Մաս 32. Օր 2
Հայտնություն 14-16
Նախաբան
Տեսիլքում Առաքյալ Հովհաննեսը տեսավ, որ մի հրեշտակ եկավ երկիր` վերականգնելու Հիսուս Քրիստոսի ավետարանը վերջին օրերում։ Նա նաև լսեց մի ձայն երկնքից՝ նկարագրելով նրանց կողմից օրհնությունների վայելումը, ովքեր մահանում են հավատարիմ մնալով Տիրոջը: Հովհաննեսը տեսավ արդարների և ամբարիշտների ժողովումը վերջին օրերում և Աստծո պատիժները, որոնք թափվեցին ամբարիշտների վրա:
Հայտնություն 14
Հովհաննեսը տեսավ ավետարանի վերականգնումը և արդարների ու ամբարիշտների ժողովումը:
Որոշ մարդիկ զարմանում են, թե արդյոք հնարավոր է խաղաղություն զգալ մի աշխարհում, որը լցված է ամբարշտությամբ, աղետներով և բռնությամբ: Մտածեք այն մասին, թե ինչ կարող եք ասել այդ մարդկանց:
Երբ ուսումնասիրեք Հայտնություն 14-16-ը, փնտրեք ճշմարտություններ, որոնք կարող են բերել ձեզ խաղաղություն, չնայած դուք ապրում եք մի աշխարհում, որը լցված է ամբարշտությամբ, աղետներով և բռնությամբ:
Հայտնություն 14.1-13 հատվածներում մենք կարդում ենք, որ Հովհաննես Առաքյալը տեսավ տեսիլք վերջին օրերի կամ մեր օրերի մասին: Տեսիլքում նա տեսավ այն արհավիրքները, որոնք կգան ամբարիշտների վրա: Նա նաև տեսավ, թե ինչը խաղաղություն կբերեր արդարներին մեր օրերում:
Կարդացեք Հայտնություն 14.1–5-ը, փնտրելով, թե ում տեսավ Հովհաննեսը Փրկչի հետ կանգնած «Սիոն սարի վրա» (Հայտնություն 14.1) կամ Սիոն:
Դուք գուցե վերհիշեք, որ 144000-ը, ովքեր նշվում են հատված 1-ում, քահանայապետեր են ամեն ազգի Իսրայելի տասներկու ցեղերից և կարգված են մարդկանց բերելու «Անդրանիկի եկեղեցին» (ՎևՈւ 77.11, տես Հայտնություն 7.4–8): «Կանանց հետ չխառնակուեցան» արտահայտությունը (Հայտնություն 14.4) նշանակում է նրանք կլինեն ողջախոհ կամ բարոյապես մաքուր: Հայտնություն 14.5-ում «նրանց բերանումը նենգութիւն չգտնուեցավ» արտահայտությունը նշանակում է` նրանք կլինեն ազնիվ և անկեղծ, իսկ «անարատ» նշանակում է` նրանք մաքուր կլինեն մեղքից:
-
Սուրբ գրությունների ուսումնասիրության ձեր օրագրում պատասխանեք հետևյալ հարցին. Ձեր կարծիքով, ինչո՞ւ մաքրաբարո, ազնիվ և մեղքից մաքուր լինելը կօգնի 144000 քահանայապետերին տանել ավետարանը ուրիշներին:
Վերջին օրերի վերաբերյալ Հովհաննեսի տեսիլքում նա տեսավ ևս երեք հրեշտակների: Կարդացեք Հայտնություն 14.6, փնտրելով, թե ինչ ուներ առաջին հրեշտակը:
Հայտնություն 14.6-ը մեջբերելուց հետո Նախագահ Գորդոն Բ. Հինքլին հայտարարել է. «Այդ հրեշտակը եկել է»: Նրա անունը Մորոնի է» (“Stay the Course—Keep the Faith,” Ensign, Nov. 1995, 70):
Մորոնի հրեշտակը առաջինը հայտնվեց Ջոզեֆ Սմիթին և նրան ասաց, որ Աստված կարևոր աշխատանք ուներ նրա համար անելու (տես Ջոզեֆ Սմիթ––Պատմություն 1.29–35): Ըստ Ջոզեֆ Սմիթ —Պատմություն 1.34 հատվածի, Աստծո ղեկավարությամբ, Մորոնին ի՞նչ ասաց Ջոզեֆ Սմիթին, որն օգնեց վերականգնել հավիտենական ավետարանը երկրագնդի վրա:
