1 Подемот на Црквата на Христос во овие последни денови, беа поминале една илјада осумстотини и триесет години од доаѓањето на нашиот Господ и Спасител Исус Христос во тело, таа е правилно организирана и воспоставена во согласност со законите на нашата земја, со волјата и заповедите на Бог, во четвртиот месец, и на шестиот ден на месецот кој е наречен Април—

2 Кои заповеди му беа дадени на Џозеф Смит, Јун., кој беше повикан од Бог, и одреден како апостол на Исус Христос, да биде првиот старешина на оваа црква;

3 И на Оливер Каудери, кој исто беше повикан од Бог, еден апостол на Исус Христос, да биде втор старешина во оваа црква, и одреден под неговата рака;

4 И ова според благодатта на нашиот Господ и Спасител Исус Христос, чија е сета слава, и сега и секогаш. Амин.

5 Откако беше навистина прикажано на овој прв старешина дека тој добил опростување од гревовите, тој беше заплеткан повторно во суетите на светот;

6 Но откако се покаја, и се понизи себеси искрено, преку вера, Бог му послужи на него преку свет ангел, чиј лик беше како молња, и чии облеки беа чисти и бели над сета белина;

7 И му даде на него заповеди кои го инспирираа;

8 И му даде моќ од небесата, преку средства кои беа претходно подготвени, да ја преведе Книгата на Мормон;

9 Која содржи запис на еден паднат народ, и целината на евангелието на Исус Христос за Неевреите и исто за Евреите;

10 Која беше дадена од инспирација, и е потврдено на другите преку служење на ангели, и е објавена на светот преку нив—

11 Докажувајќи му на светот дека светите писма се вистинити, и дека Бог инспирира луѓе и ги повикува за неговото свето дело во оваа ера и поколение, како и старите поколенија;

12 Така покажувајќи дека Тој е истиот Бог вчера, денес, и засекогаш. Амин.

13 Затоа, имајќи толку големо сведоштво, од нив светот ќе биде суден, навистина онолку колку што ќе дојдат до знаење за ова дело.

14 И оние кои го добиваат во вера, и работат праведно, ќе добијат круна на вечен живот;

15 Но оние кои ги стврднуваат нивните срца во неверување, и го одбиваат, тоа ќе стане нивната осуда—

16 Зашто Господ Бог го говореше; и ние, старешините на црквата, сме ги слушнале и сме сведочиле за зборовите на величественото Височество на високо, чија е слава секогаш и засекогаш. Амин.

17 Преку овие нешта ние знаеме дека постои Бог на небесата, кој е бесконечен и вечен, од вечност на вечност истиот непроменлив Бог, создавачот на небесата и земјата, и сите нешта кои се во нив;

18 И дека Тој го создаде човештвото, машко и женско, според Неговиот личен лик и според Негова сличност, ги создаде Тој нив;

19 И Тој им даде заповеди дека треба да го љубат и да му служат на Него, единствениот жив и вистински Бог, и дека Тој ќе биде единствено битие кому тие треба да обожаваат.

20 Но со престапување на овие свети закони човекот станува сензуален и ѓаволски, и станува паднат човек.

21 Затоа, Семоќниот Бог го даде Неговиот Единороден Син, како што е запишано во тие свети писма кои биле дадени од него.

22 Тој претрпе искушенија но не обрнуваше внимание на нив.

23 Тој беше распнат, умрен, и стана повторно на третиот ден;

24 И се воздигна на небесата, да седне на десната рака на Отецот, да владее со семоќна моќ според волјата на Отецот;

25 За онолку колку што веруваат и се крстени во Неговото свето име, и издржат со вера до крајот, да се спасени—

26 Не само тие што веруваа откако Тој дојде во меридијан на времето, во телото, туку сите тие од почетокот, и тоа онолку колку што беа пред Тој да дојде, кои веруваа во зборовите на светите пророци, кои зборуваа како да беа инспирирани од дарот на Светиот Дух, кој навистина сведочеше за Него во сите нешта, ќе имаат вечен живот.

27 Исто така и тие кои ќе дојдат отпосле, кои ќе веруваат во даровите и повиците на Бог преку Светиот Дух, кои дават сведоштво за Отецот и за Синот;

28 Кои Отец, Син, и Светиот Дух се еден Бог, бесконечни и вечни, без крај. Амин.

29 И ние знаеме дека сите луѓе мора да се покајат и да веруваат во името на Исус Христос, и да го обожаваат Отецот во Неговото име, и да издржат во вера на Неговото име до крајот, или тие не можат да бидат спасени во царството на Бог.

