-ում, «Իսրայելի տասներկու ցեղերի ներկայացուցիչներն են, ովքեր կկարգվեն օգնելու մյուսներին՝ իրենց վեհացման համար նրանց որոնումներում: … Ինչպես ոմանք հավատում են, դա չէ այն մարդկանց ընդհանուր թիվը, ովքեր կվեհացվեն» (Նոր Կտակարանի Ուսանողի Ձեռնարկ [Եկեղեցու կրթական համակարգի ձեռնարկ, 2014], 544):

Ինչպես արձանգրված է Հայտնություն 9-ում, Հովհաննեսը կրկին ակնարկում էր այդ արդար ծառաներին: Կարդացեք Հայտնություն 9.3–4-ը, որոնելով թե ինչ կպատահի նրանց հետ, ովքեր չեն կնքվել որպես Աստծո ծառաներ:

Կարդացեք Հայտնություն 7.9–10-ը, որոնելով, թե ում տեսավ Հովահննեսը: Ուշադրություն դարձրեք, թե ինչ էին կրում այդ մարդիկ:

Ինչպես արձանագրված է Հայտնություն 7.11–12-ում, Հովհաննեսը տեսավ, որ այդ մարդիկ 24 երեցների հետ միասին և նշված չորս կենդանիների հետ Հայտնություն 4-ում, օղակել էին Աստծո գահը և երկրպագում էին Նրան:

Կարդացեք Հայտնություն 7.13–17-ը, որոնելով պատասխաններ հետևյալ հարցերին: Գուցե կամենաք նշել կամ ընդգծել այն, ինչ գտնեք:

• Ինչերի՞ էին այդ մարդիկ դիմացել:

• Ինչպե՞ս նրանց հանդերձները սպիտակ դարձան:

• Ի՞նչ օրհնություններ նրանք կստանան:

Ուշադրություն դարձրեք, որ այդ մարդկանց հանդերձները «սպիտակ դարձվեցին … Գառի արյան միջոցով» (Հայտնություն 7.14), որը խորհրդանշում է այն մարդկանց, ովքեր սրբվեցին Հիսուս Քրիստոսի Քավության միջոցով: 16–17 հատվածների օրհնությունները նկարագրում են ուրախությունը, խաղաղությունը և նվիրվածությունը նրանց, ովքեր կժառանգեն սելեստիալ փառքը (տես նաև ՎևՈւ 138.12–15):

Մենք այս հատվածներից կարող ենք սովորել, որ եթե մենք դիմանանք նեղությանը հավատարմորեն և մաքուր դառնանք Հիսուս Քրիստոսի Քավության միջոցով, մենք կվայելենք սելեստիալ փառքը Աստծո հետ:

Մտածեք այն մասին, թե ինչպիսին այն կլինի և ինչպե՞ս դուք կզգաք, կարողանալով մաքրված կանգնել Աստծո ներկայության մեջ: Ինչպե՞ս կարող են այս զգացումները համեմատվել այն մարդկանց զգացումների հետ, ովքեր նկարագրվում են Հայտնություն 6.16-ում:

2. Սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Մենք ի՞նչ պետք է անենք Փրկչի Քավության միջոցով ողորմածություն և բժշկություն ստանալու համար:

   2. Հիշելով սելեստիալ փառքի օրհնությունները, ինչպե՞ս կարող եք օգնել ձեզ նեղություններին դիմանալու և մաքրվելու ձեր ջանքերում:

Վերանայեք մտահոգությունների ցուցակը, որոնք դուք գրեցիք դասի սկզբում: Մտածեք, թե Հայտնություն 7-ում գտնվող սկզբունքն ինչպես կարող է օգնել ձեզ, երբ դուք մտահոգվեք վերջին օրերում ապրելու վերաբերյալ:

Մի քանի րոպե խորհրդածեք և աղոթեք ձեր սրտում, թե ինչպես կիրառեք այս սկզբունքները ձեր կյանքում:

3. Սուրբ գրությունների ուսումնասիրության ձեր օրագրի այսօրվա հանձնարարության տակ գրեք հետևյալը․

   Ես ուսումնասիրեցի Հայտնություն 6–7-ը և ավարտեցի այս դասը (ամսաթիվ):

   Լրացուցիչ հարցեր, մտքեր և գաղափարներ, որոնցով ես կցանկանայի կիսվել իմ ուսուցչի հետ.