Վերականգման մեջ Մորոնիի դերի ճանաչումը կարող է օգնել ձեզ հասկանալ, թե ինչու է նրա արձանը դրված մեր տաճարներից շատերի գագաթին:
Հայտնություն 14.6-ում նկարագրվող հրեշտակը կարող է նաև ներկայացնել շատ երկնային սուրհանդակների համակցությունը, ներառյալ Մորոնին, ով օգնեց վերականգնել Հիսուս Քրիստոսի ավետարանը վերջին օրերում (տես Bruce R. McConkie, Doctrinal New Testament Commentary, 3 vols. [1965–73], 3:529–31; տես նաև ՎևՈւ 13, 110.11–16, 128.20–21):
Կարդացեք Հայտնություն 14.7-ը և որոնեք, թե ինչ հայտնեց հրեշտակը: «Նորա դատաստանի ժամը եկաւ» արտահայտությունը վերաբերում է այն ժամանակին, երբ Փրկիչը կդատի ողջ երկրագնդի ժողովրդին: Նրա դատաստանները տեղի կունենան ինչպես Նրա Երկրորդ Գալուստի, այնպես էլ Վերջին Դատաստանի ժամանակ:
Հրեշտակի վերաբերյալ Հովհաննեսի տեսիլքից մենք իմանում ենք, որ պատճառներից մեկը, որ Աստված վերականգնեց Հիսուս Քրիստոսի ավետարանը, երկրի բնակիչներին Հիսուս Քրիստոսի Երկրորդ Գալուստին նախապատրաստելն էր:
Ինչպե՞ս է Հիսուս Քրիստոսի ավետարանը ժողովրդին նախապատրաստում Նրա Երկրորդ Գալուստին:
Ինչպե՞ս է Հիսուս Քրիստոսի վերականգնված ավետարանը բերել ձեզ խաղաղություն, մինչ դուք ապրում եք ամբարիշտ և խառնաշփոթ աշխարհում:
Կարդացեք Հայտնություն 14.8-11-ը, փնտրելով թե ինչ ասացին երկրորդ և երրորդ հրեշտակները:
Հովհաննեսին ուսուցանվեց, որ Բաբելոնը կամ ամբարշտությունը գոյություն կունենա ամեն ազգի մեջ: «Բաբիլոնը ընկավ» արտահայտության իմաստներից մեկն (Հայտնություն 14.8) այն է, որ կգա օրը, երբ աշխարհի ամբարշտությունը կվերջանա:
Գիտենալով, որ աշխարհի ամբարշտությունը կվերջանա, ինչպես կարող եք խաղաղություն ձեռք բերել:
Մարգարե Ջոզեֆ Սմիթը բացատրել է, թե ինչ կզգան ամբարիշտներն իրենց մեռնելուց հետո:
«Հոգիների աշխարհ հեռացածների մեծ թշվառությունը, որտեղ նրանք գնում են մահից հետո, այն է, որ իմանում են, որ իրենք զրկվում են փառքից, որը մյուսները վայելում են, որ իրենք կարող էին վայելել, և նրանք իրենց իսկ մեղադրողներն են» Եկեղեցու Նախագահների ուսմունքները՝ Ջոզեֆ Սմիթ [2007], 224):
«Մարդն ինքն է իրեն տանջողն ու ինքն է իրեն մեղադրողը: Այդ պատճառով ասվում է. Նրանք կգնան կրակի և ծծմբի վառվող լիճը [տես Հայտնություն 21.8]: Հուսահատության տանջանքը մարդու հոգում այնպես ուժեղ է, ինչպես կրակով և ծծմբով այրվող լիճը» (Ուսմունքներ՝ Ջոզեֆ Սմիթ, 224):
Երբ Հովհաննեսն իմացավ, թե ինչ կզգան ամբարիշտները մահից հետո, նա լսեց մի ձայն երկնքից, որը նկարագրում էր, թե ինչ կզգան արդարներն իրենց մահից հետո:
Կարդացեք Հայտնություն 14.12-13-ը, փնտրելով, թե ինչ կզգան արդարներն իրենց մահից հետո:
«Հանգստանալ [մեր] գործերից» (հատված 13) մեր մահից հետո նշանակում է, որ մենք այլևս չենք բեռնավորվի դժբախտություններով, հոգսերով և վշտերով (տես Ալմա 40.12):