30 И ние знаеме дека оправдување преку благодатта на нашиот Господ и Спасител Исус Христос е праведно и вистинито;

31 И ние исто така знаеме, дека осветувањето преку благодатта на нашиот Господ и Спасител Исус Христос е праведно и виситнито, на сите оние кои го љубат и му служат на Бог со сета нивна моќ, умови, и сила.

32 Но постои можност дека човештво може да падне од благодатта и да замине од живиот Бог;

33 Затоа оставете ја црквата да слуша и да се моли секогаш, за да не падне во искушение;

34 Да, и дури и тие што се осветени да послушаат исто така.

35 И знаеме дека овие нешта се вистинити и според откровенијата на Јован, ниту додавање на, ниту намалување од прорштвото од неговата книга, светите писма, или откровенијата од Бог кои ќе дојдат отпосле преку моќта на Светиот Дух, гласот на Бог, или послужувањето на ангели.

36 И Господ Бог го говореше; и чест, моќ и слава нека бидат дадени на Неговото свето име, и сега и секогаш. Амин.

37 И повторно, како заповед за црквата во врска со начинот на крштавање—Сите тие кои се покоруваат пред Бог, и посакуваат да бидат крстени, и дојдат со скршени срца и покајнички духови, и сведочат пред црквата дека искрено се покајале за сите нивни гревови, и се спремни да ги преземат врз нив името на Исус Христос, имајќи одлучност да му служат до крајот, и вистински прикажат преку нивното дело дека тие го примиле Духот на Христос при опростувањето на нивните гревови, ќе бидат примени преку крштавање во Неговата црква.

38 Должноста на старешините, свештениците, учителите, ѓаконите, и членовите на црквата на Христос—Еден апостол е старешина, и негов повик е да крштава;

39 И да одредува други старешини, свештеници, учители, и ѓакони;

40 И да послужува леб и вино—амблемите на телото и крвта на Христос—

41 И да ги потврдува оние кои се крстени во црквата, преку ракоположување на рацете за крштавањето на оган и Светиот Дух, според светите писма;

42 И да поучува, образложува, охрабрува, крштава, и да внимава на црквата;

43 И да ја потврди црквата со ракоположување на рацете, и давање на Светиот Дух;

44 И да го преземе водството на сите состаноци.

45 Старешините треба да ги спроведуваат состаноците како се водени од Светиот Дух, според заповедите и откровенијата на Бог.

46 Должноста на свештеникот е да се проповеда, поучува, образложува, охрабрува, и крштава, и да го послужува сакраментот.

47 И да ја посети куќата на секој член, и ги охрабри да се молат вокално и тајно и да ги извршуваат сите семејни должности.

48 И тој исто така може да одредува други свештеници, учители, и ѓакони.

49 И тој ќе го земе водството на состаноците кога нема старешина присутен;

50 Но кога има присутен старешина, тој само ќе проповеда, поучува, образложува, охрабрува, и крштава,

51 И ја посетува куќата на секој член, охрабрувајќи ги да се молат вокално и во тајност и да ги извршуваат сите семејни должности.

52 Во сите овие должности свештеникот треба да му помага на старешината ако затреба во пригодата.

53 Должноста на учителот е да внимава на црквата секогаш, и да биде со нив и да ги зацврсти;

54 И да осигурува дека нема беззаконие во црквата, ниту строгост едни со други, ниту лажење, заборување зад грб, ниту зло зборување;

55 И да осигурува дека црквата се среќава заедно често, и исто така да осигурува дека сите членови ја вршат нивната должност.

56 И тој треба да го земе водството на состаноците во отсуство на старешина или свештеник—

57 И секогаш, во сите негови должности во црквата, треба да му помагаат ѓаконите, ако пригодата бара.

58 Но ниту учители ниту ѓакони имаат власт да крштаваат, да го послужуваат сакраментот, или да ракоположуваат;

59 Сепак, тие треба да предупредуваат, образложуваат, охрабруваат, и поучуваат, и да ги покануват сите да дојдат при Христос.

60 Секој старешина, свештеник, учител, или ѓакон треба да биде одреден според даровите и повиците на Бог при него; и тој е да биде одреден преку моќта на Светиот Дух, која е во тој што го одредува.

61 Неколкуте старешини кои ја сочинуваат црквата на Христос треба да се среќаваат во кажаните конференција еднаш на три месеци, или од време до време како што тие конференции ќе определат или закажат;

62 И кажаните конференции се за да се прави било што црковна работа што е неопходна да биде сторена во моментот.

63 Старешините треба да ги примат нивните лиценци од други старешини, преку глас на црквата на која припаѓаат, или преку конференциите.

