1 Кој е Стеблото на Јесе за кое се зборува во 1то, 2то, 3то, 4то, и 5то стихови од 11то поглавје на Исаија?

2 Вистина така вели Господ: Тоа е Христос.

3 Што е прачката за која се зборува во првиот стих од 11то поглавје на Исаија, која треба да се појави од Стеблото на Јесе?

4 Ете, така кажа Господ; Таа е слуга во рацете на Христос, кој е делумно потомоц на Јесе исто како и на Ефрем, односно од домот на Јосиф, на кому му е положена многу моќ.

5 Што е коренот на Јесе за кој се зборува во 10то стих од 11то поглавје?

6 Ете, така кажа Господ, тој е потомок на Јесе, исто како и Јосиф, на кому со право му припаѓа свештенството, и клучевите на царството, за знаме, и за собирањето на Мојот народ во последните денови.

7 Прашања од Елијас Хигбе: Што се подразбира под заповедта во Исаија, 52то поглавје, прв стих, кој вели: Облечете ја вашата сила, О Сион—и на кој народ Исаија посочуваше?

8 Тој посочуваше на оние кои Бог ги повикал во последните денови, кои ќе ја имаат моќта на свештенството да го доведат повторно Сион, и искупувањето на Израел; и да се облече со неговата сила е да се облече со властта на свештенството, за кое таа, Сион, има право преку родословие; исто така да ја поврати таа моќ што беше ја загубила.

9 Што треба да разбереме преку Сион ослободувајќи се од оковите на неговиот врат; 2ри стих?

10 Ние треба да разбереме дека распрснатите остатоци се охрабрени да се вратат кај Господ од каде што паднале; што ако го сторат, ветувањето на Господ е дека тој ќе збори со нив, или ќе им даде откровение. Видете 6то, 7мо и 8мо стихови. Врските на нејзниот врат се клетвите од Бог врз неа, односно остатоците на Израел во нивната распрсната состојба помеѓу Неевреите.