Սկզբունքներից մեկը, որը մենք կարող ենք սովորել Հայտնություն 14.12–13-ից, այն է, որ եթե մենք ապրենք արդար, ապա կօրհնվենք մեր գործերի համար և կհանգստանանք մեր գործերից մահանալուց հետո: Գուցե կամենաք գրել այս սկզբունքը ձեր սուրբ գրություններում Հայտնություն 14.12–13-ի կողքին:
-
Մենք կարդում ենք Հայտնություն 14.14–20-ում, որ իր տեսիլքում Հովհաննեսը տեսավ երկու բերքահավաք: Նա տեսավ, որ առաջին բերքահավաքի ժամանակ արդարները կհավաքվեն ամբարիշտների միջից (տես Հայտնություն 14.14–16), իսկ երկրորդ բերքահավաքի ժամանակ ամբարիշտները կհավաքվեն և վերջանականապես կոչնչացվեն (տես Հայտնություն 14.17–20):
Հայտնություն 15-16
Հովհաննեսը տեսնում է արդարներին սելեստիալ արքայությունում և յոթ պատուհասները վերջին օրերում:
Հայտնություն 15.2–4-ը պարունակում է Հովհաննես Առաքյալի նկարագրությունը այն մասին, թե ինչ կլինի նրանց համար, ովքեր հաղթում են սատանային և փրկվում սելեստիալ արքայությունում: Հայտնություն 15–16-ի մնացած մասը պարունակում է նրա յոթ պատուհասների նկարագրությունը, որոնք կտանջեն ամբարիշտներին վերջին օրերում: Այս աղետները կնախորդեն Տիրոջ Երկրորդ Գալուստին:
Հովհաննեսի տեսիլքում յուրաքանչյուր պատուհաս ներկայացվում էր մի հրեշտակի կողմից, որը թափեց «Աստուծոյ բարկութիւնովը լիքը» «սկավառակը» կամ սկահակը:(Հայտնություն 15.7): Կարդացեք հետևյալ հատվածները Հայտնություն 16-ից, փնտրելով յոթը պատուհասները: Հետևյալ աղյուսակում գրեք յուրաքանչյուր պատուհասի հակիրճ նկարագրությունը համապատասխան համարի կողքին:
|
| |
|
| |
|
| |
|
| |
|
| |
|
| |
|
|
Կարդացեք Հայտնություն 16.15-ը, որոնելով թե մենք ինչ կարող ենք անել Հիսուս Քրիստոսի Երկրորդ Գալուստին պատրաստվելու համար:
«Իր հանդերձները պահում է, որ մերկ ման չգայ» (Հայտնություն 16.15) վերաբերում է հոգեպես պատրաստ լինելուն: Նրանք, ովքեր «[պահում են] իրենց հանդերձները» և հոգեպես պատրաստ են, ի վերջո կկրեն արդարության թիկնոցը, որը տրվում է նրանց բոլորին, ովքեր արժանի են ապրել Աստծո հետ սելեստիալ արքայությունում: (տես Հայտնություն 3.3–5, 7.13–17):
Կարող եք հետևյալ ճշմարտությունը գրել կամ նշել ձեր սուրբ գրություններում Հայտնություն 16.15 հատվածի կողքին. Եթե մենք աչալուրջ ենք և հոգեպես պատրաստ, ապա նախապատրաստված կլինենք Հիսուս Քրիստոսի Երկրորդ Գալուստին:
Կարևոր է հիշել, որ Տերը սիրում է Իր ժողովրդին և կհսկի նրանց վերջին օրերում, նույնիսկ սոսկալի ավերածությունների և մեծ ճակատամարտի մեջ: Մենք պետք է աչալուրջ լինենք և հոգեպես պատրաստ, որպեսզի կարողանանք ստանալ Տիրոջ պաշտպանությունը և օրհնությունները: Եթե դուք կամենում եք ավելին իմանալ Արմագեդոնի մասին, որը նշվում է Հայտնություն 16.16-ում, տես Սուրբ Գրքերի Ուղեցույց «Արմագեդոն» վերնագիրը»:
-
Ես ուսումնասիրեցի Հայտնություն 14–16-ը և ավարտեցի այս դասը (ամսաթիվ):
Լրացուցիչ հարցեր, մտքեր և գաղափարներ, որոնցով ես կցանկանայի կիսվել իմ ուսուցչի հետ.