64 Секој свештеник, учител, или ѓакон, кој е одреден од еден свештеник, може да земе потврда од него во моментот, кој потврда, кога е претставен на старешина, ќе му даде право да добие лиценца, кое ќе го овласти да ги изведува должностите на неговиот повик, или да прими од една конференција.

65 Ниту една личност не треба да биде одредена на било која служба на оваа црква, кога има редовно организирана гранка од истата, без гласот од таа црква;

66 Но претседавачките старешини, епископи кои патуваат, високи советници, високи свештеници, и старешини, може да ја имаат привилегијата на одредување, каде што нема гранка на црквата каде што глас може да се извршува.

67 Секој претседател на високото свештенство (или претседавачки старешина), епископ, висок советник, и висок свештеник, е да биде одреден преку раководство на еден висок совет или генерална конференција.

68 Должноста на членовите откако се примени преку крштавање—Старешините или свештениците треба да имаат доволно време да ги образложуваат сите нешта во врска со црквата на Христос според нивното разбирање, пред нивното земање на сакраментот и да се биде потврдено преку ракоположување на раце на старешините, за сите нешта да бидат направени со ред.

69 И членовите ќе покажат пред црквата, и исто така пред старешините, преку божествена прошетка и разговор, дека се вредни за тоа, за да може да има дела и вера во договор со светите писма—чекорејќи во светоста пред Господ.

70 Секој член на црквата на Христос кој има деца е да ги изведе пред старешините пред црквата, кои треба да ги положат нивните раце врз нив во името на Исус Христос, и да ги благословат нив во Негово име.

71 Никој не може да биде примен во црквата на Христос се додека не пристигне во годините на одговорност пред Бог, и не е способен за покајание.

72 Крштавање треба да се послужи во следниот начин на сите тие што се покајуваат—

73 Личноста која е повикана од Бог и има власт од Исус Христос да крштава, ќе оди долу во водата со личноста која се претставила самата или себеси за крштавање, и ќе каже, повикувајќи го по негово или нејзино име: Овластен од Исус Христос, јас те крштавам во името на Отецот, и на Синот, и на Светиот Дух. Амин.

74 Тогаш ќе го потопи него или неа во водата, и ќе излезе повторно надвор од водата.

75 Целисходно е црквата да се сеќава често да земе од леб и вино во сеќавање на Господ Исус;

76 И старешината или свештеникот ќе го послужува; и по овој начин тој ќе го послужува—тој ќе клекне со црквата и ќе го повика Отецот во свечена молитва, велејќи:

77 О Боже, Вечен Оче, те молиме во името на Твојот Син, Исус Христос, да го благословиш и осветиш овој леб за душите на сите тие што земаат дел од него, за да можат да го јадат во сеќавање на телото на Твојот Син, и ти посведочат, О Боже, Вечен Оче, дека се спремни да го преземат врз себе името на Твојот Син, и секогаш да го помнат и да се покоруваат на Неговите заповеди што им ги даде Тој; за да можат секогаш да го имаат Неговиот Дух со нив. Амин.

78 Начинот на послужување на виното—тој ќе ја земе чашата исто така, и ќе каже:

79 О Боже, Вечен Оче, те молиме во името на Твојот Син, Исус Христос, да го благословиш и осветиш ова вино за душите на сите тие што пијат од него, за да можат да го прават тоа во сеќавање на крвта на Твојот Син, што беше пролеана за нив; за да можат да ти посведочат, О Боже, Вечен Оче, дека секогаш го помнат, за да можат да го имаат Неговиот Дух со нив. Амин.

80 Секој член од Црквата на Христос кој престапува, или е преземен во грешка, ќе се постапи со нив како што упатуваат светите писма.

81 Тоа ќе биде должност на неколку цркви, сочинувајќи ја црквата на Христос, да испратат еден или повеќе од нивните учители да присуствуваат на неколку конференции држени од старешините на црквата,

82 Со список на имиња од различните членови кои се обединуваат себеси со црквата од претходната конфренција; или испрати од раката на некој свештеник; за постојан список на сите имиња на целата црква да може да биде чуван во една книга од еден од старешините, кого другите старешини ќе го назначат од време на време;

83 И исто, ако некои биле избркани од црквата, за нивните имиња да бидат избришани од генералниот црковен запис на имиња.

84 Сите членови кои се отстрануваат од црквата каде што живеат, ако одат во црква во која не се познати, можат да земат писмо кое потврдува дека се чести членови и во добра позиција, кој сертификат може да е потпишан од било кој старешина или свештеник ако членот кој го прима писмото е лично запознаен со старешината или свештеникот, или може да е потпишан од учителите, или ѓаконите на црквата.